Tɔlɔ Mɔ 6:18 - WE NU GALE 1995

¹⁸ Do 'da fala ni, nɛ wi a hã tɛ̃ a hã mi NWA ni, a kɛlɛ sɛ zu a dɛ nu tɔa Tande ni. Nɛ a a sɛ mili zu a li we fala wa dɔ do wili bata we be dɛa na ni.

Tɔlɔ Mɔ 6:18 Iomraidhean Croise

Tɔlɔ Mɔ 6:17

'Do nɛ, nɛ a gbɛ sɛ wili bata do dɔnggamɔ we be dɛa na. A hã sɛ dɔnggamɛ ni fala nɛ kpo do yele mapa. Nɛ a hã sɛ 'bɔ farini do dɔ̃ɛ do dɔnggamɔ.

Tɔlɔ Mɔ 6:5

Nɛ ma wè 'bɔ na, a kɛlɛ zu a, tabi nzɛlɛ a gɔ. A hã tɛ̃ a hã mi NWA, nɛ ma wia na, a la mili zu a do nzɛlɛ a, nɛ ma dulu gbaa we hɔ Sɔkpɔ mbuli kɛ a kpua ni.

Tɔlɔ Mɔ 6:9

Fala kɛ fio gbanga wele dɛ kɛ zã a nde, nɛ mbuli a kpua we hã tɛ̃ a hã mi NWA ni, ma yolo sɛ nù. We kɛ fie ni dɛa na, a hɔ wi ndi li mi NWA. Nɛ a 'bɔ sɛ 'do tũ sambo, sɛ nɛ a hɔ 'bɔ sa wi li mi NWA, nɛ a kɛlɛ wá zu a de.

LUKA 17:10

Ma tɛ mɛ 'bɔ na mɛ ni we duzu nɛ. 'Da fala kɛ nɛ dɛ mɔ kɛ wele ba nu ɛ hã nɛ na, nɛ dɛ ni, nɛ nɛ tɔ̃́ na: ‘Lɛ a owi dɛa to, kɔ lɛ dɛa gɛ a mɛnɔ kɛ wa tumba lɛ we dɛ ma ni iko.’ ”

Owi Nɛ Tonɔ 18:18

Nɛ Polo ɔa dɛ Konntɛ ni 'do a nyɛlɛ wena. Nɛ 'do nɛ, nɛ wa do Prisilɛ, do Akilasi, wa kulu ngɔ sanga onya wa wi kɔ̃a wenɔ, we ba masua, we la dɛ Siri. Dati la mɔ́ wa, nɛ Polo nɛa tɛ Sankre, nɛ a kpolo mili zu a do'do, we kɛ a kpua mbulu hã Gale.

Owi Nɛ Tonɔ 21:23

Kɔ ma wia na, mɔ dɛ ɔ nɛ kɛ lɛ nɛ tɔ̃ hã mɔ ni. Lɛ do Owele nalɛ sanga lɛ gɛ, wa kpua mbulu hã Gale.

Owi Nɛ Tonɔ 21:24

Kɔ ma wia na, 'da fala kɛ wa nɛ fɔlɔ wa we hɔ sa wi li Gale, ɔ nɛ kɛ mbula tɔ̃a ni, nɛ mɔ mba do wa, nɛ mɔ gɔnɔ zu wa, sɛ nɛ wa ĩ ti kpolo zu wa de. Na mɛ ni, nɛ winɔ vɛ wa ĩ sɛ na, wenɔ kɛ lo zila dɛ ngɔ mɔ i ni, mɛ a bɛlɛ. Nɛ wa zɔ sɛ na, mɔ tɛ mɛ 'bɔ, mɔ dɛ mbula 'da Mɔizɛ dɛa.

Owi Nɛ Tonɔ 21:26

Fala nɛa we sa nɛ, nɛ Polo kala winɔ nalɛ ni, nɛ a nɛ do wa fala fɔlɔ do winɔ ni, nɛ wa fɔlɔ wa. 'Do nɛ, nɛ a nɛa kɔ Tɛmpɛlo i, nɛ a we ngba soe kɛ tũ fɔlɔ tɛ wi ma e sɛ, nɛ wa hã sɛ do dɔnggamɛ we wa kpo kpo ni.

EFƐZƐ 1:6

Kɔ lɛ dɔ́nggɔ́ Gale we gã dia zã kɛ a bia ma hã lɛ do wala 'da Yezu Kristo, Be 'da a ngɔ sila a ni.