Tɔlɔ Mɔ 6:12 - WE NU GALE 1995

¹² Nɛ nde ma wia na, wi ni a hã sɛ 'bɔ mbé tɛ̃ a hã mi NWA. A hã sɛ be bata kɛ a dɛa sabɛlɛ kpo ni do dɔnggamɔ, we si olo ku'da 'dã mɛ 'da a. Nɛ wa tɔ́lɔ́ sɛ 'bɔ kɔ̃ tũnɔ zi a hã do tɛ̃ a hã mi dati ni gɔ, we kɛ kɔ tũi ni, ma yula nù dɛ sanga gɛ iko.

Tɔlɔ Mɔ 6:12 Iomraidhean Croise

Kulu Tɔa 12:5

Be bata tabi be dua kɛ wa nɛ gbɛ sɛ a ni, mɛ sɛ a be wili nɛ, kɛ a do sabɛlɛ kpo, nɛ fo kunda tɛ̃ a bina ni.

EZEKIƐLƐ 18:24

“Nɛ nde fala kɛ wi bɔlɔ zu la fala dɛ de mɔ, kɔ a ndo dɛ 'dã mɛnɔ ɔ nɛ kɛ 'dã winɔ wa dɛ ni, nɛ nɛ lengge na, a wia sɛ we kpasa nɛ nde? Fala kpo gɔ. Wa lénggé sɛ 'bɔ dia mɛnɔ a dɛa zi ni gɔ. Nɛ a fe sɛ we kɛ a bɛ̃a gɛnɛ mi, nɛ a dɛa 'dã mɔ ni.

Levitɛnɔ 14:24

“Nɛ nganga a ba sɛ bata ni do nɔɛ, nɛ a yaka ma dati NWA.

Levitɛnɔ 5:6

nɛ a tɛ do be naa bata, tabi naa dua we dɔnggɔ do NWA, takɔ ma si olo ku'da 'dã mɛ zu a. Nɛ nganga a hã sɛ dɔnggamɛ ni hã NWA, nɛ ma dɛ sɛ na, NWA fo ku'da 'dã mɛ zu wi ni.

Levitɛnɔ 5:7

“Fala kɛ wele do wala we hã bata tabi dua, we si olo ku'da 'dã mɛ a dɛa ni bina, nɛ ma wia na, a tɛ do gbakulĩ bɔa, tabi opizɔ̃ bɔa we si do olo ku'da 'dã mɛ 'da a dati NWA. Mbe nɔɛ kpo sɛ we hã do dɔnggamɔ we fo ku'da 'dã mɔ, nɛ wa dɔ sɛ mbe nɛ vɛ̃ we dɔnggɔ do Gale.

Tɔlɔ Mɔ 6:11

Nɛ nganga a gbɛ sɛ mbe kpo kɔ nɔɛnɔ ni hã mi NWA, we fo ku'da 'dã mɛ zu wi ni. Nɛ a dɔ sɛ mbee nɛ we dɔnggɔ do mi. Nganga a dɛ sɛ mɛnɔ ni vɛ̃ we fɔlɔ wi ni olo kɛ a kɔlɔ do wɔlɛ ni. Do ngba soe ni, nɛ nganga a mbese sɛ winɔ na, wi ni a hɔa 'bɔ wi mɔ́ mi NWA.

Tɔlɔ Mɔ 6:13

“Mɛnɔ ma wia sɛ na, wi kɛ a kɔa we hã tɛ̃ a hã mi NWA a dɛ ni, ma kɛ: 'Da fala kɛ a hɔ Sɔkpɔ mbuli a kpua zi ni, nɛ wa kã a dɛ nu tɔa Tande i.

MATIE 24:13

Kɔ wele kɛ sila a nɔ tɛ kɔ̃a we 'da a gbaa we hɔ ndɔti nɛ, nɛ Gale a kpasa sɛ a.

MATIE 3:15

Nɛ Yezu gese hã a na: “Mɔ dɛ́ kpa, we kɛ ma wia na, ma dɛ tɛ̃ ɛ ní, takɔ lɛ dɛ mɛ kɛ Gale kɔ̃a ni.” Nɛ Yoanɛ kɔ̃a, nɛ a batisa Yezu.

ZAKE 2:10

Wi kɛ a dɛ mbulanɔ 'da Gale, kɔ a yɔ mbe sanga nɛ kpo iko, nɛ nde a yɔa mbulanɔ vɛ ia.

2 YOANƐ 1:8

Kɔ li nɛ sɔ̃́, da dɛ kɔ tonɔ vɛ kɛ nɛ dɛa hã Yezu ni, ma ɔ́ yala iko gɔ, nɛ nde nɛ dɛ́ na, nɛ kpa si mɔ olo nɛ gã wena.