Tɔlɔ Mɔ 5:9 - WE NU GALE 1995

⁹ Wa fo sɛ mbee tɛ dɔnggamɛnɔ vɛ̃ kɛ obe Israɛlɛ wa tɛ nɛ hã Gale ni, nɛ wa hã ma hã nganga kɛ a dɛ toe ni.

Tɔlɔ Mɔ 5:9 Iomraidhean Croise

Kulu Tɔa 29:28

We duzu ma, 'da fala fai, fala kɛ obe Israɛlɛ wa gbɛ sa'de we be dɛa na, nɛ wa fo sɛ gbãlã ngu'du nɛ do ku nɛ, nɛ wa hã ma hã Aroni do obe zã a.

Levitɛnɔ 10:13

Nɛ nyɔngɔ ma dɛ fala kɛ ma santo ni iko. Mbee dɔnggamɔ fũi kɛ wa hã ma hã NWA ni, ma a mɔ mɔ́ Aroni, do obenɔ 'da mɔ, ɔ nɛ kɛ mbulanɔ 'da NWA tɔ́a ni.

Levitɛnɔ 10:14

Nɛ gbãlã ngu'du sa'denɔ, do ku wa, kɛ obe Israɛlɛ wa hã ma do dɔnggamɔ be dɛa na, nɛ nɛ yaka ma dati NWA ni, wele nɛ a mɔ́ mɔ Aroni, do obenɔ 'da mɔ. Nɛ nyɔngɔ sɛ ma tɛ fala kɛ ma a sa li NWA. Nɛ oboko benɔ 'da mɔ, wa wia 'bɔ we nyɔngɔ ma fala nɛ kpo do nɛ.

Levitɛnɔ 10:15

Obe Israɛlɛ wa tɛ sɛ do gbãlã ngu'du sa'de, do ku nɛ, do 'da fala kɛ wa tɛ do kɛndɔnɔ na, mɔ dɔ ngɔ gbagala ni. Nɛ 'do kɛ mɔ yaka ma dati NWA ia ni, nɛ wa hã sɛ gbãlã ngu'du sa'de, do ku kɛ hã nɛ, we kɛ wele nɛ a mɔ́ nɛ fai, ɔ nɛ kɛ NWA ba do nu a ni.”

Levitɛnɔ 7:32

Ma wia na, wa fo 'bɔ ku sa'de ni, kɛ si ngɔ ngawili kɔ, nɛ wa hã ma hã nganga.

Levitɛnɔ 7:34

NWA do tɛ̃ a, a ba nu a hã nɛ obe Israɛlɛ na, nɛ bá gbãlã ngu'du sa'denɔ do oku wa, nɛ nɛ e do tɛ̃ ɛ, nɛ nɛ hã ma hã onganganɔ kɛ wa a obe zã Aroni ni. We kɛ mɛnɔ ni ma a mɔ́ wa fai.”

Tɔlɔ Mɔ 18:19

Nɛ mi hã mɛnɔ vɛ̃ kɛ obe Israɛlɛ wa tɛ do ma hã mi ɔ nɛ dɔnggamɔ kɛ ma santo ni hã nɛ. Ma sɛ fai a mɔ́ mɔ, do obulu benɔ 'da mɔ do oboko benɔ 'da mɔ. Kɛ gɛ mɛ a gba tɔkɔ kɛ mi gba do mɔ do obe zã mɔ, nɛ mi kpóló sɛ ma gɔ fai.”

Tɔlɔ Mɔ 31:41

Ma kɛ Mɔizɛ kala owinɔ do osa'denɔ wa fua hã NWA ni, nɛ a hã wa hã nganga Elazarɛ ɔ nɛ kɛ NWA ba zi do nu a hã a ni.

Tɔlɔ Mɔ 5:8

Fala kɛ wele mɛ ni fe do'do, kɔ fo wi na mɔ́ a na, wa futa olo nɛ hã a ni bina nde, nɛ wa hã sɛ ma hã NWA, nɛ ma wia tɛ gala onganganɔ. Nɛ wi dɛ 'dã mɛ a hã sɛ 'bɔ wili ngɔmbɔ, nɛ nganga gbɛ ma hã NWA, we si olo ku'da 'dã mɛ zu wi ni.

Mbulanɔ 12:26

“Ma kɛ nɛ kala sɛ osa'de dɔnggɔ do NWA, do odia mɛnɔ kɛ nɛ kpua mbulu we 'dɔlɔ hã a ni, nɛ nɛ tɛ do ma dɛ fala a saka sɛ na, wa dɔnggɔ do ɛ ni.