Tɔlɔ Mɔ 5:21 - WE NU GALE 1995

²¹ nɛ é kɔ NWA hã etumbu hã mɔ. Nɛ a dɛ́ na, zã mɔ ma hana, nɛ mɔ tɛ kò 'bɔ gɔ, do tɛlɛ tɛ kɛ na, ongba mɔ wa ba kumbu tɛ wa do mɔ do 'da fala wa ma sɛ ngɔ kana tɛ wa li Owele ni.

Tɔlɔ Mɔ 5:21 Iomraidhean Croise

2 Sakonɔ 21:15

Nɛ zɛlɛ kpi do kpi ma ba sɛ mɔ. Nɛ mbe ko zɛlɛnɔ ni, ma nyɔngɔ sɛ mɔ nyɔnga gbaa na, kala zã mɔ gbala sɛ nɛ de.”

NEHEMIE 10:29

Lɛ, ogele be Israɛlɛ, do onganganɔ, do olevitɛnɔ, do Owi zɔ mɔ nu ngbonɔ, do Owi ga Zumanɔ, do Owi gala olevitɛnɔ, lɛ mba kpo do ogã winɔ 'da lɛ we kpo mbulu hã Gale, mba do owinɔ kɛ wa 'bana zi ngɔ nù Yuda nga do 'da fala 'duli, nɛ wa bɛ̃a gɛnɛ dɛa mɛ 'da opaganɔnɔ we dɛ mbula 'da Gale ni. Wi a lɛ, mba do okɛnɛ lɛ, do obenɔ 'da lɛ, owuko nɛ do Owi wili nɛ, kɛ wa wia sabɛlɛ zele gulu mbula ni.

GBA WENƆ 10:7

Wa lengge dia wi 'da fala fai, nɛ wa hã iɔ̃nae hã Gale we duzu a. Nɛ nde ta zu wele ele ngɔ 'dã wi do li a vɛ̃.

Ezai 65:15

Nɛ owinɔ kɛ mi saka wa ni, wa fɔmbɔ sɛ ogele winɔ do li nɛ na: ‘NWA Gale gbɛ́ nɛ ɔ nɛ kɛ a gbɛa zi do mbe gele winɔ dati ni.’ Nɛ mi sa sɛ gele li kpi zu owi dɛa tonɔ 'da mi.

Yeremi 29:22

Oyudanɔ vɛ̃ kɛ wa la zi kɔlɔ 'duli tɛ ngɔ nù Babilonia i ni, wa we sɛ Ahabɛ do Sidɛkia do we kɔ fɔmba. Nɛ wa tɔ̃ sɛ na: ‘E kɔ NWA dɛ do mɔ ɔ nɛ kɛ a dɛa zi do Ahabɛ do Sidɛkia, kɛ nwa ngɔ nù Babilonia da zi wa li we do tunu li wa, nɛ wa ngutu ni!’

Tɔlɔ Mɔ 5:27

Hã fala kɛ a nɔ lì ni, kɔ a ɔa do gele wili do gbãlã we nde, nɛ lì fɔmba ni, ma le sɛ kɔ kala zã a, nɛ ma hana sɛ zã a, nɛ a kó sɛ 'bɔ gɔ. Na mɛ ni, nɛ ongba a wa ba sɛ kumbu tɛ wa do a 'da fala wa ma sɛ ngɔ kana tɛ wa li Owele ni.

MATIE 26:74

Nɛ Petro ma ngɔ tɔ̃ na: “Fala kɛ mi 'bili bɛlɛ nde, nɛ Gale fɔmbɔ mi! Mi kana tɛ mi na, mi ĩ̀ti wi ni gɔ!” Kɔ ma nɛ 'bana dɛ nu a ni, nɛ kɔla he mɔ.

Yozue 6:26

'Do kɛ osoda Israɛlɛ wa 'danga le Yeriko ni, nɛ Yozue kana nu a tɛ nɛ na: “E kɔ NWA fɔmbɔ wi kɛ a yamba sɛ we dɛ 'bɔ le Yeriko dɛ olo nɛ ni. Wele kɛ a ndo zĩ ngbo nu le, nɛ kutu be 'da a a fe nɛ. Wele kɛ a ndo 'dafa ngbo nu le, nɛ tala be 'da a a fe nɛ.”

1 SAMUƐLƐ 14:24

Do kpo soe ni, obe Israɛlɛ wa mbɔkɔ wena, we kɛ Saulo kana nu ɛ tɛ wa na: “Fala kɛ wese tɛ gɛ gɔ, kɔ wele nyɔngɔ mɔ dati kɛ na, mi gbɛ Owi sɛnɛ mi e ni, nɛ a kpa sɛ ngamɔ.” Wa nɛa we zele ni, nɛ wele kpo nyɔ̀ngɔ̀ mɔ gɔ.