Tɔlɔ Mɔ 5:18 - WE NU GALE 1995

¹⁸ Nɛ a fo sɛ kitambala zu wuke, nɛ a a fũi dɛ kɔ̃ wuke na, a dɔnggɔ do mi Gale. Dɔnggamɛ ni, ma we duzu bɔnɛ 'da wili a. Nganga do tɛ̃ a, a 'be sɛ kpana kɛ lì fɔmbɔ do wi kɔ nɛ ni dɛ kɔ a.

Tɔlɔ Mɔ 5:18 Iomraidhean Croise

GBA WENƆ 5:4

Nɛ nde fala kɛ a ɔlɔ mɔ do'do, sɛ nɛ mɔ ĩ na, lɛnggɛ nu a ɔ nɛ sambe, tabi kɔya kɛ tɔ̃a nu nɛ bɔa ni de.

WI LENGGE WE 7:26

Nɛ mi zɔa na, wuko yɛnggɛ vĩ zu yali ɔ nɛ bili ni, a fanga nɛa ngɔ fio. Kɔ̃a zã 'da a mɛ a gbanda, nɛ 'baka a mɛ a fɛlɛ we ba wele. Wuke ni ba wi dɛ 'dã mɛnɔ, nɛ nde a bá wi kɛ dɛa to tɛ̃ a a dia tɛ Gale ni gɔ.

Ezai 38:17

Nɛ ngangga ni, 'bakoe 'da mi ma kifi yangga. Mba gɔ, mɔ kɔ̃ gɛnɛ mi wena, nɛ mɔ kpasa mi kɔ fio, nɛ mɔ fua ku'da 'dã mɛnɔ zu mi do'do.

Yeremi 2:19

Nɛ kpa sɛ etumbu olo 'dã mɛ 'da nɛ, nɛ tɛ nɛ ma zɛlɛ sɛ olo kɛ nɛ siki 'do nɛ hã mi ni. Na mɛ ni, nɛ nɛ ĩ sɛ na, bɛ̃ gɛnɛ NWA Gale 'da nɛ, mɛ a 'dã mɔ, kɛ ma fanga ɔ nɛ sambe ni. Mi NWA Gale ngɔ mɔ nyanga nza vɛ̃, mi tɔ̃a ni.”

Levitɛnɔ 13:45

“Ma wia na, wi kɛ a do zɛlɛ ngbɛlɛ ni, a he'de ɛ̃a tulu, nɛ a tɛ kɛlɛ zu a gɔ, nɛ a kpo tulu, nɛ ma kele sala ngɔ nu a do nzɛlɛ a do'do. Nɛ a he mɔ na: ‘Mi a wi ndi! Mi a wi ndi!’

Tɔlɔ Mɔ 5:15

Ma ɔ do wenɔ bɔa ni, nɛ wi wili a kã sɛ kɛnɛ a dɛ 'da nganga i, nɛ a tɛ do dɔnggamɔ kɛ ma wia ni. Mɛ a fũ ɔrzɛ kilo talɛ. A á sɛ nɔ ngɔ nɛ gɔ, nɛ a á sɛ 'bɔ fũ yɔmbɔ ngɔ nɛ gɔ, we kɛ mɛ a dɔnggamɛ 'da wi wili kɛ a dɛ bɔnɛ. A dɔnggɔ ma do Gale, takɔ gbãlã we hɔ nza.

Tɔlɔ Mɔ 5:17

Nɛ nganga a so sɛ lì kɛ ma santo ni dɛ kɔ kpana gili, nɛ a ngɛmɛ mbe kɛnzɛ ngɔ nù kɔ tɔa Tande, nɛ a mba do ma.

Tɔlɔ Mɔ 5:19

Nɛ nganga a tɔ̃ sɛ hã wuke ni na, a kɔ̃ nu owenɔ ɛ nɛ tɔ̃ nɛ ni. A tɔ̃ sɛ na: ‘Fala kɛ mɔ ɔlɔ wili mɔ, nɛ mɔ ɔ do gele wili gɔ, nɛ lì gɛ dɛ́ sɛ mɔ kpo do mɔ gɔ.

Tɔlɔ Mɔ 5:22

Nɛ é kɔ lì fɔmba gɛ, ma le kɔ zã mɔ, nɛ ma hana zã mɔ kirr, nɛ mɔ tɛ kò 'bɔ gɔ.’ Nɛ wuke gese sɛ na: ‘Mi kɔa, é kɔ ma dɛ tɛ̃ ɛ na mɛ ni.’

1 KORINTƐ 11:15

Ĩ na, du mili zu wuko, ma hã dɔ̃lɔ̃ li hã a. Mba gɔ, Gale hã zɛ́ du mili hã wuko, takɔ ma gulu zu a vɛ.

1 KORINTƐ 11:6

Kɔ fala kɛ wuko kpò tulu ngɔ zu ɛ gɔ, nɛ ma wia na, a kɛlɛ zu a do bɔlɔ mili. Kɔ fala kɛ a dɛ sape kɛlɛ zu a, tabi kpolo zu a nde, nɛ ma wia na, a kpo tulu ngɔ zu a.

Mbulanɔ 29:18

Nɛ nɛ gɛ vɛ̃, kɛ nɛ zila wenɔ ni sɔɛ gɛ, nɛ dɛ zĩ na, da dɛ kɔ wele kpo lénggé na, gɛnɛ kɔ ɛ là fala dɛ nga zu gɔ, nɛ ɛ kpa sɛ dia mɔ ni gɔ. Nɛ nɛ dɛ 'bɔ zĩ na, da dɛ kɔ wele é ngba ɛ li wala dɔnggɔ kpikima gɔ.

OHEBRE 13:4

E kɔ owinɔ wa ba ngba wa do wala do nɛ. Ma wia na, wi wili mba ngɔ mɔ ɔi tati nɛ do wuke 'da a ngboo, nɛ wuko mba ngɔ mɔ ɔi tati nɛ do wili a ngboo. Mba gɔ, Gale a 'bili sɛ ngbangga dɛ ngɔ owi yɛnggɛ vĩ zu yɛli, do owi ɔ do wili tabi wuko 'da ngba wa.

1 SAMUƐLƐ 15:32

'Do nɛ, nɛ Samuɛlɛ ba nu ɛ na, wa tɛ do Agagɛ, nwa ngɔ Oamalɛkɛ. Agagɛ tɛa, nɛ nde sila a gɛ̃a, we kɛ a lingga na, ngamɔ fio ma fua tɛ̃ ɛ ngɔ ɛ ia.