Tɔlɔ Mɔ 4:5 - WE NU GALE 1995

⁵ 'Da fala obe Israɛlɛ wa kulu sɛ ngɔ we la nɛ ni, nɛ Aroni do obenɔ 'da a wa fo sɛ ku'bi ma gɔnɔ sanga tɔa Tande ni, nɛ wa lɔmbɔ sɛ do 'do Sanduku Gba Tɔkɛ.

Tɔlɔ Mɔ 4:5 Iomraidhean Croise

1 Sakonɔ 15:15

Nɛ olevitɛnɔ wa kala ote ngbangbo, nɛ wa a ti Sanduki, nɛ wa e ma zu 'baka wa. Wa dɛa kpasaa ɔ nɛ kɛ mbula 'da NWA, kɛ Mɔizɛ gba zi nu nɛ hã wa ni tɔ̃a ni.

1 Sakonɔ 23:26

Na mɛ ni, nɛ olevitɛnɔ wa bá sɛ 'bɔ tɔa Tande 'da NWA Gale we la nɛ dɛ dati gɔ.”

2 Sakonɔ 3:14

Nɛ wa fulu zi tulu linɛ kɛ ma ɔ bɛndɛ bɛndɛ ni do ku'bu kɔ tɔa. Mɛ zi a tulu linɛ kɛ ma ɔ yoo, do fila nɛ, do kɛ ma fila kpangbangba ni. Nɛ wa gɛ̀zɛ ohi mɛnɔ ni dɛ se'de.

Kulu Tɔa 36:35

Owi dɛ si'bili mɛnɔ wa dɛa ku'bu do tulu nga linɛ zanga do sala bata kɛ wa gɛzɛ ma do ofila langi kpi do kpi, nɛ wa gɛzɛ ohi mɔ ɔ nɛ wele ni dɛ tɛ nɛ.

Kulu Tɔa 40:3

Nɛ mɔ ba sɛ Sanduku Gba Tɔkɛ, nɛ mɔ usu 'do ku'bu kɛ wa 'bili do kɔ tɔa Tande 'di ni.

Kulu Tɔa 40:5

Nɛ mɔ ba sɛ gbagala kɛ wa dɛa do mɔ mbali we dɔ do fũ yɔmbɛ ni, nɛ mɔ e ma dɛ dati Sanduku Gba Tɔkɛ. Nɛ mɔ kele nu tɔa Tande do ku'bu.

Ezai 25:7

Dɛ ngɔ kala ni, a hɔlɔ sɛ tulu gɛlanɔ tɛ owinɔ, nɛ a fo 'bako kɔ sila wa do'do.

Levitɛnɔ 16:2

“Mɔ tɔ̃ hã nya mɔ Aroni na, a tɛ lè 'do ku'bi i, tɛ Fala kɛ ma santo wena ni yala yala iko gɔ. We kɛ mɛ a fala mi be do tɛ mi kɔ lɔnggɔ zɛ̃ we de ngɔ mɔ nu Sanduku Gba Tɔkɛ ni. Ko fala kɛ a le iko, nɛ a fe sɛ.

Tɔlɔ Mɔ 10:14

Ngɔ gili nu kpala obe Israɛlɛ kɛ wa ɔ zi ti bɛndɛlɛ 'da nu kpala Yuda ni, wa la dati. Nɛ Nasoni, be 'da Aminadabɛ a kpia ti osodanɔ 'da wa.

Tɔlɔ Mɔ 4:15

Kɔ wa nɛ la ma, nɛ Aroni do obenɔ 'da a wa lɔmbɔ sɛ 'do omɛnɔ ma santo ni, do osi'bili mɔ to nɛ vɛ̃ do'do, sɛ nɛ obe zã Kehatɛ wa tɛ we ba tole nɛ de. Na mɛ ni, nɛ kɔ Okehatɛ ndɔ́ sɛ tɛ mɔ santoe, kɔ wa hɔ fɛna fio gɔ. Obe zã Kehatɛ wa dɛ sɛ to kala omɔ tole santonɔ kɔ tɔa Tande ni.

Tɔlɔ Mɔ 4:4

Nɛ wa sɛ a owi zɔ tɛ mɛnɔ ma santo wena ni.

Tɔlɔ Mɔ 7:9

Nɛ nde Mɔizɛ hã̀ ngilingili tabi ngɔmbɔ hã Okehatɛ gɔ, we kɛ wa a wi fɔmɔ omɛnɔ kɛ ma santo ni. Nɛ ma wia na, wa kala tole mɛnɔ ni do ngɔ 'baka wa ngboo.

MATIE 27:51

Nɛ do 'da fala ni, nɛ gba tulu ku'bi kɔ Tɛmpɛloe i ɛ̃a dɛ gbogbo kparr, yolo ngɔ gbaa nù. Nɛ nùi tana nganda wena, nɛ otanɔ ma gba sanga tɛ ngbɛ ɛ.

Mbulanɔ 31:9

Ma kɛ Mɔizɛ kɔma mbula 'da Gale dɛ kɔ 'buku, nɛ a hã ma hã onganganɔ do okpasa wi Israɛlɛ. Onganganɔ ni a obe zã Levi, nɛ wa a wa ba tole sanduku Gba Tɔkɛ 'da NWA.

OHEBRE 10:20

Yezu hũi nu mbé wala kɛ lɛ wia we kpasa nɛ ni hã lɛ na, lɛ le 'do tuli tɛ fala kɛ ma santoe ni. Nɛ tuli ni a kili tɛ̃ a ngboo.

OHEBRE 9:3

Nɛ 'do bɔa gbau tuli wa 'bili do kɔ tɔa tande ni, nɛ mɔ hɔ tɛ fala wa sa li nɛ na, fala kɛ ma santo wena ni.

1 SAMUƐLƐ 6:19

Nɛ nde do 'da fala ni, nɛ nwa hã etumbu hã owinɔ kɔ le Bɛtɛ-Semɛsi, we kɛ wa zɔa Sanduku Gba Tɔkɛ ni. A gbɛa Owi wili 'bu wa sambo kɔ owinɔ ni. Owanɔ kɛ wa fè gɔɛ ni, wa nɛa we zɔ ni, nɛ wa dungu gɛla, we kɛ nwa hã etumbu hã wa nganda wena.