Tɔlɔ Mɔ 4:32 - WE NU GALE 1995

³² ote zĩ do ngboe, olangbanɔ, obe kunggu do ofɛlɛ, do osi'bili mɛnɔ wa dɛ do toe ni. Onganganɔ wa kɔmɔ sɛ li mɛnɔ kɛ wele do wele a ba sɛ ma do tɛ̃ a ni.

Tɔlɔ Mɔ 4:32 Iomraidhean Croise

1 Sakonɔ 9:29

Nɛ dɛa toe 'da ombe zi a zɔ mɔ tɛ tala omɛnɔ kɛ nganganɔ wa dɛa do toe, nɛ ma Santo ni, mba do fũ, do dɔ̃, do nɔ, do fũ yɔmbɔ, do nɔ yɔmbɔ.

Kulu Tɔa 25:9

Nɛ wa dɛ sɛ tɔa Tande do omɛnɔ vɛ̃ kɔ nɛ ni do tɛlɛ tɛ kɛ mi be sɛ hã mɔ ni.

Kulu Tɔa 27:9

“Wa dɛ sɛ tɔa Tande dɛ gbogbo fanda, nɛ wa dɛ ngbo nu nɛ do tulu nga linɛ. Do si ba gɔtɔ, 'da du ngboe sɛ mɛtrɛ 'bu nɛ mɔlɔ.

Kulu Tɔa 38:17

Nɛ wa 'dafa tũ mɔ bolo do holo kɔ nɛ, nɛ wa zĩ te ngboe dɛ kɔ hole ni. Wa dɛa 'bɔ olangba do obe kunggu do fɛ̃a mɔ bolo, nɛ wa nãlã fɛ̃a mɔ bolo tɛ mɛnɔ ɔ nɛ ndasa, kɛ wa ia tɛ zu te ngbonɔ ni. Nɛ wa fi olangba fɛ̃a mɔ bolonɔ zu te ngbonɔ vɛ̃.

Kulu Tɔa 38:21

Ngɔ gili mɔ bolonɔ gɛ vɛ̃, ma lia kɔ dɛa to tɔa Tande, kɛ wa dɛa we usu ota gba tɔkɔnɔ kɔ nɛ ni. Mɔizɛ ba nu a, nɛ Itamarɛ, be 'da nganga Aroni, a zɔa mɔ tɛ olevitɛnɔ, nɛ wa tɔlɔ mɛnɔ vɛ̃ wa dɛa do tɔa ni.

Tɔlɔ Mɔ 3:36

Omɛrari zi a wa zɔ mɔ tɛ ma'baya tɔa Tande, obɛlɛdumanɔ, omɔ bolonɔ hole kɔ nɛ ni, do osi'bili mɔ tɛ tɔa Tande.

Tɔlɔ Mɔ 3:8

Wa fɔmɔ sɛ osi'bili mɔ tɛ tɔa Tande, nɛ wa dɛ sɛ to i mɔ do zu li tala gele obe Israɛlɛ.

Tɔlɔ Mɔ 4:31

Wa sɛ 'bɔ a owi ba tole. Omɛnɔ kɛ wa ba sɛ tole nɛ ni ma kɛ: oma'baya tɔa Tande vɛ̃, obɛlɛduma, mɔ bolonɔ kɛ hole kɔ nɛ ni,

Tɔlɔ Mɔ 4:33

Ki ni a tonɔ mɔ hã sɛ hã obe zã Mɛrari, tɛ kɔ tɔa Tande gɛ a ni. Itamarɛ, be 'da nganga Aroni, a zɔ sɛ 'bɔ mɔ tɛ toe 'da wa.”

Tɔlɔ Mɔ 7:1

Ngba soe Mɔizɛ zĩ zi tɔa Tande nɛ ma ia ni, nɛ a kɔ nɔ yɔmbɔ kɛ ma santo tɛ nɛ, do tɛ omɔ kɔ nɛ vɛ̃, nɛ a e ma hã NWA. 'Do nɛ, nɛ a ia 'bɔ gbagala, do osi'bili mɔ to nɛ vɛ̃ hã NWA.

Tɔlɔ Mɔ 7:8

Nɛ a hã ngilingili nalɛ do tala ngɔmbɛnɔ ngbɛ'dɛ'dɛ ni hã Omɛrari na, ma gala tɛ mɛ 'bɔ wa tɛ toe 'da wa. Wa vɛ̃ wa dɛ zi toe ti Itamarɛ, be 'da nganga Aroni.