Tɔlɔ Mɔ 4:23 - WE NU GALE 1995

²³ Nɛ mɔ tɔ́lɔ́ wi wilinɔ, wanɔ wa wia 'bu sabɛlɛ talɛ we hɔ 'bu nɛ mɔlɔ, nɛ mɔ kɔmɔ sɛ li wa, takɔ wa dɛ ombe tonɔ kɔ tɔa Tande i.

Tɔlɔ Mɔ 4:23 Iomraidhean Croise

1 Sakonɔ 23:24

Ki ni a li obe zã Levi, kɛ wa a ogã wi kɔ nu fɛlɛ kulanɔ 'da wa ngboo, nɛ wa kɔma do li wa kpo kpo kɔ 'buku kɔmɔ do li owinɔ gɛ a ni. Fala kɛ wa zi do 'bu sabɛlɛ bɔa ni, nɛ wa hã dɛa to kɔ Tɛmpɛlo 'da NWA hã wa.

1 Sakonɔ 23:27

Davidi tɔ̃a zi dati fie 'da a na, wa kɔmɔ li olevitɛnɔ 'da fala kɛ wa do 'bu sabɛlɛ bɔa ni.

1 Sakonɔ 23:3

Nɛ wa tɔlɔ okpasa levitɛnɔ kɛ wa do 'bu sabɛlɛ talɛ we kũ dɛ ngɔ ni kpo kpo vɛ̃. Nɛ owinɔ ni vɛ̃ zi a Owele koto 'bu wa talɛ ngɔ wa ngbɛ'dɛ'dɛ.

Tɔlɔ Mɔ 4:22

“Mɔ á 'bɔ olevitɛnɔ kɛ wa a obe zã Gɛrsoni ni do 'da nu fɛlɛ wa.

Tɔlɔ Mɔ 4:24

Wa sɛ a owi ba tole. Omɛnɔ kɛ wa ba sɛ tole nɛ ni ma kɛ:

Tɔlɔ Mɔ 4:3

Nɛ nɛ tɔ́lɔ́ wi wilinɔ, wanɔ wa wia 'bu sabɛlɛ talɛ we hɔ 'bu nɛ mɔlɔ ni, nɛ nɛ kɔmɔ sɛ li wa, takɔ wa dɛ ombe tonɔ kɔ tɔa Tande i.

Tɔlɔ Mɔ 8:25

Kɔ wa hɔ 'bu sabɛlɛ mɔlɔ, nɛ wa da sɛ kɔ wa tɛ toe, wa dɛ́ sɛ 'bɔ to gɔ.

1 KORINTƐ 9:7

Nɛ zila mbe na, soda dɛa to, nɛ a futa tɛ̃ a do kpo tɛ̃ a nde? Nɛ wi wa fɔ nyɔ́ngɔ́ mɔ li fɔɛ 'da a gɔ nde? Nɛ wi dala odua nɔ́ mbe lì bele wa gɔ nde?

2 KORINTƐ 6:7

Lɛ be gbãlã we 'da Gale hã winɔ, nɛ Gale hã ngawi 'da a hã lɛ. Lɛ ba bɔlɔ zu dɛa mɔ dɛ kɔ̃ lɛ ɔ nɛ mɔ bolo ni, we bi do Owi sɛnɛ lɛ, do we amba do ngɔ kili tɛ lɛ.

GALATI 5:17

Mba gɔ, wɔ kɔ kili tɛ wi tombo wele we dɛ mɛnɔ kɛ Hi Wi Santo bɛ ma ni. Nɛ Hi Wi Santo tombo lɛ we dɛ mɛnɔ kɛ kili tɛ lɛ kɔ̃̀ we dɛ ma gɔ ni. Gbãlã we, ma bɔa nɛ, ma kɔ̃̀ gɛnɛ ngbɛ ɛ gɔ. Ma kɛ nɛ wé sɛ tɛ dɛ dia mɛ kɛ zã nɛ kɔ̃a sɔ we dɛ ma ni gɔ.

GALATI 5:24

Owinɔ kɛ wa mba kpo do Kristo ni, wa gbɛa 'dã wɔ kɔ kili tɛ wa, do hɛlɛnɔ kɔ sila wa ni vɛ ia.

1 TIMOTE 1:18

Aa Timote, be 'daa, mi a mbulanɔ gɛ dɛ kɔ̃ mɔ, nɛ ma lua ngbɛ ɛ do mbe wenɔ kɛ owi gba olo nu Gale wa tɔ̃a zi dɛ ngɔ mɔ ni. Kɔ ma wia na, wenɔ ni ma hã ngawi hã mɔ, takɔ sila mɔ nɔ li dia bole mɔ bi gɛ.

2 TIMOTE 4:7

Mi bi zi dia bolo, nɛ mi yu gbaa, nɛ mi hɔa ndɔti yui 'da mi, nɛ mi là fala kɔ̃ we nu Gale gɔ.