Tɔlɔ Mɔ 4:15 - WE NU GALE 1995

¹⁵ Kɔ wa nɛ la ma, nɛ Aroni do obenɔ 'da a wa lɔmbɔ sɛ 'do omɛnɔ ma santo ni, do osi'bili mɔ to nɛ vɛ̃ do'do, sɛ nɛ obe zã Kehatɛ wa tɛ we ba tole nɛ de. Na mɛ ni, nɛ kɔ Okehatɛ ndɔ́ sɛ tɛ mɔ santoe, kɔ wa hɔ fɛna fio gɔ. Obe zã Kehatɛ wa dɛ sɛ to kala omɔ tole santonɔ kɔ tɔa Tande ni.

Tɔlɔ Mɔ 4:15 Iomraidhean Croise

2 SAMUƐLƐ 15:24

Nganga Sadɔkɛ zi di ni boe fala nɛ kpo do olevitɛnɔ tɛ ba ngbangbo Sanduku Gba Tɔkɛ 'da Gale. Wa ia Sanduki nù, nɛ nganga Abiatarɛ hã odɔnggamɔ hã nwa gbaa na, owinɔ vɛ̃ kɛ wa yula Yeruzalɛmɛ i ni, wa la do'do sɛ.

2 SAMUƐLƐ 6:13

'Da fala Owi ba Sanduki wa nɛa we ba nyanga wa gazɛlɛ iko ni, nɛ Davidi tɔ̃ hã wa na, wa yolo nù. Nɛ Davidi gbɛa wili ngɔmbɔ do be ngɔmbɔ kɛ a dɛ nɔ wena ni, nɛ a dɔnggɔ do NWA.

1 Onwanɔ 8:3

Nɛ okumu Israɛlɛ vɛ̃, wa ngɛmɛ li ngba wa, we kã onganganɔ kɛ wa ba Sanduku Gba Tɔkɛ ni.

1 Sakonɔ 15:15

Nɛ olevitɛnɔ wa kala ote ngbangbo, nɛ wa a ti Sanduki, nɛ wa e ma zu 'baka wa. Wa dɛa kpasaa ɔ nɛ kɛ mbula 'da NWA, kɛ Mɔizɛ gba zi nu nɛ hã wa ni tɔ̃a ni.

1 Sakonɔ 15:2

Nɛ a na: “Tati a olevitɛnɔ hã wa ba sɛ Sanduku Gba Tɔkɛ. Mba gɔ, nwa saka zi tati a wa na, wa ɔ Owi ba tolo nɛ, do fɔmɔ fala nɛ fai.”

1 Sakonɔ 23:26

Na mɛ ni, nɛ olevitɛnɔ wa bá sɛ 'bɔ tɔa Tande 'da NWA Gale we la nɛ dɛ dati gɔ.”

Kulu Tɔa 19:12

Mɔ yɔlɔ sɛ li ngbala kɛ zã kala vɛ̃, nɛ mɔ yaka sɛ zala owinɔ na, da dɛ kɔ wa kṹ kala gɔ, nɛ wa tɛ kɔ̀lɔ̀ 'bɔ do ma gɔ. Fala kɛ wele tabi sa'de kɔlɔ do kala, nɛ wa gbɛ a do'do. We gbɛ a, ma wè na, wa 'be tɛ̃ a 'bia gɔ, nɛ nde wa ndɔlɔ sɛ a do kpili, tabi wa lo sɛ a do ta, gbaa na a fe. Do fala kɛ mɔtũlĩ wele do'do, sɛ nɛ ombe winɔ wa kũ sɛ ngɔ kala nga de.”

Kulu Tɔa 19:21

Nɛ NWA tɔ̃ hã a na: “Mɔ zĩ́lĩ́, hã mɔ tɔ̃ hã owinɔ na, wa tɛ wɛ̀lɛ̀ tɛ wa we zɔ mi gɔ. Fala kɛ wa wɛlɛ tɛ wa we zɔ mi, nɛ gili ombe wa fe sɛ.

Kulu Tɔa 27:7

nɛ wa yulu ma dɛ kɔ kole wa ia li kpɔa mɛ ni, takɔ wa ba do ma.

Levitɛnɔ 16:13

Nɛ a a fũ yɔmbɛ ni dɛ ngɔ kalĩ dɛ dati mi NWA ni. Nɛ zɛ̃ nɛ ma kpe kɛ zã Sanduku Gba Tɔkɛ, nɛ ma gu mɔ nu ma na, da dɛ kɔ li a á tɛ nɛ, kɔ a fe gɔ.

Tɔlɔ Mɔ 1:50

Mɔ la sɛ to zɔ mɔ kɔ tɔa Tande, fala wa ia do ta Gba Tɔkɛ, do obe si'bili mɛnɔ kɔ tɔa ni hã wa. Wa ba sɛ tole tɔa Tande do obe si'bili mɔ tɛ nɛ, nɛ wa dɛ sɛ to do kɔ tɔa Tande i. Nɛ wa ɔ sɛ zĩ do ma takpa.

Tɔlɔ Mɔ 1:51

“'Da fala nɛ kulu ngɔ we la nɛ ni, nɛ wa sɛ a wa nɛ yala tɔa Tande. Kɔ nɛ hɔ tɛ mbé fala ɔi, nɛ wa a wa nɛ zĩ sɛ 'bɔ ma dɛ olo nɛ. Hã fala kɛ mbe gele wele kɔlɔ do tɔa Tande, nɛ wa gbɛ sɛ a.

Tɔlɔ Mɔ 10:21

Nɛ olevitɛnɔ kɛ wa a obe zã Kehatɛ, nɛ wa a wa ba tole mɛnɔ ma santo wena ni, wa kpia dɛ 'do wa. Kɔ wa nɛ hɔ tɛ mbé fala kɛ wa nɛ ɔ nɛ ni, nɛ nde otala levitɛnɔ wa zĩ sɔ tɔa Tande dɛ ngɔ ia.

Tɔlɔ Mɔ 18:3

Wa dɛ sɛ to kɔ tɔa Tande, nɛ nde ma wè na, wa kɔlɔ do gbagala tabi do omɛnɔ kɛ ma santo ni gɔ. Wa dɛ ní, nɛ nde nɛ do wa, nɛ hɔ́ sɛ fɛna fio gɔ.

Tɔlɔ Mɔ 3:38

Nɛ Mɔizɛ, Aroni do obenɔ 'da a, wa 'dafa fala ɔi 'da wa do dati tɔa Tande, si 'biti gba wese. Wa dɛ zi toe kɔ tɔa Tande do zu li obe Israɛlɛ. Kɔ gele wele iko, kɛ a a nganga gɔ ni, a yamba dɛ toe ni, nɛ ma wia na wa gbɛ a.

Tɔlɔ Mɔ 4:14

nɛ wa e osi'bili mɛnɔ wa dɛ do toe 'da fala dɔnggamɛnɔ ni ngɔ nɛ. Mɛnɔ ni a: mɔ so do bũ, kanya dumu do sa'de, opau, do bakulu we kpɔ do tɔkɔ. Nɛ wa gu sɛ nga ndala sa'de 'dɔ lì ngɔ mɛnɔ ni vɛ̃, nɛ wa fi te ngbangbo tɛ nɛ we ba do ma.

Tɔlɔ Mɔ 4:19

kɔ wa fe gɔ. We duzu ma, ma wia na, nɛ dɛ na mɛ gɛ: Aroni do obenɔ 'da a, wa kã sɛ wele do wele dɛ fala 'da a, nɛ wa be mɛ ma wia na a dɛ, tabi mɔ kɛ a ba sɛ tole nɛ ni hã a.

Tɔlɔ Mɔ 4:20

Na mɛ ni, nɛ nde wa kpá sɛ fala we le kɔ tɔa Tande we soko mɛnɔ kɛ ma santo ni, kɔ wa kpa 'dã mɔ gɔ. Mba gɔ, li wa gbo tɛ mɛnɔ ni, nɛ wa fe sɛ.”

Tɔlɔ Mɔ 7:9

Nɛ nde Mɔizɛ hã̀ ngilingili tabi ngɔmbɔ hã Okehatɛ gɔ, we kɛ wa a wi fɔmɔ omɛnɔ kɛ ma santo ni. Nɛ ma wia na, wa kala tole mɛnɔ ni do ngɔ 'baka wa ngboo.

Mbulanɔ 31:9

Ma kɛ Mɔizɛ kɔma mbula 'da Gale dɛ kɔ 'buku, nɛ a hã ma hã onganganɔ do okpasa wi Israɛlɛ. Onganganɔ ni a obe zã Levi, nɛ wa a wa ba tole sanduku Gba Tɔkɛ 'da NWA.

Yozue 4:10

Onganganɔ kɛ wa ba zi Sanduki ni, wa yula dɛ gbogbo wakala lì Yɔrdanɛ we 'bɔ gbaa na, owinɔ wa dɛ mbula, kɛ nwa ba zi hã wa do wala 'da Yozue ni vɛ̃ sɛ nɛ de. Na mɛ ni, Yozue dɛa mbulanɔ vɛ̃ kɛ Mɔizɛ hã zi hã a ni. Owinɔ wa wɛlɛ tɛ wa we kũ lì,

1 SAMUƐLƐ 6:19

Nɛ nde do 'da fala ni, nɛ nwa hã etumbu hã owinɔ kɔ le Bɛtɛ-Semɛsi, we kɛ wa zɔa Sanduku Gba Tɔkɛ ni. A gbɛa Owi wili 'bu wa sambo kɔ owinɔ ni. Owanɔ kɛ wa fè gɔɛ ni, wa nɛa we zɔ ni, nɛ wa dungu gɛla, we kɛ nwa hã etumbu hã wa nganda wena.