Tɔlɔ Mɔ 34:2 - WE NU GALE 1995

² a tɔ̃ mbulanɔ gɛ hã obe Israɛlɛ na: “'Da fala nɛ le ngɔ nù Kanana, kɛ mi hã ma hã nɛ ni, nɛ li ngbala nù 'da nɛ sɛ na mɛ gɛ:

Tɔlɔ Mɔ 34:2 Iomraidhean Croise

Ndo Nyanga Dɛ Mɔ 10:19

nɛ 'bili tɛ nùi 'da wa ma ndua do Sidoni, nɛ ma ba si tɛ le Gerarɛ gbaa we hɔ tɛ le li nɛ a Gaza. Nɛ ma ba 'bɔ si tɛ lenɔ gɛ: Sodɔmɛ, Gomɔrɛ, Adamu do Sɛbɔimɛ gbaa we hɔ tɛ Leka.

Ndo Nyanga Dɛ Mɔ 17:8

Nɛ nù Kanana, kɛ mɔ ɔ ngɔ nɛ nɛ gɛnɛ gɛ, mi hã sɛ hã mɔ. Nɛ wele nɛ sɛ a mɔ́ mɔ do obe zã mɔ fai, nɛ mi sɛ a Gale 'da wa.”

Zumanɔ 105:11

A tɔ̃a zi hã oyaa lɛ na: “Mi 'dɔla nù Kanana hã nɛ, nɛ ma 'bana sɛ do mɔ́ nɛ fai.”

Kulu Tɔa 23:31

Mi dɛ sɛ ni gbaa, nɛ nùi 'da nɛ ma yolo sɛ tɛ gba lì Sala Tɔ̃, nɛ ma Sɔkpɔ ɛ gba lì Meditɛrane, nɛ ma yolo sɛ bɔ tɛ li gba zɔ́ Sinai, nɛ ma Sɔkpɔ tɛ lì Efratɛ. We kɛ mi 'dɔlɔ sɛ owinɔ ngɔ nùnɔ ni hã nɛ na, nɛ ndaka wa.

Yeremi 3:19

NWA tɔ̃a na: “Aa nɛ, obe Israɛlɛ, mi tɔ̃a zi na, nɛ a Okuti benɔ 'da mi, nɛ mi ba sɛ nùi kɛ ma nɛa ngɔ nùnɔ vɛ̃ ni hã nɛ! Mi lingga zi na, nɛ sa sɛ li mi na baa nɛ, nɛ nɛ síkí sɛ 'bɔ 'do nɛ hã mi gɔ.

EZEKIƐLƐ 47:13

NWA Gale tɔ̃a na: “Be 'da wele, mi nɛ be li ngbala nùi kɛ onu kpala 1 obe Israɛlɛ 'bu ngɔ wa bɔa, wa nɛ kɛ̃ dɛ kɔ̃ ngba wa ni hã mɔ. Nu kpala Yozɛfu wa kpa sɛ 'bili tɛ nù bɔa.

EZEKIƐLƐ 47:14

Mi kana zi tɛ mi hã oyaa nɛ na, mi hã sɛ nù Israɛlɛ hã wa do mɔ wa. Na mɛ ni, nɛ gba sɛ nùi dɛ kɔ̃ ngba nɛ we kɔ̃.

Tɔlɔ Mɔ 34:1

NWA ba nu a hã Mɔizɛ na,

Owi Nɛ Tonɔ 17:26

Gale dɛa wele kpo, nɛ yolo dɛ ngɔ wi ni, nɛ a dɛa owinɔ vɛ na, wa yɛ'bɛ ngɔ nù gɛ. Nɛ a wia kɔ̃ tũ dungu nza 'da winɔ, nɛ a be falanɔ kɛ wa nɛ ɔ do ma ni.

Owi Nɛ Tonɔ 26:18

Mi tombo mɔ, takɔ mɔ hũi li winɔ na, wa hɔ nza kɔ tũ fala, kɔ wa le kɔ sa fala. Mɔ fo sɛ winɔ kɔ ngawi 'da Satana, nɛ mɔ kã wa dɛ 'da Gale, nɛ wa kɔ̃ zu li mi Yezu. Nɛ Gale a fo sɛ ku'da 'dã mɛnɔ zu wa, nɛ a a wa sanga owinɔ 'da a.’

EFƐZƐ 1:14

Gale hã Hi Wi Santo hã lɛ ɔ nɛ mbe nu dia mɛnɔ kɛ a kpua zɛ́ mbulu hã ma hã winɔ 'da a ni. Kɛ a dɛa ni ma be hã lɛ na, ngba soe nɛ we, nɛ lɛ kpasa sɛ, nɛ lɛ hɔ sɛ owinɔ 'da a ngboo. Kɔ lɛ dɔ́nggɔ́ Gale we gã dia zã 'da a.

EFƐZƐ 1:18

Mi aka 'bɔ Gale na, a hũi hã zã 'da nɛ, takɔ nɛ ĩ ti de mɛ kɛ a sa zi mɔ hã nɛ we nɛ, nɛ nɛ gbini zã nɛ do ma ni. Nɛ nɛ ĩ 'bɔ ti gã kpamɛnɔ kɛ a kpua mbulu nɛ hã owinɔ 'da a ni.

Yozue 11:23

Na mɛ ni, Yozue ba nùi vɛ̃, nɛ́ kɛ NWA Gale ba zi do nu a hã Mɔizɛ ni. 'Do nɛ, nɛ Yozue kɛ̃a sanga nùi dɛ kɔ̃ nu kpala obe Israɛlɛ do mɔ́ wa. Nɛ wa kpia tɛ wa olo bolonɔ kɛ wa bi ni.

Yozue 13:1

Olo nɛ la sabɛlɛ dɛlɛ wena, nɛ Yozue dɛa gbɛlɛ wena, nɛ NWA tɔ̃ hã a na: “Mɔ dɛ gbɛlɛ wena, nɛ nde nùnɔ kɛ nɛ tɛ bà gɔɛ ni, ma 'bana wena.

Yozue 21:43

Na mɛ ni, NWA ba nùi vɛ̃ hã obe Israɛlɛ, nɛ́ mbuli a kpua zi hã oyaa wa ni, nɛ wa dɛa tɔa tɛ nɛ.