Tɔlɔ Mɔ 34:12 - WE NU GALE 1995

¹² Nɛ ma to sɛ fua lì Yɔrdanɛ, nɛ ma Sɔkpɔ do ndɔ Fio. Ki ni sɛ a li ngbala nùi 'da nɛ a ni.”

Tɔlɔ Mɔ 34:12 Iomraidhean Croise

Ndo Nyanga Dɛ Mɔ 13:10

Nɛ Lɔtɛ ka mɔ, nɛ a zɔ nùi tɛ nu lì Yɔrdanɛ, nɛ nde nùi ma tũ de wena. Ĩ na, dati kɛ na NWA 'danga le Sodɔmɛ do Gomɔrɛ ni, nù Yɔrdanɛ gbaa we hɔ tɛ Soarɛ, ma ɔ zi nɛ fɔ Edɛnɛ ni.

Ndo Nyanga Dɛ Mɔ 14:3

Onwanɔ mɔlɔ ni, wa ɔa zi ti mbula 'da nwa Kɛdɔrɛ-Laomɛrɛ gbaa 'do sabɛlɛ 'bu ngɔ nɛ bɔa. Kɔ ma nɛa we hɔ tɛ sabɛlɛ kɛ 'bu ngɔ nɛ talɛ, nɛ wa bɛ̃a zi we hã a. Nɛ wa mba ngba wa kɔ gbangɔlɛ̃ tɛ Sidimɛ, kɛ sɔɛ gɛ Ndɔ Fio gbini dɛ kɔ nɛ ni.

Kulu Tɔa 23:31

Mi dɛ sɛ ni gbaa, nɛ nùi 'da nɛ ma yolo sɛ tɛ gba lì Sala Tɔ̃, nɛ ma Sɔkpɔ ɛ gba lì Meditɛrane, nɛ ma yolo sɛ bɔ tɛ li gba zɔ́ Sinai, nɛ ma Sɔkpɔ tɛ lì Efratɛ. We kɛ mi 'dɔlɔ sɛ owinɔ ngɔ nùnɔ ni hã nɛ na, nɛ ndaka wa.

EZEKIƐLƐ 47:13

NWA Gale tɔ̃a na: “Be 'da wele, mi nɛ be li ngbala nùi kɛ onu kpala 1 obe Israɛlɛ 'bu ngɔ wa bɔa, wa nɛ kɛ̃ dɛ kɔ̃ ngba wa ni hã mɔ. Nu kpala Yozɛfu wa kpa sɛ 'bili tɛ nù bɔa.

Tɔlɔ Mɔ 34:11

Nɛ ma yolo di ni, nɛ ma hɔ Ribla. Mɔ yolo Ainɛ, nɛ nde Ribla si 'biti gba wese. 'Do nɛ, nɛ ma la sɛ gbaa do ngɔ kala kɛ mɔ yolo nu Ndɔ Genezarɛtɛ, nɛ nde ma si 'biti gba wese ni.

Tɔlɔ Mɔ 34:13

Mɔizɛ tɔ̃a mbulanɔ ni hã obe Israɛlɛ, nɛ 'do nɛ, nɛ a tɔ̃ hã wa na: “Kɛ gɛ a nùi NWA ba nu ɛ na, wa to zeke kɔ wa kɛ̃ ma dɛ kɔ̃ onu kpala nɛ kusi do dɔ nɛ ni.

Tɔlɔ Mɔ 34:3

li ngbala do si ba gɔtɔ, ma yolo sɛ tɛ li gba zɔ̃ Tisinɛ, nɛ ma Sɔkpɔ tɛ nù Edɔmɛ. Li ngbala kɛ si 'biti gba wese, ma la sɛ do zu gba lì Ndɔ Fio si ba gɔtɔ.

Yozue 13:1

Olo nɛ la sabɛlɛ dɛlɛ wena, nɛ Yozue dɛa gbɛlɛ wena, nɛ NWA tɔ̃ hã a na: “Mɔ dɛ gbɛlɛ wena, nɛ nde nùnɔ kɛ nɛ tɛ bà gɔɛ ni, ma 'bana wena.

Yozue 15:5

Nɛ si 'biti gba wese, li ngbala nù Yuda zi a lì Ndɔ Fio. Ma yula do si ba gɔtɔ, nɛ ma la si gbãlã ngɔ, we Sɔkpɔ do fala fua lì Yɔrdanɛ a ngɔ Ndɔ Fio ni.