Tɔlɔ Mɔ 33:4 - WE NU GALE 1995

⁴ Do 'da fala ni, nɛ nde Oezipeto wa zi tɛ mi kuti benɔ 'da wa, kɛ nwa gbɛa wa ni. Mba gɔ, nwa dɛa na mɛ ni we be hã wa na, a do ngawi nɛa ngɔ ogalenɔ ngɔ nùi 'da wa ni.

Tɔlɔ Mɔ 33:4 Iomraidhean Croise

Zumanɔ 105:36

Nɛ Gale gbɛa okuti bulu benɔ kɔ nu fɛlɛ kula 'da Oezipeto vɛ̃.

Kulu Tɔa 12:12

“Do tũi ni, nɛ mi la sɛ do ngɔ nù Ezipeto, nɛ mi gbɛ sɛ Okuti bulu benɔ 'da owinɔ do kuti be wili sa'denɔ ngɔ nùi ni vɛ̃. Nɛ mi NWA, mi hã sɛ etumbu hã ogalenɔ 'da Oezipeto.

Kulu Tɔa 18:11

Ngangga ni, mi ĩ na, NWA gã nɛa ngɔ ogalenɔ vɛ̃, we kɛ a kpasa obe Israɛlɛ 'da fala Oezipeto wa yɔndɔ zi wa ni.”

Ezai 19:1

Nɛ zélé toe gɛ, NWA Gale tumba ma hã Oezipeto. Nɛ zɔ́ NWA Gale, a kũ dɛ ngɔ gba kutunɔ, nɛ ma tɛ yu do a nganda wena we e a ngɔ nù Ezipeto. A nɛa we hɔ 'di mɔ, nɛ ogalenɔ ngɔ nù Ezipeto wa tana kili, nɛ Oezipeto wa 'bɔa hɛɔɔ, fo 'bɔ ngawi do wa bina.

SOFONI 2:11

Mɛnɔ kɛ NWA a dɛ sɛ ni, ma hã sɛ kili hã wa wena. A dɛ sɛ na, ogele galenɔ wa hɔ mɔ yala, nɛ winɔ vɛ̃, gɛnɛ kɔ wanɔ wa nyɛlɛ do nù Israɛlɛ wena ni, wa dɔnggɔ sɛ NWA Gale ngɔ nùi 'da wa.

Tɔlɔ Mɔ 3:13

Mba gɔ, ngba soe mi gbɛa zi do kuti bulu benɔ 'da Oezipeto ni, nɛ mi la zi kuti bulu benɔ 'da obe Israɛlɛ, do kuti be wili nadalamɛnɔ 'da wa. Na mɛ ni, wele wa a mɔ́ mi. Mi a NWA!”