Tɔlɔ Mɔ 32:3 - WE NU GALE 1995

^3-4 “Olenɔ gɛ: Atarɔtɛ, Diboni, Yazɛrɛ, Nimra, Hɛsɛboni, Elale, Sɛbamɛ, Nebo do Beoni, ma vɛ̃ tɛ ngɔ nùi NWA dɛa na, obe Israɛlɛ wa ba ma ni. Nɛ mɛ a dia fala dala onadalamɔ, nɛ lɛ do onadalamɔ wena.

Tɔlɔ Mɔ 32:3 Iomraidhean Croise

NEHEMIE 9:22

“Mɔ 'dɔlɔ ogele winɔ kɛ zã wa ni vɛ̃ hã wa. Wa ba nù Hɛsɛboni, kɛ Sihoni dungu zi nwa ngɔ nɛ ni, do nù Basanɛ, kɛ nwa 'da wa zi a Ɔgɛ ni.

Ezai 15:6

Ndɔ kɔ le Nimrimɛ ma ɔ̃sã do'do, nɛ tenɔ do wɔkɔsɔnɔ kɛ zã nɛ ni, ma kula vɛ̃. Fo mbé tɔlɔ nwá 'bɔ bina.

Yeremi 48:1

Nɛ zélé toe kɛ NWA ngɔ mɔ nyanga nza vɛ̃, Gale 'da obe Israɛlɛ tumba hã Omoabɛ gɛ. A na: “'Bako do owi kɔ le Nebo. Owi sɛnɛ wa wa 'danga le 'da wa do'do! 'Bako do Owi kɔ le Kiriataimɛ. Mɛ zi a le kɛ gba ngbo zĩ ma takpa, nɛ nde wa yala gba ngboe ni do'do, nɛ owi kɔ nɛ wa dunu do sape, nɛ ngɔ tɛ wa gɛ̃a kpi kpi kpi.

Yeremi 48:2

Dɔ̃lɔ̃ li 'da Omoabɛ sɔkpa! Owi sɛnɛ wa wa ba le Hɛsɛboni do'do. Nɛ yolo dɛ di ni, wa ba zã zu bisi Moabɛ ngɔ nù gɛ do'do. Ma sɛ 'bɔ na mɛ ni we owi kɔ le Madmɛnɛ. Bole ma ndaka sɛ 'do wa, nɛ ngɔ tɛ wa ma gɛ̃ sɛ kpi kpi kpi!

Yeremi 48:32

Mi ga sɛ 'bɔ zuma 'bako we owi kɔ le Sibma, nɛ ma nɛ sɛ ngɔ kɛ 'da Owi kɔ le Yazɛrɛ. Le Sibma ɔ zi nɛ fɔ vinɔ, kɛ gbakɔ̃ nɛ dulu, nɛ ma kũ ngɔ Ndɔ Fio, nɛ ma nɛ gbaa, nɛ ma to le Yazɛrɛ ni. Nɛ nde ngangga ni, wa gbini sɛ gbakɔ̃ nɛ, nɛ wa 'danga wala nɛ.

Yeremi 48:34

“Owi kɔ le Hɛsɛboni wa tɛ ala nu wa, nɛ wa he mɔ nganda wena. Nɛ giti gɛlɛ wa dɔ̃lɔ̃, nɛ ma hɔ gbaa kɔ le Elale, Yahasi, Soarɛ, Horonaimɛ, do Eglatɛ-Sɛlisia. Mba gɔ, lìnɔ ɔ̃sã vɛ̃. Nɛ gɛnɛ kɔ 'de kɔ le Nimrimɛ, nɛ nde ma ɔ̃sɔ̃ 'bɔ do'do.

Yeremi 48:45

“Owanɔ kɛ wa yu ngamɛ, kɔ wa mbɔkɔ do'do ni, nɛ wa fa sɛ fala ɔmɔ tɛ wi kɔ le Hɛsɛboni. Kɔ wa hɔ i mɔ, nɛ gba nyɛa we ma yolo sɛ kɔ tɔa 'da nwa Sihoni, nɛ ma te tɛ le, nɛ ma bɛlɛ wa, Omoabɛ kɛ wa dɛa zi nu we nɛ ge nde ni. Ma bɛlɛ sɛ wa yolo tɛ li ngbalanɔ gbaa we hɔ gbogbo le nga.

EZEKIƐLƐ 25:9

Ma kɛ mi dɛ sɛ na, Owi sɛnɛ wa, wa bi lenɔ 'da wa kɛ ma tɛ li ngbala nùi 'da wa ni, nɛ wa 'danga ma vɛ̃. Gɛnɛ kɔ odia lenɔ 'da wa ɔ nɛ Bɛtɛ-Yɛsimɔtɛ, Bala-Meoni do Kiriataimɛ, nɛ wa 'danga sɛ ma.

Tɔlɔ Mɔ 21:28

Osodanɔ 'da Sihoni wa hɔ nza kɔ le Hɛsɛboni, nɛ wa pɛsɛ ɔ nɛ kɛ we yɛ'bɛ ni, nɛ wa 'danga le Arɛ ngɔ nù Moabɛ, nɛ wa kumu Onwanɔ ngɔ kalanɔ kɛ zã Arnoni.

Tɔlɔ Mɔ 21:30

Nɛ nde di dɔ́ ni, lɛ kumu Oamori, yolo Hɛsɛboni we hɔ Diboni, nɛ lɛ 'danga lenɔ vɛ̃, yolo Nofa we hɔ Medɛba.”

Tɔlɔ Mɔ 21:32

Nɛ Mɔizɛ tumba owi miã na, wa nɛ́, kɔ wa yɛnggɛ kɔ le Yazɛrɛ. 'Do nɛ, nɛ obe Israɛlɛ wa nɛa, nɛ wa bi le ni do obe lenɔ kɛ zã nɛ ni, nɛ wa ba ma. Nɛ wa ndaka Oamori di ni do'do.

Tɔlɔ Mɔ 32:1

Obe zã Rubɛnɛ do Gadɛ wa zi do onadalamɔ wena. Nɛ wa zɔa na, nù Yazɛrɛ do Galadɛ wia do fala dala do nadalamɛnɔ ni.

Tɔlɔ Mɔ 32:2

Ma kɛ wa nɛa, nɛ wa kpa Mɔizɛ, do nganga Elazarɛ, do okpasa wi ngɔ obe Israɛlɛ, nɛ wa tɔ̃ hã wa na:

Yozue 13:17

Nɛ Hɛsɛboni do lenɔ vɛ̃ tɛ mbɛ nùi ngɔ kala ni, mɛ zi 'bɔ a nùi 'da wa. Lì lenɔ ni ma kɛ: Diboni, Bamɔtɛ-Bala, Bɛtɛ-Bala-Meoni,

Yozue 13:19

Kiriataimɛ, Sibma, Serɛtɛ-Saharɛ, kɛ ngɔ 'dingba tɔ̃ɛ kɔ gbangɔlɛ̃,

Owi kpe dati 11:26

Obe Israɛlɛ wa hɔa fala gɛ zɛ́ belee, ma la di ni sabɛlɛ kama talɛ. Nɛ wa ɔa tɛ Hɛsɛboni, do Arɔɛrɛ, do olenɔ kɛ zã nɛ ni, do olenɔ tɛ nu lì Arnoni vɛ̃. Ní a gulu kɛ nɛ ndàkà zi wa do ngba soe ni, nɛ nɛ kala nùnɔ ni kɔ wa gɔ we ge nde?