Tɔlɔ Mɔ 32:22 - WE NU GALE 1995

²² nɛ lɛ ba nùi do zu li a sɛ nɛ de. 'Do nɛ, nɛ nɛ kpolo sɛ tɛ nɛ dɛ olo nɛ, nɛ nde NWA kɔ́'dɔ́ sɛ nɛ gɔ, nɛ ogele obe Israɛlɛ, wa kɔ́'dɔ́ sɛ 'bɔ nɛ gɔ. Na mɛ ni, nɛ NWA a kɔ̃ sɛ na, nùi nu lì Yɔrdanɛ gɛ, ma ɔ do mɔ́ nɛ.

Tɔlɔ Mɔ 32:22 Iomraidhean Croise

2 SAMUƐLƐ 3:28

Davidi nɛa we zele we mɛ ma la ni, nɛ a tɔ̃ na: “nwa ĩ de wena na, tɔkɔ tɛ Abnɛrɛ, be 'da Nɛrɛ zu mi, do zu owinɔ ngɔ nùi 'da mi bina.

Zumanɔ 78:55

Nɛ a ndaka ogele winɔ di ni do'do, nɛ a kɛ̃ nùi olo wa ni hã wa obe Israɛlɛ, nɛ wa ɔ kɔ tɔa olo ogele winɔ ni.

Levitɛnɔ 14:34

“'Da fala kɛ nɛ le sɛ ngɔ nù Kanana, kɛ mi hã sɛ ma hã nɛ do mɔ́ nɛ ni, nɛ nɛ dɛ sɛ mbulanɔ mi hã ma hã nɛ gɛ. Fala kɛ mi dɛ na, mɔ ma kutu tɛ dɛlɛ tɔa ngɔ nùi 'da nɛ hã ma 'danga tɛ nɛ,

Tɔlɔ Mɔ 32:21

Nɛ, owi bolonɔ vɛ̃, nɛ kũ dɛ kulu lì Yɔrdanɛ i, ɔ nɛ kɛ zã NWA kɔ̃a ni. Nɛ nɛ 'bana sɛ dɛ i mɔ, we bi bole gbaa na, NWA ndaka owi sɛnɛ lɛ,

Mbulanɔ 3:20

Nɛ gálá onya nɛ obe Israɛlɛ gbaa na, wa ba nùi NWA hã ma hã wa kulu Yɔrdanɛ, si 'biti gɛ̃a wese ni, ɔ nɛ kɛ a hã do kɛ gɛ hã nɛ ni. 'Do nɛ, nɛ nɛ kpolo sɛ tɛ nɛ dɛ ngɔ 'bili tɛ nùi mi hã ma hã nɛ ni.’

Yozue 1:15

gbaa na, wa ba nùi kulu lì Yɔrdanɛ si 'biti gɛ̃a wese, kɛ NWA Gale 'da lɛ hã ma hã wa ni. Kɔ fala kɛ Gale hã fala kpe tɛ wi hã onya nɛ, otala nu kpala Israɛlɛ vɛ̃ do'do, sɛ nɛ nɛ kpolo tɛ nɛ dɛ ngɔ nùi 'da nɛ kulu lì Yɔrdanɛ si 'biti gba wese nga de. Mɛ a nùi kɛ Mɔizɛ, wi dɛa to 'da NWA hã zi ma hã nɛ do mɔ́ nɛ ni.”

Yozue 10:30

Nɛ nwa 'dɔlɔ 'bɔ le ni, do nwa ngɔ nɛ hã wa. Wa gbɛa owi kɔ nɛ, nɛ wa là wele kpo gɔ. Wa gbɛa nwa ngɔ nɛ, nɛ́ kɛ wa gbɛa zi do nwa ngɔ Yeriko ni.

Yozue 10:42

Yozue do obe Israɛlɛ wa ba nùnɔ vɛ̃, nɛ wa gbɛ onwa ngɔ nɛ. Wa dɛa zi ni, we kɛ NWA Gale zi do wa fala nɛ kpo, nɛ a bi zu wa.

Yozue 11:23

Na mɛ ni, Yozue ba nùi vɛ̃, nɛ́ kɛ NWA Gale ba zi do nu a hã Mɔizɛ ni. 'Do nɛ, nɛ Yozue kɛ̃a sanga nùi dɛ kɔ̃ nu kpala obe Israɛlɛ do mɔ́ wa. Nɛ wa kpia tɛ wa olo bolonɔ kɛ wa bi ni.

Yozue 13:8

Zi dati, nɛ Mɔizɛ wi dɛa toe 'da NWA, kɛ̃a nùi hã nu kpala Rubɛnɛ, do Gadɛ, do mbee nu kpala Manase tɛ kulu lì Yɔrdanɛ, si 'biti gba wese, nɛ wa ba ma do mɔ́ wa.

Yozue 18:1

'Do kɛ obe Israɛlɛ wa ba nùi vɛ̃ ni, nɛ wa mba li ngba wa vɛ̃ tɛ kɔ le Silo. Nɛ wa zĩ tɔa Tande kpa Ngba Wi do Gale.

Yozue 2:19

Kɔ fala kɛ wele hɔ nza kɔ tɔa 'da mɔ, hã a fe, nɛ nde ma zɔa a wele nɛ, ma zɔ̀ lɛ gɔ. Kɔ ní gɔ, hã wa gbɛ wele kpo kɔ tɔa 'da mɔ, nɛ nde mɛ sɛ a we 'da lɛ.

Yozue 22:4

Kɔ ngangga gɛ, NWA hã wala hã wa na, wa dɛ tɔanɔ 'da wa ngɔ nùi a kpua mbulu nɛ hã wa ni, kɔ nɛ wia we kpolo tɛ nɛ dɛ ngɔ nùi 'da nɛ, tɛ kulu lì Yɔrdanɛ si 'biti gba wese i. Nɛ nɛ ɔ sɛ dɛ ngɔ nùi kɛ Mɔizɛ, wi dɛa toe 'da NWA ba ma hã nɛ ni.

Yozue 22:9

Onu kpala Rubɛnɛ do Gadɛ, do mbee nu kpala Manase kɛ si 'biti gba wese, wa la tala obe Israɛlɛ dɛ le Silo, tɛ ngɔ nù Kanana ni, nɛ wa le wala, nɛ wa si dɛ ngɔ nù Galadɛ. Galadɛ mɛ a nùi kɛ Mɔizɛ ba zi hã wa, ɔ nɛ kɛ NWA Gale tɔ̃a nɛ hã a ni.