Tɔlɔ Mɔ 32:14 - WE NU GALE 1995

¹⁴ Kɔ nɛ, nu kpala owi dɛ 'dã mɛnɔ gɛ! Nɛ kɔ̃a we ba wala zi olo oyaa nɛ ni na, zã nwa nɔ̃lɔ̃ 'bɔ mbé nɛ dɛ tɛ lɛ obe Israɛlɛ nde?

Tɔlɔ Mɔ 32:14 Iomraidhean Croise

Ndo Nyanga Dɛ Mɔ 5:3

Adamu zi do sabɛlɛ kama do 'bu nɛ talɛ, nɛ a ko bulu be, nɛ a e li a na Sɛtɛ. Bula li be ni ɔ zi kpasaa nɛ kɛ 'da baa a ni.

Ndo Nyanga Dɛ Mɔ 8:21

Nɛ zɛ dɔnggamɛ ni unu NWA, nɛ ma de tɛ a wena, nɛ a tɔ̃ do kɔ sila a na: “Mi fɔmbɔ sɛ 'bɔ nùi we duzu 'dã dɛa mɛnɔ kɛ owinɔ wa dɛ ma ni gɔ. Gɛnɛ kɔ mi ĩ na, 'dã linggamɔ lia zi kɔ sila wele belee do be tɛ a, nɛ nde mi gbɛ sɛ 'bɔ Otunu li mɛnɔ ɔ nɛ kɛ mi dɛa gɛ gɔ.

2 Sakonɔ 28:13

Nɛ wa tɔ̃ hã sodanɔ na: “Nɛ tɛ sì do owinɔ nɛ kala wa gɛ dɛ i nga gɔ. Lɛ dɛa 'dã mɔ dɛ 'da NWA, nɛ zã a nɔ̃lɔ̃ dɛ tɛ lɛ wena. Nɛ nɛ kɔ̃a 'bɔ we gã 'da nɔ̃lɔ̃ zã 'da a dɛ tɛ lɛ nde?”

Ɛsdrasi 10:10

Nɛ 'do nɛ, nɛ nganga Ɛsdrasi kulu ngɔ, nɛ a tɔ̃ hã wa na: “Aa onyae, obe Israɛlɛ, nɛ dɛa 'dã mɔ gã wena, we kɛ nɛ kala owuko gele nunɔ. Mɛ a 'dã mɔ kɛ nɛ dɛa dɛ ngɔ gele 'dã mɛnɔ 'da winɔ 'da lɛ.

NEHEMIE 13:18

Oyaa lɛ wa dɛa zi 'bɔ ni, gulu nɛ a Gale 'da lɛ hã ngamɛnɔ gɛ hã lɛ, do le 'da lɛ ni. Nɛ nde nɛ owinɔ kɛ nɛ dɛ toe 'da nɛ do kɔ̃ tũ ɔmɔ tɛ wi ni, nɛ tɛ dãlã 'da nɔ̃lɔ̃ zã 'da Gale dɛ ngɔ lɛ obe Israɛlɛ!”

YƆBƆ 14:4

Nɛ nde wi wia we kpa mɔ kɛ ma ɔ sa ni kɔ wele, kɛ wa a wi ndi ni, wi a wio nde? Wele kpo bina.

Zumanɔ 78:57

Wa vũ to tɛ̃ a, nɛ wa dɛa 'dã mɔ ɔ nɛ oyaa wa ni. Wa dè 'bɔ li Gale gɔ, wa ɔ li a nɛ nzabele, kɛ fɛlɛ nɛ zafa do'do ni.

Ezai 1:4

Aa nɛ, Owi dɛ 'dã mɛnɔ, nɛ a obe 'dã hã, Owi nu kpala o'dã wele. Nɛ bɛ̃a gɛnɛ NWA, kɛ a a Gale santo 'da obe Israɛlɛ, nɛ nɛ siki 'do nɛ lua do a.

Ezai 57:4

Wi kɛ nɛ 'bã nu nɛ gã wena, nɛ nɛ mɔmɔ a, nɛ nɛ yɛfɛ lɛfɛ nɛ hã a ni, wi a wio nde? Nɛ a Owi dɛ nga zu, Owi tɔ̃ bɛlɛ.

EZEKIƐLƐ 20:21

Nɛ nde obenɔ ni wa dɛa tɛ mɛ 'bɔ nga zu dɛ tɛ mi, nɛ wa bɛ̃a we nu mi, nɛ wa 'danga mbulanɔ 'da mi. Ĩ na, mɛ a ombula kɛ ma kpasa wele kɛ a dɛ ma ni kpasa. Wa faka 'bɔ kɔ̃ tũ ɔmɔ tɛ wi. Ma a mi nɛa we zɔ ní, nɛ mi tɔ̃ na, mi kúnú sɛ 'bɔ sila mi gɔ, mi nɛ be nɔ̃lɔ̃ zã 'da mi hã wa dɛ li gba zɔ̃ɛ ni.

Tɔlɔ Mɔ 32:15

Fala kɛ nɛ, owi nu kpala Rubɛnɛ do Gadɛ, nɛ bɛ̃ we nɛ 'do nwa, nɛ a dɛ sɛ na, lɛ ɔ 'bɔ dɛ li gba zɔ̃ɛ gɛ 'do nɛ nyɛlɛ. Na mɛ ni, nɛ tɔkɔ tɛ obe Israɛlɛ sɛ dɛ zu nɛ.”

LUKA 11:48

Nɛ dɛ na mɛ ni, nɛ ma be na, nɛ kɔ̃a gɛnɛ 'dã mɛnɔ kɛ oyaa nɛ wa dɛa zɛ́ ni. We kɛ wa gbɛa owi gba olo nu Gale, nɛ nɛ 'dafa zunu wa!

Mbulanɔ 9:24

Do gbãlã we, yolo do ngba soe mi ĩ zi do ti nɛ ni, nɛ là fala dɛ nga zu dɛ tɛ NWA gɔ gbaa tia do sɔɛ gɛ.