Tɔlɔ Mɔ 31:3 - WE NU GALE 1995

³ Ma kɛ Mɔizɛ tɔ́a hã obe Israɛlɛ na: “Ma wia na, ombe kɔ nɛ gɛ wa kala mɔ bi bole 'da wa, kɔ wa nɛ we bi Omadianɛ. Nɛ wa hã etumbui kɛ NWA kɔa we tombo dɛ ngɔ wa ni hã wa.

Tɔlɔ Mɔ 31:3 Iomraidhean Croise

2 Onwanɔ 10:30

Ma kɛ NWA Gale tɔ́a hã Yehu na: “Mɔ dɛa do nu fɛlɛ Akabɛ ɔ nɛ kɛ mi kɔa ni. Mɔ dɛ de wena. Gulu nɛ a mi kpua mbulu hã mɔ na, obe zã mɔ wa dungu sɛ nwa olo mɔ gbaa, we hɔ ngɔ okanggadɔkɔ mɔ, sɛ nɛ de.”

2 Onwanɔ 9:7

Wi a mɔ hã mɔ gbɛ sɛ obe zã Akabɛ, kɛ a zi a nwa 'da mɔ ni. Do wala ni, sɛ nɛ ɛ bili sɛ nu gbã kɛ Yezabɛlɛ gbɛa owi gba olo nu ɛ, do Owi dɛa tonɔ 'da ɛ vɛ̃ ni de.

Kulu Tɔa 17:16

'Do nɛ, nɛ a na: “Nɛ́ kɛ Oamalɛkɛ wa ia bolo tɛ kpongbo nwa 'da NWA Gale ni, a bi sɛ do wa bi pii.”

Yeremi 46:10

“NWA ngɔ mɔ nyanga nza vɛ̃, a nɛ bili nu gbã hã owi sɛnɛ a. Kɔ tũ nɛ wia ia, a nɛ hã etumbu hã wa. Du kɔya 'da a ma gbɛ sɛ wa, nɛ ma nɔ sɛ tɔkɔ tɛ wa gbaa, nɛ ma we do wɛ. Sɔɛ gɛ, NWA ngɔ mɔ nyanga nza vɛ̃ tɛ gbɛ Owi sɛnɛ a, tɛ nu gba lì Efratɛ do si gbãlã ngɔ.

Yeremi 50:28

“Nɛ zélé gɛlɛ obe Israɛlɛ, kɛ wa zi a kɔlɔ 'duli tɛ ngɔ nù Babilonia i ni, wa tɛ yu we si dɛ kɔ le Sioni. Nɛ wa tɔ̃ sako kɛ mi NWA Gale 'da wa, mi bili do nu gbã 'dã mɛnɔ hã Owi Babilonia, olo kɛ wa 'danga zi Tɛmpɛloe 'da mi kɛ ma santo ni.”

Levitɛnɔ 26:25

Mi dɛ sɛ na, bolo bi ngɔ nùi 'da nɛ, we kɛ nɛ 'danga gba tɔkɛ kɛ mi gba zi do nɛ ni. Nɛ yu sɛ, nɛ nɛ usu sɛ tɛ nɛ dɛ kɔ lenɔ 'da nɛ, nɛ nde mi tombo sɛ o'dã zɛlɛ, nɛ ma te sanga nɛ. Nɛ nɛ te sɛ dɛ kɔ̃ owi sɛnɛ nɛ.

Tɔlɔ Mɔ 25:11

“Nganga Pinasi bɛ̃a na, owinɔ wa tɛ dɔnggɔ ogele galenɔ gɔ. Nɛ nde wa dɔnggɔ tati a mi iko. Kɔ we duzu ma, ma kɛ nɔ̃lɔ̃ zã 'da mi ma fua tɛ̃ ɛ ngɔ obe Israɛlɛ, nɛ mi gbɛ wa vɛ̃ gɔ.

Tɔlɔ Mɔ 25:13

Nɛ ma sɛ we duzu a do obe zã a. Mbuli ni ma kɛ: A, do obe zã a, wa sɛ fai a onganga. Mba gɔ, a bia na, ɛ dɔnggɔ tati a mi Gale iko. Nɛ a dɛa na, mi fo ku'da 'dã mɔ zu obe Israɛlɛ.”

Tɔlɔ Mɔ 31:4

Nɛ sáká owi bolo koto kpo kɔ nu kpala obe Israɛlɛ kpo kpo.”

Owi kpe dati 5:2

Lɛ dɔ́nggɔ́ NWA! Obe Israɛlɛ vɛ̃ wa 'dafa tɛ wa we bi bole, wa hã tɛ wa, nɛ wa nɛ bole do sila wa kpo.

Owi kpe dati 5:23

Nɛ anzɛ 'da NWA tɔ̃a na: “Nɛ fɔ́mbɔ́ le Merɔzɛ, nɛ nɛ fɔ́mbɔ́ 'bɔ winɔ vɛ̃ kɛ wa ɔ kɔ le ni, we duzu kɛ wa nɛ̀ we gala NWA li bolo gɔ, nɛ wa kɔ̃̀ zi 'bɔ we tombo onwa bolonɔ 'da wa hã NWA gɔ.”