Tɔlɔ Mɔ 3:6 - WE NU GALE 1995

⁶ “Mɔ sá mɔ hã obe zã Levi, nɛ mɔ a nɔ zu wa na, wa gala nganga Aroni.

Tɔlɔ Mɔ 3:6 Iomraidhean Croise

1 Sakonɔ 15:2

Nɛ a na: “Tati a olevitɛnɔ hã wa ba sɛ Sanduku Gba Tɔkɛ. Mba gɔ, nwa saka zi tati a wa na, wa ɔ Owi ba tolo nɛ, do fɔmɔ fala nɛ fai.”

1 Sakonɔ 23:28

Nɛ olevitɛnɔ ni a Owi ti mbulanɔ 'da obe zã Aroni, we duzu dɛ toe kɔ Tɛmpɛloe 'da NWA, do li fandanɔ, do kɔ tɔanɔ kɛ tɛ li Tɛmpɛloe. Nɛ wa fɔ́lɔ́ mɛnɔ kɛ ma santo ni, takɔ ma ɔ sa li Gale. Nɛ wa dɛ́ tonɔ vɛ̃ tɛ fala dɔnggɔ do Gale.

1 Sakonɔ 23:32

Wa zɔ sɛ mɔ tɛ tɔa Tande do fala dɔnggɔ do Gale. Nɛ nde onya wa, obe zã Aroni, wa dɛ sɛ tonɔ 'da wa kɔ Tɛmpɛlo 'da NWA.

1 Sakonɔ 6:33

Nɛ tala gele winɔ kɔ nu kpala Levi, wa dɛ zi mbe ogele tonɔ vɛ̃ tɛ fala dɔnggɔ do Gale.

2 Sakonɔ 29:11

Nɛ nde we duzu nɛ onya mi, nɛ tɛ bɛ we dɛ olo nu nwa gɔ. Mba gɔ, nɛ a owinɔ kɛ NWA saka nɛ na, nɛ yolo dati a, nɛ nɛ dɛ sambala, nɛ nɛ dɔ fũ yɔmbɔ we dɔnggɔ do a.”

Ɛsdrasi 6:18

Wa a onganganɔ, do olevitɛnɔ, do ngɔ gili wa kpi do kpi, nɛ wele do wele dɛa toe 'da Gale kɔ Tɛmpɛloe tɛ Yeruzalɛmɛ i, nɛ́ tɛlɛ tɛ kɛ Mɔizɛ kɔma zi kɔ 'buki 'da a ni.

MALAKI 2:4

Mi dɛ ní, nɛ nɛ ĩ sɛ wá na, mi NWA Gale, mi mbisa nɛ do we gɛ, takɔ gba tɔkɛ kɛ mi gba zi ma do yaa nɛ Levi, do nɛ obe zã a ni, ma 'bana fai.

Tɔlɔ Mɔ 18:21

NWA tɔ́a na: “Kɛ gɛ a si olo toe 'da olevitɛnɔ kɛ wa dɛ toe kɔ tɔa Tande 'da mi ni. Mi hã sɛ kpo mbee 'bu kɔ mɛnɔ kɛ ma ngɔ nù Israɛlɛ gɛ ni hã wa.

Tɔlɔ Mɔ 2:17

Dɛ 'do nɛ, nɛ obe zã Levi wa la sɛ do tɔa Tande. Wa yolo sɛ do gbogbo ngɔ gili winɔ nalɛ ni. Ngɔ gili winɔ bɔa wa kpe sɛ dati, nɛ ngɔ gili winɔ bɔa wa kpe dɛ 'do wa. Ngɔ gili winɔ ni kpo kpo, wa la sɛ do 'da tɛlɛ tɛ kɛ wa ɔ do ma ni, wi wili kpo kpo do fala 'da a, do ti bɛndɛlɛ 'da ngɔ gili nu kpala a.

Tɔlɔ Mɔ 2:33

Wa tɔ̀lɔ̀ obe zã Levi fala nɛ kpo do ogele nu kpala Israɛlɛ gɔ, we kɛ mɛ a mbula kɛ NWA ba hã Mɔizɛ ni.

Tɔlɔ Mɔ 3:5

NWA tɔ́a hã Mɔizɛ na:

Mbulanɔ 10:8

Do 'da fala ni, nɛ NWA hã zi to hã nu kpala Levi. Mɛ zi a to ba tole Sanduku Gba Tɔkɛ 'da NWA, do yolo dati NWA we dɛ to hã a, do wele nu wa tɛ winɔ do zu li a. Nɛ tonɔ ni, ma 'bana do mɔ́ wa fai tia do sɔɛ gɛ.