Tɔlɔ Mɔ 3:51 - WE NU GALE 1995

⁵¹ Nɛ a hã ma hã Aroni do obenɔ 'da a, ɔ nɛ kɛ NWA ba do nu a ni.

Tɔlɔ Mɔ 3:51 Iomraidhean Croise

Kulu Tɔa 12:50

Obe Israɛlɛ wa dɛa mɛnɔ vɛ̃, kɛ NWA Gale ba zi do nu a hã Mɔizɛ do Aroni na, wa dɛ ni.

Tɔlɔ Mɔ 1:19

ɔ nɛ kɛ NWA ba do nu a hã Mɔizɛ ni. Wa tɔlɔ zi winɔ tɛ li gba zɔ̃ Sinai.

Tɔlɔ Mɔ 16:15

Mɔizɛ nɛa we zele we ni, nɛ zã a nɔ̃lɔ̃, nɛ a tɔ̃ hã NWA na: “Mi aka kɔ̃ mɔ na, mɔ tɛ kɔ̃̀ gɛnɛ dɔnggamɔ mɔ wa kpo gɔ. Mi dɛ̀ wele kpo sanga wa ni 'danga gɔ, nɛ mi bà 'bɔ mɔ kpo kɔ wa gɔ, gɛnɛ kɔ mbamba punda kpo iko ni gɔ.”

Tɔlɔ Mɔ 3:48

Nɛ mɔ hã sɛ mbili ni hã Aroni do obenɔ 'da a. Tɛlɛ tɛ kɛ wa gɔnɔ sɛ do zu kuti bulu benɔ kɛ ngɔ gili wa nɛa ngɔ olevitɛnɔ gɛ a ni.”

Tɔlɔ Mɔ 3:50

A kala mbili ni kɔ̃ kuti bulu benɔ 'da obe Israɛlɛ vɛ̃, nɛ ma hɔa mbili fɛ̃a mɔ bolo koto do kama talɛ do 'bu nɛ gazɛlɛ ngɔ nɛ mɔlɔ (1.365).

Tɔlɔ Mɔ 4:1

NWA tɔ̃a hã Mɔizɛ do Aroni na:

Owi Nɛ Tonɔ 20:33

Mi 'bã̀ zi kpamɔ, tabi tulu mɔ́ wele gɔ.

1 KORINTƐ 9:12

Kɔ fala kɛ ombe winɔ wa kpa mɔ kɔ̃ nɛ kpa, ní a ma wè na, lɛ kpa tɛ mɛ 'bɔ mɔ kɔ̃ nɛ nɛ ngɔ kɛ 'da wa ni gɔ nde? Gɛnɛ kɔ na mɛ ni, nɛ nde lɛ kɔ̃̀ zi we gɔ mɔ kɔ̃ nɛ gɔ. Nɛ lɛ kunu sila lɛ ngɔ mɛnɔ vɛ́ na, dɔ lɛ kpé wala ti Dia Sakoe 'da Kristo gɔ.

1 PETRO 5:2

nɛ zɔ́ mɔ tɛ winɔ 'da Gale kɛ a a wa dɛ kɔ̃ nɛ ni, ɔ nɛ kɛ Owi zɔ mɔ tɛ bata, wa zɔ do mɔ tɛ batanɔ 'da wa ni. Nɛ tɛ zɔ̀ mɔ tɛ wa, ɔ nɛ kɛ Owele wa ngbɔkɔ nɛ ngbɔka ni gɔ, nɛ nde nɛ zɔ́ mɔ tɛ wa do yangga, nɛ́ kɛ Gale kɔ̃a ni. Nɛ tɛ dɛ̀ toe ni we wɔ tɛ mbili gɔ, nɛ nde nɛ bá tɛ nɛ we nɛ do sila nɛ vɛ̃.