Tɔlɔ Mɔ 3:47 - WE NU GALE 1995

⁴⁷ We duzu wa, wele kpo kpo a hã sɛ mbili mɔlɔ kɛ wa dɛa do fɛ̃a mɔ bolo, nɛ wa ba ma do 'da mɔ we do mbili kɔ tɔa Tande.

Tɔlɔ Mɔ 3:47 Iomraidhean Croise

Kulu Tɔa 30:13

Wi wili kpo kpo kɛ mɔ tɔlɔ sɛ a ni, a futa sɛ mbili kpo kɛ dĩ nɛ gramɛ mɔlɔ, nɛ wa dɛa do fɛ̃a mɔ bolo ni. Wa kala mbilinɔ ni bɔa, sɛ nɛ dĩ nɛ we kɔ̃ do dĩ kilo kɛ wa we do mɛnɔ kɔ tɔa Tande 'di ni de. Wa ngɛmɛ sɛ mbili ni hã mi.

Kulu Tɔa 38:24

Mɔ mbalinɔ kɛ obe Israɛlɛ wa mba ma, nɛ wa dɛ do tɔa Tande ni, dĩ nɛ zi kilo 877 do gramɛ 300. Wa wia zi dĩ nɛ do mɔ we mɛnɔ kɔ tɔa Tande i ni.

EZEKIƐLƐ 45:12

Fɛ̃a mɔ bolo Siklɛ kpo, mɛ a Gera 'bu nɛ bɔa. Nɛ Minɛ kpo, mɛ a Siklɛ 'bu nɛ gazɛlɛ.

Levitɛnɔ 27:25

“Wa we sɛ golenɔ vɛ̃ do 'da mɛ kɛ wa we do mbili kɔ tɔa Tande 'da NWA ni.

Levitɛnɔ 27:3

Nɛ we futa mbili ni, nɛ wa ba sɛ ma do 'da mɛ kɛ wa we do mbili kɔ tɔa Tande 'da NWA ni. Mbili kɛ wa we sɛ ma ni ma kɛ: A ɔ do wi wili kɛ sabɛlɛ 'da a sanga 'bu nɛ bɔa, we hɔ 'bu nɛ gazɛlɛ, nɛ wa futa sɛ mbili 'bu nɛ mɔlɔ. A ɔ do wuko, nɛ wa futa sɛ mbili 'bu nɛ talɛ. A ɔ do bulu be kɛ sabɛlɛ 'da a sanga mɔlɔ, we hɔ 'bu nɛ bɔa, nɛ wa futa sɛ mbili 'bu nɛ bɔa. A ɔ do be zɔnga, nɛ wa futa sɛ mbili 'bu. A ɔ do bulu be, kɛ a dɛ ti sabɛlɛ mɔlɔ, nɛ Wa futa sɛ mbili mɔlɔ. A ɔ do boko be, nɛ wa futa sɛ mbili talɛ. A ɔ do wi wili kɛ sabɛlɛ 'da a la ngɔ 'bu nɛ gazɛlɛ, nɛ wa futa sɛ mbili 'bu ngɔ nɛ mɔlɔ. A ɔ do wuko kɛ sabɛlɛ 'da a la ngɔ 'bu nɛ gazɛlɛ, nɛ wa futa sɛ mbili 'bu.

Tɔlɔ Mɔ 18:16

Wa gɔnɔ sɛ zu obulu benɔ 'da fala wa ɔ zɛkɛ kpo ni. Nɛ wa gɔnɔ sɛ zu wa do mbili kɛ wa dɛa do fɛ̃a mɔ bolo ni mɔlɔ. Nɛ wa we sɛ dĩ nɛ do mɔ we do mbili kɔ tɔa Tande na, ma hɔ gramɛ 'bu.

Tɔlɔ Mɔ 3:48

Nɛ mɔ hã sɛ mbili ni hã Aroni do obenɔ 'da a. Tɛlɛ tɛ kɛ wa gɔnɔ sɛ do zu kuti bulu benɔ kɛ ngɔ gili wa nɛa ngɔ olevitɛnɔ gɛ a ni.”

Tɔlɔ Mɔ 3:50

A kala mbili ni kɔ̃ kuti bulu benɔ 'da obe Israɛlɛ vɛ̃, nɛ ma hɔa mbili fɛ̃a mɔ bolo koto do kama talɛ do 'bu nɛ gazɛlɛ ngɔ nɛ mɔlɔ (1.365).