Tɔlɔ Mɔ 3:25 - WE NU GALE 1995

²⁵ Ogɛrsoni wa zɔ zi mɔ tɛ omɛnɔ gɛ: tulu Tande kɛ kɔ tɔa i, do kɛ ma kele 'do tɔa nza nga ni, do tulu kele do ma, ku'bi nu tɔa Tande,

Tɔlɔ Mɔ 3:25 Iomraidhean Croise

1 Sakonɔ 23:32

Wa zɔ sɛ mɔ tɛ tɔa Tande do fala dɔnggɔ do Gale. Nɛ nde onya wa, obe zã Aroni, wa dɛ sɛ tonɔ 'da wa kɔ Tɛmpɛlo 'da NWA.

2 Sakonɔ 31:2

Nwa Ezekiasi gisa zi gili onganganɔ do olevitɛnɔ dɛ olo wa, we dɛ to kɔ Tɛmpɛloe 'da NWA. Nɛ toe 'da wa, mɛ a dɔ sa'de we dɔnggɔ do Gale, do gbɛ sa'de hã Gale we be dɛa na, do ga zuma we dɔnggɔ do a, do hã iɔ̃nae hã a.

Kulu Tɔa 25:9

Nɛ wa dɛ sɛ tɔa Tande do omɛnɔ vɛ̃ kɔ nɛ ni do tɛlɛ tɛ kɛ mi be sɛ hã mɔ ni.

Kulu Tɔa 40:19

Nɛ wa yala li gbau tulunɔ, nɛ wa fĩ zu tɔa, nɛ wa fi ondalanɔ ngɔ nɛ na, ma kele ma. Wa dɛa ɔ nɛ kɛ NWA tɔ̃a zi hã Mɔizɛ ni.

Kulu Tɔa 40:28

Wa kila nu tɔa Tande do ku'bu,

Tɔlɔ Mɔ 1:50

Mɔ la sɛ to zɔ mɔ kɔ tɔa Tande, fala wa ia do ta Gba Tɔkɛ, do obe si'bili mɛnɔ kɔ tɔa ni hã wa. Wa ba sɛ tole tɔa Tande do obe si'bili mɔ tɛ nɛ, nɛ wa dɛ sɛ to do kɔ tɔa Tande i. Nɛ wa ɔ sɛ zĩ do ma takpa.

Tɔlɔ Mɔ 10:17

'Do nɛ, nɛ wa yala tɔa Tande. Nɛ obe zã Gɛrsoni do Mɛrari wa kala ma la do nɛ.

Tɔlɔ Mɔ 3:24

Nɛ nwa ngɔ wa a Eliasafɛ, be 'da Laɛlɛ.

Tɔlɔ Mɔ 3:7

Wa dɛ sɛ toe kɛ ma zɔa tɔa Tande we kpa ngba wi do mi Gale ni dɛ ti Aroni, do zu li tala obe Israɛlɛ vɛ̃.

Tɔlɔ Mɔ 7:7

A hã ngilingili bɔa do ngɔmbɛ nalɛ hã Ogɛrsoni, takɔ ma gala wa tɛ toe 'da wa.

MARKO 13:34

Ma ɔ sɛ nɛ lɛnggɛ 'da mbe wi wili kpo, a nɛa we la gɛnɛ, nɛ a la nu tɔa 'da a hã owi dɛa tonɔ 'da a, nɛ a kɛ̃ to hã wele do wele na a dɛ ma. Nɛ a tɔ̃ hã wi zɔ mɔ nu ngboe na, li a ɔ tɛ nu tɔa, nɛ a la.

KƆLƆSƐ 4:17

Nɛ tɔ̃́ hã Arkipɛ na, a bata toe kɛ Nwa hã ma hã a ni, nɛ a dɛ ma do dia nɛ.

1 TIMOTE 1:18

Aa Timote, be 'daa, mi a mbulanɔ gɛ dɛ kɔ̃ mɔ, nɛ ma lua ngbɛ ɛ do mbe wenɔ kɛ owi gba olo nu Gale wa tɔ̃a zi dɛ ngɔ mɔ ni. Kɔ ma wia na, wenɔ ni ma hã ngawi hã mɔ, takɔ sila mɔ nɔ li dia bole mɔ bi gɛ.