Tɔlɔ Mɔ 3:10 - WE NU GALE 1995

¹⁰ Mɔ dɛ́ na, tati a Aroni do benɔ 'da a, hã wa dɛ to nganga. Kɔ gele wele iko, kɛ a a nganga gɔ ni, a yamba dɛ toe ni, nɛ ma wia na wa gbɛ a.”

Tɔlɔ Mɔ 3:10 Iomraidhean Croise

2 SAMUƐLƐ 6:7

Nɛ zã nwa nɔ̃lɔ̃ dɛ tɛ̃ a, nɛ a gbɛ a dɛ di ni do ti, we kɛ a 'bia tɛ Sanduku Gba Tɔkɛ, kɛ tati nɛ a olevitɛnɔ hã wa wia zi we 'be tɛ nɛ ni. Nɛ Uza fia dɛ kɛ zã Sanduki ni.

1 Onwanɔ 12:31

Nɛ Yeroboamɛ nɛa tɛ ngɔ okala santonɔ, nɛ a dɛ tɔa dɔnggɔ do kpikimanɔ dɛ di ni. Nɛ a saka onganga, kɛ wa a Owi nu fɛlɛ Levi gɔ ni we dɛ to nɛ.

1 Sakonɔ 6:32

Mali, Musi, Mɛrari do Levi.

NEHEMIE 6:11

Nɛ mi gisa hã a na: “Wele ɔ nɛ mi gɛ, a wè tɛ yu bolo gɔ! Nɛ wele ɔ nɛ mi gɛ, a wia tɛ le fala kɛ ma santo, nɛ a 'bana do tunu li a nde? Gɔ, mi lé sɛ i mɔ gɔ.”

Kulu Tɔa 29:9

nɛ mɔ kpo 'dɛ̃ 'da wa dɛ ngɔ nɛ, nɛ mɔ gu ndasanɔ zu wa. Mɔ dɛ ni, nɛ wa do obe zã wa vɛ̃, wa dɛ sɛ to nganga hã mi fai. “Tɛlɛ tɛ kɛ mɔ e sɛ Aroni do obulu benɔ 'da a na, wa ndo dɛ to nganga hã mi ni, ma kɛ:

EZEKIƐLƐ 44:8

Nɛ bà tɛ nɛ we dɛ to hã mi gɔ. Nɛ nde nɛ ia omanda'banɔ na, wa dɛ ma olo nɛ.

Levitɛnɔ 22:10

“Tati a owi nu fɛlɛ nganga hã wa wia we nyɔngɔ dɔnggamɛnɔ kɛ ma santo ni. Mbe gele wele iko nyɔ́ngɔ́ sɛ ma gɔ. Gɛnɛ kɔ wele kɛ a ɔ kɔ tɔa 'da nganga, tabi nganga a ba a do wi dɛa toe 'da a ni, nɛ nde a nyɔ́ngɔ́ sɛ ma gɔ.

Tɔlɔ Mɔ 1:51

“'Da fala nɛ kulu ngɔ we la nɛ ni, nɛ wa sɛ a wa nɛ yala tɔa Tande. Kɔ nɛ hɔ tɛ mbé fala ɔi, nɛ wa a wa nɛ zĩ sɛ 'bɔ ma dɛ olo nɛ. Hã fala kɛ mbe gele wele kɔlɔ do tɔa Tande, nɛ wa gbɛ sɛ a.

Tɔlɔ Mɔ 16:10

NWA kɔa na, mɔ Kore, do onya mɔ levitɛnɔ vɛ̃, nɛ kɔlɔ do ɛ. Nɛ nɛ fa 'bɔ na, nɛ ba toe 'da onganganɔ dɛ ngɔ ki ni nde?

Tɔlɔ Mɔ 16:35

'Do nɛ, nɛ NWA tumba nyɛa we, nɛ ma bɛlɛ owinɔ 250 kɛ wa dɔa zi fũ yɔmbɛ ni.

Tɔlɔ Mɔ 18:3

Wa dɛ sɛ to kɔ tɔa Tande, nɛ nde ma wè na, wa kɔlɔ do gbagala tabi do omɛnɔ kɛ ma santo ni gɔ. Wa dɛ ní, nɛ nde nɛ do wa, nɛ hɔ́ sɛ fɛna fio gɔ.

Tɔlɔ Mɔ 18:7

Nɛ nde mɔ Aroni, do obe zã mɔ, nɛ dɛ sɛ to nganga 'da nɛ tɛ fala gbagala, do Fala kɛ ma santo wena, nɛ ma do 'do ku'bi kɛ ma gɔnɔ sanga tɔa ni. Wi a mi a mi hã toe gɛ hã nɛ. Nɛ nde fala kɛ gele wele kɔlɔ do mi, nɛ wa gbɛ sɛ a.”

Tɔlɔ Mɔ 3:11

Nɛ NWA tɔ̃ 'bɔ hã Mɔizɛ na:

Tɔlɔ Mɔ 3:38

Nɛ Mɔizɛ, Aroni do obenɔ 'da a, wa 'dafa fala ɔi 'da wa do dati tɔa Tande, si 'biti gba wese. Wa dɛ zi toe kɔ tɔa Tande do zu li obe Israɛlɛ. Kɔ gele wele iko, kɛ a a nganga gɔ ni, a yamba dɛ toe ni, nɛ ma wia na wa gbɛ a.

ROMA 12:7

Wi kɛ Gale hã ngawi hã a we gala ongba a, nɛ a gálá wa. Wi kɛ Gale hã ngawi be we nu ɛ hã a, nɛ a bé ma.

EFƐZƐ 2:19

We duzu ki ni, nɛ, owinɔ kɛ nɛ a Oyuda gɔ ni, nɛ 'bɔ a ogele wi, tabi ogɛnɛ gɔ. Nɛ hɔa wele le mba do owinɔ 'da Gale. Nɛ hɔa Owi nu fɛlɛ kula 'da Gale.

Mbulanɔ 18:5

Nɛ dɛ sɛ ní, we kɛ nwa saka nu kpala Levi kɔ tala gele nu kpala obe Israɛlɛ vɛ̃ na, wa dɛ to nganga hã ɛ fai.

OHEBRE 8:4

Kristo sɔ a nù nga, nɛ nde a sɔ a nganga gɔ. We kɛ onganganɔ kɛ wa hã odɔnggamɛnɔ hã Gale nɛ́ kɛ mbula 'da Mɔizɛ tɔ̃a ni, wa boe.

Owi kpe dati 17:5

Ĩ na, Mika zi do fala dɔnggɔ do gale 'da a boe. Nɛ a dɛa 'bɔ mbe kpikima do ombe gele sɛa te, nɛ a zĩ ma kɛ zã kpikima fɛ̃a mɔ bole ni. Nɛ a saka mbe kpo kɔ obenɔ 'da a, nɛ a e a do nganga 'da a.

1 SAMUƐLƐ 6:19

Nɛ nde do 'da fala ni, nɛ nwa hã etumbu hã owinɔ kɔ le Bɛtɛ-Semɛsi, we kɛ wa zɔa Sanduku Gba Tɔkɛ ni. A gbɛa Owi wili 'bu wa sambo kɔ owinɔ ni. Owanɔ kɛ wa fè gɔɛ ni, wa nɛa we zɔ ni, nɛ wa dungu gɛla, we kɛ nwa hã etumbu hã wa nganda wena.