Tɔlɔ Mɔ 28:9 - WE NU GALE 1995

⁹ “Do kɔ tũ ɔmɔ tɛ wi, nɛ nɛ dɔ sɛ obata bɔa, kɛ wa ɔa sabɛlɛ kpo, nɛ fo kunda tɛ wa bina ni, we dɔnggɔ do mi. Nɛ so sɛ fũ kilo gazɛlɛ, nɛ nɛ so nɔ, nɛ nɛ zanga do fũi ni, nɛ nɛ tɛ do dɔ̃, nɛ nɛ mba ma do obatanɔ we dɔnggɔ do mi.

Tɔlɔ Mɔ 28:9 Iomraidhean Croise

2 Onwanɔ 4:23

Nɛ wili a aka a na: “Sɔɛ gɛ, mɛ a kɔ̃ tũ ɔmɔ tɛ wi, tabi ɛngga mbé hɔa zɛkɛ gɔ. Kɔ gulu kɛ mɔ nɛ nɛ 'da a i we ge nde?” Nɛ wuke gese na: “We bina, mɔ mbɔkɔ sila mɔ.”

2 Sakonɔ 2:3

Mba gɔ, mi nɛ dɛ do tɔa Tɛmpɛlo we hã dɔ̃lɔ̃ li hã NWA Gale 'da mi. Tɔa ni sɛ a fala dɔnggɔ do a. Nɛ wa dɔ sɛ dɔnggamɔ fũ yɔmbɔ hã a kɔ tɔa ni, nɛ zɛ̃ nɛ ma kpe sɛ kɔ nɛ. Nɛ omapa kɛ ma santo, we hã ma hã NWA Gale ni, ma zɔ́lɔ́ sɛ di ni gɔ. Nɛ wa dɔ sɛ sa'de we dɔnggɔ do Gale, titole do gɛ̃a wese. Nɛ wa dɛ sɛ 'bɔ ni do kɔ̃ tũ kpe tɛ wi, do kuti tũ kɔ zɛkɛ kpo kpo, do mbe gele otũ ɛngganɔ we dɔnggɔ NWA Gale 'da lɛ. Ki ni mɛ a mbula kɛ obe Israɛlɛ wa dɛ sɛ ma fai.

2 Sakonɔ 2:4

Nɛ Tɛmpɛloe kɛ mi nɛ dɛ ma ni, ma gã sɛ wena, we kɛ Gale 'da lɛ gã nɛa ngɔ ogele galenɔ vɛ̃.

2 Sakonɔ 8:13

Nɛ a hã dɔnggamɛnɔ ni do 'da kɔ̃ tũ hã dɔnggamɛnɔ ngboo, ɔ nɛ kɛ mbula 'da Mɔizɛ tɔ́a ni. A hã dɔnggamɔ do kɔ̃ tũ kpe tɛ wi, do kuti kɔ zɛkɛ, do mbe ogã ɛngganɔ talɛ kɔ sabɛlɛ: Ɛngga Nyɔngɔ Mapa kɛ wa à ina hana mapa tɛ nɛ gɔ, do Ɛngga Kala Kpalɛ, do Ɛngga Ɔ ti Da.

Ezai 58:13

NWA Gale tɔ̃a na: “Nɛ kpé tɛ nɛ do kɔ̃ tũ ɔmɔ tɛ wi, nɛ nɛ zɔ ma na, mɛ a tũ yangga, nɛ mɛ a tũ kɛ ma santo. Nɛ nɛ lá fala fa de mɛnɔ 'da nɛ wele nɛ do kɔ̃ tũi 'da mi. Nɛ do ngba soe ni, nɛ nɛ tɛ dɛ̀ to gɔ, nɛ nɛ tɛ nɛ̀ gɛnɛ gɔ, nɛ nɛ tɛ wèlè we yala yala iko gɔ.

EZEKIƐLƐ 20:12

Mi ia zi kɔ̃ tũ ɔmɔ tɛ wi hã wa, takɔ ma be dɛa na kɛ mi dɛa do wa ni. Nɛ kɔ̃ tũi ni, ma gba sɛ ta zu wa na, mi nwa, mi ia wa do wi tonɔ 'da mi.

EZEKIƐLƐ 46:4

“Do ngba soe kɔ̃ tũ ɔmɔ tɛ wi, nɛ gã wi ngɔ obe Israɛlɛ a tɛ sɛ do obe bata gazɛlɛ, do wili bata kpo, kɛ fo kunda tɛ wa bina ni dɛ dati mi, nɛ wa dɔ sɛ batanɔ ni we dɔnggɔ do mi.

Tɔlɔ Mɔ 28:10

Do kɔ̃ tũ ɔmɔ tɛ wi, nɛ nɛ dɔ sɛ obatanɔ ni dɛ ngɔ kɛ nɛ dɔ tũ kpo kpo, nɛ nɛ mba do dɔ̃ɛ ni.

Tɔlɔ Mɔ 28:8

Nɛ dɔ sɛ bata wele kɛ bɔa do gɛ̃a wese, nɛ nɛ mba sɛ 'bɔ do fũi do dɔ̃ɛ we dɔnggɔ do mi, ɔ nɛ kpo kɛ do titole ni. Nɛ dɔ sɛ sa'denɔ, nɛ zɛ̃ we nɛ ma unu sɛ mi, nɛ ma dɛ yangga tɛ mi.

USU MƐNƆ 1:10

'Da fala mi zi i mɔ ni, nɛ mbe ngba soe ɛngga kpo, nɛ ngawi 'da Hi Wi Santo lia kɔ mi, nɛ mi zele wala gɛlɛ wele do 'do mi, ma wele nganda wena ɔ nɛ giti mɔtũlũ ni