Tɔlɔ Mɔ 28:7 - WE NU GALE 1995

⁷ Nɛ dɛ ngɔ bata wele kɛ nɛ dɔ sɛ a do titole ni, nɛ tɛ sɛ do dɔ́ litrɛ kpo do dɔ nɛ, nɛ nɛ tɛnɛ ma dɛ ngɔ gbagala we dɔnggɔ do mi NWA.

Tɔlɔ Mɔ 28:7 Iomraidhean Croise

Kulu Tɔa 29:40

Wa so sɛ fũ kilo talɛ, nɛ wa so dia nɔ litrɛ kpo do dɔ nɛ, nɛ wa zanga do fũi ni we mba ma do batanɔ. Nɛ wa fa 'bɔ dɔ̃ litrɛ kpo do dɔ nɛ, we tɛnɛ ma ngɔ gbagala we dɔnggɔ do mi. Nɛ odɔnggamɛnɔ wa dɔ ni, ma unu sɛ mi NWA Gale, nɛ ma de tɛ mi.

Kulu Tɔa 29:42

Ma wia na, wa dɔ dɔnggamɛnɔ ni dɛ nu tɔa Tande we dɔnggɔ do mi fai kɔ sabɛlɛ do sabɛlɛ. Nɛ mi fa sɛ na, mi kpa ngba mi do nɛ dɛ kpo nu tɔa Tande ni, nɛ mi tɔ̃ sɛ lɛnggɛ do mɔ.

Kulu Tɔa 30:9

Nɛ ma wè na, sa'de tabi fũ yɔmbɔ kɛ ma santo gɔ ni, wa dɔ ma ngɔ gbagala ni gɔ. Wa tɛ à 'bɔ fũ, tabi dɔ̃ ngɔ nɛ we dɔnggɔ do mi gɔ.

Ezai 57:6

Nɛ nɛ kala olɔa tɛ tanɔ kɛ nɛ kpa ma i mɔ ni, nɛ nɛ dɔnggɔ ma ɔ nɛ ogale ni. Nɛ a dɔ́ nù, nɛ nɛ hã 'bɔ dɔnggamɔ hã otanɔ ni. Ni a nɛ lengge na, mɛnɔ ni ma wia we de tɛ mi NWA nde?

YƆƐLƐ 1:13

Aa nɛ, onganganɔ, kɛ nɛ gbɛ sa'denɔ we dɔnggɔ do Gale ni, nɛ hé'dé tulu gɛla, nɛ nɛ hé kɔ̃a tɛ nɛ! Nɛ, kɛ nɛ a Owi tonɔ 'da Gale 'da lɛ ni, nɛ dɛ́ 'bako, nɛ yala tɛ gbò li nɛ gɔ, tua kɛ owinɔ wa tɛ́ 'bɔ kɔ tɔa Tɛmpɛlo nga do okpalɛ, do dɔ̃ we dɔnggɔ do Gale gɔ.

YƆƐLƐ 1:9

Owinɔ wa tɛ́ 'bɔ kɔ tɔa Tɛmpɛlo nga do okpalɛ, do dɔ̃ we dɔnggɔ do Gale gɔ. We duzu ma, onganganɔ kɛ wa dɛ toe hã Gale ni, wa do 'bako.

YƆƐLƐ 2:14

Lɛ ĩ̀ gɔ, mbe gɔ nɛ a kpolo linggamɛ 'da a, nɛ a dɛ na, fɔnɔ 'da nɛ ko ogili kpalɛ. Na mɛ ni, nɛ nɛ wia sɛ we tɛ do okpalɛ do dɔ̃, we dɔnggɔ do a.

Levitɛnɔ 1:9

Nɛ wi ni a fɔlɔ sɛ kala zã sa'de ni mba do ogbɔgɔlɔ nyanga nɛ, nɛ mbe nganga kpo dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 23:13

“Nɛ mba sɛ ma do kilo fũ gazɛlɛ, kɛ wa zanga do nɔ ni, nɛ a dɔ sɛ ma we dɔnggɔ do mi. Nɛ fala tɛ dɔa mɛ ni, ma unu sɛ mi, nɛ ma dɛ yangga tɛ mi. Nɛ nɛ ba sɛ dɔ́ litrɛ kpo do dɔ nɛ, nɛ nɛ mba ma do dɔnggamɛnɔ ni.

Tɔlɔ Mɔ 15:10

nɛ wa mba 'bɔ do litrɛ dɔ̃ talɛ. Nɛ zɛ̃ we nɛ ma unu sɛ mi, nɛ ma de tɛ mi.

Tɔlɔ Mɔ 15:7

nɛ litrɛ dɔ̃ 'bɔ bɔa. Nɛ zɛ̃ we nɛ ma unu sɛ mi, nɛ ma de tɛ mi.

Tɔlɔ Mɔ 28:14

Nɛ fa sɛ litrɛ dɔ̀ talɛ we mba do wili ngɔmbɔ kpo kpo, nɛ litrɛ dɔ̀ bɔa we wili bata, nɛ litrɛ dɔ̀ kpo do dɔ nɛ, we be bata kpo kpo. Ki ni a omɛnɔ kɛ nɛ dɔ sɛ ma we dɔnggɔ do mi do kuti kɔ tũ zɛkɛ kpo kpo kɔ sabɛlɛ gɛ a ni.

Tɔlɔ Mɔ 28:31

Wa dɔ sɛ sa'denɔ ni vɛ̃ dɛ ngɔ kɛ wa dɔ tũ kpo kpo ni. Nɛ dɔ sɛ a osa'denɔ kɛ fo kunda tɛ wa bina ni. Nɛ fa sɛ fũ do dɔ̀, we mba do ma.

Tɔlɔ Mɔ 28:6

Dɔnggamɛ tũi kpo kpo ni, ma we sɛ kɔ do kɛ nɛ dɔngga zi do mi dati tɛ ngɔ kala Sinai i, nɛ zɛ̃ we nɛ unu zi mi, nɛ ma dɛ yangga tɛ mi ni.

Tɔlɔ Mɔ 28:8

Nɛ dɔ sɛ bata wele kɛ bɔa do gɛ̃a wese, nɛ nɛ mba sɛ 'bɔ do fũi do dɔ̃ɛ we dɔnggɔ do mi, ɔ nɛ kpo kɛ do titole ni. Nɛ dɔ sɛ sa'denɔ, nɛ zɛ̃ we nɛ ma unu sɛ mi, nɛ ma dɛ yangga tɛ mi.

FILIPƐ 2:17

Kɔ̃a we 'da nɛ ɔ nɛ dɔnggamɔ kɛ nɛ dɔnggɔ do Gale ni. Kɔ fala kɛ ma we na, tɔkɔ tɛ mi ma a nù we mba do dɔnggamɛ 'da nɛ ni, nɛ mi dɛ sɛ yangga wena, nɛ nɛ mba sɛ do mi kɔ yangga ni.