Tɔlɔ Mɔ 28:4 - WE NU GALE 1995

⁴ Nɛ dɔ sɛ mbe kpo do titole, nɛ mbee nɛ do gɛ̃a wese.

Tɔlɔ Mɔ 28:4 Iomraidhean Croise

1 Onwanɔ 18:29

Kɔ midi la do'do, nɛ wa ma 'bɔ ngɔ sa mɔ hã Bala nganda wena dɛ dati gbaa, nɛ nde Bala gèsè nu we kpo gɔ, nɛ mɔ kpo dɛ̀ tɛ̃ ɛ gɔ.

1 Onwanɔ 18:36

Ma hɔa 'do midi, do sa kɛ wa hã do dɔnggamɛ hã Gale kɔ Tɛmpɛlo i ni, nɛ Elia nɛa, nɛ a kɔlɔ do gbagala, nɛ a na: “NWA Gale 'da Abrahama, do Izaka, do Yakɔbɔ, mɔ kɔ̃, nɛ mɔ bé sɔɛ gɛ na, mɔ a Gale 'da obe Israɛlɛ, nɛ mi a wi toe 'da mɔ. Mɔ bé 'bɔ na, mi dɛ mɛnɔ gɛ vɛ̃ do olo nu mɔ.

1 Sakonɔ 16:40

Ma wia na, wa dɔ sa'de ngɔ gbagala we dɔnggɔ do NWA titole kpo kpo, do gɛ̃a wese kpo kpo. Nɛ wa dɛ 'bɔ otonɔ vɛ̃ kɛ wa kɔma kɔ 'buku mbula, kɛ NWA hã zi ma hã obe Israɛlɛ ni.

Zumanɔ 141:2

E kɔ sambala 'da mi nɛ ndirr dɛ 'da mɔ i, ɔ nɛ zɛ̃ we yɔmbɛ kɛ wa dɔ hã mɔ ni. E kɔ do gɛ̃a wese, fala mi kala kɔ̃ mi dɛ ngɔ we sambala mɔ ni, nɛ mɔ zɔ ma li mɔ nɛ́ dɔnggamɔ ni.

Kulu Tɔa 12:6

Nɛ sa'de kɛ obe Israɛlɛ wa saka sɛ a ni, wa fi sɛ a kɔ ngbo, nɛ wa 'bɔ sɛ gbaa, hã ma hɔ kɔ̃ zɛkɛ 'bu ngɔ nɛ nalɛ, do gɛ̃a wese, nɛ wa 'bili gɛlɛ a.

DANIƐLƐ 9:21

Kɔ mi tɛ sambala na mɛ ni, nɛ anzɛ Gabriɛlɛ, kɛ mi zɔa sɔ a kɔ yalɛ ni, a bũlũ do gbɛngɛ tɛ, nɛ a kɔlɔ do mi. A hɔa do 'da fala wa hã do dɔnggamɔ gɛ̃a wese ni.

YƆƐLƐ 1:13

Aa nɛ, onganganɔ, kɛ nɛ gbɛ sa'denɔ we dɔnggɔ do Gale ni, nɛ hé'dé tulu gɛla, nɛ nɛ hé kɔ̃a tɛ nɛ! Nɛ, kɛ nɛ a Owi tonɔ 'da Gale 'da lɛ ni, nɛ dɛ́ 'bako, nɛ yala tɛ gbò li nɛ gɔ, tua kɛ owinɔ wa tɛ́ 'bɔ kɔ tɔa Tɛmpɛlo nga do okpalɛ, do dɔ̃ we dɔnggɔ do Gale gɔ.

Levitɛnɔ 3:7

Fala kɛ ma ɔ do bata, nɛ wi ni nɛ́ do a dɛ nu tɔa Tande i,

Tɔlɔ Mɔ 28:3

“Tũ kpo kpo, nɛ nɛ tɛ sɛ do obata bɔa, kɛ wa ɔa sabɛlɛ kpo, nɛ fo kunda tɛ wa bina ni, nɛ nɛ dɔ wa hã mi NWA. Nɛ nɛ dɛ sɛ ni 'da fala fai.

Tɔlɔ Mɔ 28:5

Nɛ fa sɛ fũ kilo talɛ, nɛ nɛ so dia nɔ litrɛ kpo do dɔ nɛ, nɛ nɛ zanga do fũi ni, nɛ nɛ mba ma do sa'de bata we dɔnggɔ do mi.

Tɔlɔ Mɔ 9:3

Wa ndo sɛ dungu ma do kɔ zɛkɛ 'bu ngɔ nɛ nalɛ, zɛkɛ 'da kpo, do 'da fala wese le nù ni, ɔ nɛ kɛ ombula ngɔ nɛ ma tɔ̃a ni.”