Tɔlɔ Mɔ 28:3 - WE NU GALE 1995

³ “Tũ kpo kpo, nɛ nɛ tɛ sɛ do obata bɔa, kɛ wa ɔa sabɛlɛ kpo, nɛ fo kunda tɛ wa bina ni, nɛ nɛ dɔ wa hã mi NWA. Nɛ nɛ dɛ sɛ ni 'da fala fai.

Tɔlɔ Mɔ 28:3 Iomraidhean Croise

1 Sakonɔ 16:40

Ma wia na, wa dɔ sa'de ngɔ gbagala we dɔnggɔ do NWA titole kpo kpo, do gɛ̃a wese kpo kpo. Nɛ wa dɛ 'bɔ otonɔ vɛ̃ kɛ wa kɔma kɔ 'buku mbula, kɛ NWA hã zi ma hã obe Israɛlɛ ni.

2 Sakonɔ 8:13

Nɛ a hã dɔnggamɛnɔ ni do 'da kɔ̃ tũ hã dɔnggamɛnɔ ngboo, ɔ nɛ kɛ mbula 'da Mɔizɛ tɔ́a ni. A hã dɔnggamɔ do kɔ̃ tũ kpe tɛ wi, do kuti kɔ zɛkɛ, do mbe ogã ɛngganɔ talɛ kɔ sabɛlɛ: Ɛngga Nyɔngɔ Mapa kɛ wa à ina hana mapa tɛ nɛ gɔ, do Ɛngga Kala Kpalɛ, do Ɛngga Ɔ ti Da.

Ɛsdrasi 3:5

Nɛ 'do ki ni, nɛ wa ma ngɔ dɔ sa'de we dɔnggɔ do Gale 'do ngbɛ ɛ do 'do ngbɛ ɛ, nɛ wa dɔa 'bɔ mbe we mbé hɔa zɛkɛ, nɛ mbe we ɛngganɔ 'da NWA kɛ a ia ma ni. Nɛ wa dɔa 'bɔ mbe we winɔ, kɛ wa dɔnggɔ nwa do mɛnɔ 'da wa do dia kɔ sila iko ni.

DANIƐLƐ 11:31

A tombo sɛ osodanɔ 'da a na, owinɔ wa faka Tɛmpɛloe. Nɛ wa bɛ̃ sɛ na, owinɔ wa tɛ ha 'bɔ dɔnggamɛnɔ tũ kpo kpo hã Gale gɔ. Nɛ wa e sɛ mɔ gã sape dɛ ngɔ gbagala 'da Gale, nɛ wa faka ma.

DANIƐLƐ 12:11

Yolo tɛ ngba soe osodanɔ wa bɛ̃a na, owinɔ wa tɛ ha dɔnggamɔ hã Gale tũ kpo kpo gɔ ni, we hɔ tɛ 'da fala osodanɔ wa e sɛ gã mɔ sape dɛ ngɔ gbagala 'da Gale, nɛ wa faka ma ni, ma la sɛ tũ koto do kama bɔa do 'bu nɛ kusi.

DANIƐLƐ 8:11

Nɛ a bi 'bɔ gã wi ngɔ owinɔ li nza i ni. Nɛ a kpe wala dɔnggamɛnɔ kɛ wa tɛ do ma hã gã wi tũ kpo kpo ni, nɛ a faka tɔa Tɛmpɛloe 'da gã wi ni.

DANIƐLƐ 8:13

“'Do nɛ, nɛ mi zele gɛlɛ anzɛ tɛ aka ngba a na: ‘Omɛnɔ ma bia tɛ̃ ɛ li wi gɛ, ma ɔ sɛ fai nde? Ma Sɔkpɔ sɛ soe ki nge nde? Wa bɛ̃ sɛ gɛnɛ hã dɔnggamɛnɔ, kɛ wa hã zi ma tũ kpo kpo ni gbaa soe ki nge nde? Wa faka sɛ Tɛmpɛloe, nɛ wa ma owinɔ li nza i ti nyanga wa, nɛ wa 'danga mɛnɔ yala iko fai nde?’

Levitɛnɔ 3:5

Nɛ onganganɔ wa dɔ sɛ mɛnɔ ni vɛ̃ dɛ ngɔ odɔnggamɛnɔ kɛ ma li we ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 6:9

Nɛ Aroni, do obenɔ 'da a, wa nyɔngɔ sɛ tala fũi ni. Wa nyɔngɔ sɛ ma, nɛ nde wa tɛ à ina hana mapa tɛ nɛ gɔ, nɛ wa nyɔngɔ sɛ ma dɛ li fanda tɔa Tande, kɛ mɛ a fala santo ni.

AMƆSI 4:4

NWA tɔ̃a na: “Aa nɛ, Oisraɛlɛ, nɛ nɛ́ Betɛlɛ i, hã nɛ dɔ́nggɔ́ mi, nɛ nɛ dɛ́ 'dã mɛnɔ 'da nɛ dɛ di ni! Tabi nɛ nɛ́ Gilgalɛ, nɛ nɛ dɛ́ 'bɔ gã 'dã mɔ dɛ dati! Mi ĩ na, ma de tɛ nɛ wena! Titole kpo kpo, nɛ nɛ́ we dɔ sa'denɔ we dɔnggɔ do mi, nɛ nɛ dɛ́ 'dã mɔ. Ma hɔ kɔ tũi kɛ talɛ, nɛ nɛ hã kpo mbe 'bu kɔ mɛnɔ 'da nɛ, nɛ nɛ dɛ́ 'dã mɔ.

Tɔlɔ Mɔ 28:10

Do kɔ̃ tũ ɔmɔ tɛ wi, nɛ nɛ dɔ sɛ obatanɔ ni dɛ ngɔ kɛ nɛ dɔ tũ kpo kpo, nɛ nɛ mba do dɔ̃ɛ ni.

Tɔlɔ Mɔ 28:15

Nɛ dɔ sɛ 'bɔ wili dua kpo dɛ ngɔ kɛ nɛ dɔ tũ kpo kpo ni, we fo ku'da 'dã mɔ, nɛ nɛ fa sɛ dɔ̀ we mba do ma.

Tɔlɔ Mɔ 28:23

Wa dɔ sɛ sa'denɔ ni vɛ̃ dɛ ngɔ kɛ wa dɔ do titole kpo kpo ni.

Tɔlɔ Mɔ 28:24

Nɛ do kɔ pɔsɔ ɛngga ni, nɛ zɛ̃ we dɔa sa'denɔ, mba do kɛ nɛ dɔ tũ kpo kpo ni, mba do de ma unu sɛ mi, nɛ ma dɛ yangga tɛ mi.

Tɔlɔ Mɔ 28:31

Wa dɔ sɛ sa'denɔ ni vɛ̃ dɛ ngɔ kɛ wa dɔ tũ kpo kpo ni. Nɛ dɔ sɛ a osa'denɔ kɛ fo kunda tɛ wa bina ni. Nɛ fa sɛ fũ do dɔ̀, we mba do ma.

Tɔlɔ Mɔ 28:4

Nɛ dɔ sɛ mbe kpo do titole, nɛ mbee nɛ do gɛ̃a wese.

Tɔlɔ Mɔ 29:11

Nɛ nɛ dɔ sɛ 'bɔ wili dua we fo ku'da 'dã mɔ zu nɛ. Nɛ dɔ sɛ sa'denɔ ni vɛ̃, mba do wili dua nɛ dɔa a na, nɛ hɔ sa wi li mi ni, dɛ ngɔ kɛ nɛ dɔ tũ kpo kpo mba do fũi do dɔ̃ɛ ni.

Tɔlɔ Mɔ 29:16

Nɛ dɔ sɛ 'bɔ wili dua we fo ku'da 'dã mɔ zu nɛ. Nɛ dɔ sɛ sa'denɔ ni vɛ̃ dɛ ngɔ kɛ nɛ dɔ tũ kpo kpo, mba do fũi do dɔ̃ɛ ní.

Tɔlɔ Mɔ 29:6

Wa dɔ sɛ sa'denɔ ni vɛ̃ dɛ ngɔ kɛ wa dɔ tũ kpo kpo do kuti kɔ̃ tũ zɛkɛ ni. Nɛ so sɛ fũ do dɔ̃, nɛ nɛ mba do ma, ɔ nɛ kɛ nɛ dɛ fai ni. Nɛ zɛ̃ we dɔa sa'denɔ ni ma unu sɛ mi nwa, nɛ ma dɛ yangga tɛ mi.

YOANƐ 1:29

Fala nɛa we sa 'do nɛ, nɛ Yoanɛ zɔ Yezu tɛ tɛ 'da a nga, nɛ a tɔ̃ hã owinɔ na: “Nɛ zɔ́, Be Bata 'da Gale kɛ a fo sɛ ku'da 'dã mɛnɔ zu winɔ ni, a kɛ!

OHEBRE 9:6

Wa dɛa tɔa tande na mɛ ni, nɛ onganganɔ wa le kɔ kuti 'bili kɔ tɔa ni tũ kpo kpo, we dɛ to nganga 'da wa dɛ di ni.

USU MƐNƆ 13:8

Nɛ winɔ ngɔ nù gɛ, wa dɔnggɔ sɛ sa'de ni. Winɔ ni, wi a wanɔ kɛ Gale kɔ̀mɔ̀ zɛ́ li wa kɔ 'Buku Kpasi, dati kɛ a ndua zɛ́ nyanga dɛ mɛnɔ vɛ́ ni gɔ ni. 'Buku Kpasi ni, mɛ a kɛ 'da Be Bata kɛ wa gbɛa zi a ni.