Tɔlɔ Mɔ 28:2 - WE NU GALE 1995

² a é mbulanɔ gɛ hã obe Israɛlɛ na: “Nɛ tɛ sɛ do sa'de we dɔnggɔ do mi do 'da falanɔ kɛ mi ia we ma ni. Nɛ nɛ dɔ sɛ ma na, zɛ̃ we nɛ unu mi, nɛ ma dɛ yangga tɛ mi.

Tɔlɔ Mɔ 28:2 Iomraidhean Croise

Ndo Nyanga Dɛ Mɔ 8:21

Nɛ zɛ dɔnggamɛ ni unu NWA, nɛ ma de tɛ a wena, nɛ a tɔ̃ do kɔ sila a na: “Mi fɔmbɔ sɛ 'bɔ nùi we duzu 'dã dɛa mɛnɔ kɛ owinɔ wa dɛ ma ni gɔ. Gɛnɛ kɔ mi ĩ na, 'dã linggamɔ lia zi kɔ sila wele belee do be tɛ a, nɛ nde mi gbɛ sɛ 'bɔ Otunu li mɛnɔ ɔ nɛ kɛ mi dɛa gɛ gɔ.

1 Sakonɔ 23:31

Nɛ wa dɛ́ na mɛ ni 'da fala fai, do ngba soe wa dɔ sa'de we dɔnggɔ do NWA do kɔ̃ tũ kpe tɛ wi, do kuti tũ kɔ zɛkɛ, tabi do mbe ogele tũ ɛngganɔ. Nɛ kɔ tũnɔ vɛ̃ wa dɛ sɛ tonɔ 'da wa dati NWA.

2 Sakonɔ 23:18

'Do nɛ, nɛ Yoyada a olevitɛnɔ kɛ wa a nganga ni na, wa zɔ mɔ tɛ tɔa Tɛmpɛloe 'da NWA. Davidi kɛ̃a zi wa vɛ̃ do ngɔ gili we dɔ sa'de we dɔnggɔ do NWA, ɔ nɛ kɛ wa kɔma kɔ 'buku mbula 'da Mɔizɛ ni. Nɛ Davidi tɔ̃a zi hã wa na, wa dɛ toe 'da wa fala nɛ kpo do ga ozuma yangga.

2 Sakonɔ 31:3

A kala zi mbe kɔ kpamɛnɔ 'da a, nɛ a oso do osa'de we dɔ wa we dɔnggɔ do Gale titole do gɛ̃a wese, mba do kɛnɔ wa hã ma do kɔ̃ tũ kpe tɛ wi, do kuti tũ kɔ̃ zɛkɛ, do ongba soe gbali mɛnɔ ɔ nɛ kɛ wa kɔma kɔ 'buku mbula 'da NWA Gale ni.

Ɛsdrasi 3:2

Nɛ Yesua, be 'da Yosadakɛ, kulu ngɔ do onya a onganganɔ, fala nɛ kpo do Zorobabɛlɛ, be 'da Sealtiɛlɛ do onya a, nɛ wa 'dafa gbagala gbɛ do sa'de hã Gale 'da obe Israɛlɛ. Wa dɛa fala ni we dɔ do sa'de we dɔnggɔ do Gale, nɛ́ kɛ mbula 'da Mɔizɛ, wi 'da Gale tɔ̃a ni.

Ɛsdrasi 3:3

Wa 'bana zi dɛ kili winɔ wa ɔ zi ngɔ nùi ni do 'da fala wa la kɔlɔ 'duli ni. Gɛnɛ kɔ na mɛ ni, nɛ nde wa 'dafa fala ni dɛ ã olo nɛ zɛ́ ni, takɔ wa gbɛ sa'de we dɔnggɔ do Gale. Nɛ wa gbɛa osa'de we dɔnggɔ do NWA Gale do titole, do gɛ̃a wese.

NEHEMIE 10:34

Nɛ mbili ni ma gala sɛ we oso mapa, do sa'de, do ofũ we dɔnggɔ do Gale tũ kpo kpo, do dɔnggamɛ kɛ wa hã kɔ̃ tũ ɔmɔ tɛ wi, do kɔ̃ tũ mbé hɔa zɛkɛ, tabi tala ogele tũ ɛngganɔ ni. Ma gala sɛ 'bɔ we oso do tala ogele dɔnggamɛnɔ hã Gale, do osa'de kɛ obe Israɛlɛ wa gbɛ hã Gale we fo ku'da 'dã mɛnɔ zu wa ni. Nɛ kpo kpo mbili ni, ma gala sɛ 'bɔ we tonɔ vɛ̃ kɛ wa dɛ ma we 'dafa do Tɛmpɛloe 'da Gale 'da lɛ ni.

Zumanɔ 81:3

Nɛ kálá biã, do gã kundu, do be kundu, hã nɛ zɛ́ do dia zuma.

Kulu Tɔa 23:15

Kuti ɛngga kɛ nɛ dungu sɛ ma, mɛ a ɛngga Nyɔngɔ Mapa kɛ wa à ina hana mapa tɛ nɛ gɔ. Ɛngga ni, nɛ dungu sɛ 'do tũnɔ sambo kɛ nɛ ia we nɛ ni, ma sɛ do zɛkɛ 'da kpo tabi zɛkɛ Abibɛ. Tua kɛ nɛ hɔa zi nza Ezipeto do zɛkɛ ni. Do 'da fala ɛngga ni, nɛ dɛ sɛ ɔ nɛ kɛ mi ba do nu mi hã nɛ gɛ: Nɛ nyɔngɔ sɛ mapa kɛ wa à ina hana mapa tɛ nɛ gɔ ni. Nɛ nɛ́ sɛ tɛ fala dɔnggɔ do mi do wila kɔ̃ nɛ gɔ, nɛ tɛ sɛ do mɔ we dɔnggɔ do mi.

Kulu Tɔa 29:18

Nɛ mɔ dɔ sɛ sa'de ni vɛ̃ we dɔnggɔ do mi Gale, nɛ zɛ̃ we nɛ ma unu sɛ mi, nɛ ma de tɛ mi.

EZEKIƐLƐ 16:19

Mi hã zi dia farini, do nɔ olivɛ, do nɔ gɔlɔ hã mɔ na mɔ nyɔngɔ, nɛ mɔ hã nyɔngɔmɛnɔ ni do dɔnggamɔ hã kpikimanɔ ni, takɔ mɔ de li wa. Mi NWA Gale, mi tɔ̃a ni.

EZEKIƐLƐ 20:41

'Do kɛ mi kala sɛ nɛ sanga owinɔ ngɔ nùnɔ kɛ nɛ pɛsɛ zi dɛ se'de ni, nɛ mi ngɛmɛ li nɛ ni, nɛ mi kɔ̃ sɛ gɛnɛ dɔnggamɛnɔ 'da nɛ, nɛ fala tɛ nɛ ma unu sɛ mi de wena. Nɛ ogele winɔ wa zɔ sɛ ní, nɛ wa ĩ na, mi a NWA Gale kɛ mi santo.

EZEKIƐLƐ 45:17

Mba gɔ, 'da fala ɛngga mbé hɔa zɛkɛ, do kɔ̃ tũ ɔmɔ tɛ winɔ, do ogele 'da fala kɛ winɔ wa mba ngba wa ni, nɛ wi sɛ a gã wi ni hã a nɛ hã sa'denɔ we dɔ wa we dɔnggɔ do mi, mba do dɔnggamɔ fũ do dɔ̃. Do 'da falanɔ ni, a hã sɛ dɔnggamɛnɔ we fo ku'da 'dã mɔ, do dɔnggamɔ ble, do dɔnggamɔ dɔa sa'de, do dɔnggamɛnɔ kɛ ma be dɛa na ni, takɔ ma vɛ̃ ma fo ku'da 'dã mɛnɔ zu obe Israɛlɛ.”

Levitɛnɔ 1:13

'Do nɛ, nɛ wi ni a fɔlɔ sɛ kala zã sa'de, do ogbɔgɔlɔ nyanga nɛ. Nɛ mbe nganga kpo, a be sɛ ma hã NWA, nɛ a dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 1:17

'Do nɛ, nɛ a ɛ̃ sɛ sanga nɔɛ bɔa, nɛ a tata a, nɛ o'baka nɛ ma 'bana dɛ tɛ nɛ. Nɛ a dɔ sɛ ma vɛ̃ li we ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 1:9

Nɛ wi ni a fɔlɔ sɛ kala zã sa'de ni mba do ogbɔgɔlɔ nyanga nɛ, nɛ mbe nganga kpo dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 21:6

Ma wia na, onganganɔ wa hã tɛ wa we dɛ toe 'da mi, nɛ wa tɛ 'dàngà zu li mi gɔ. Mba gɔ, toe 'da wa mɛ a hã odɔnggamɛnɔ kɛ mɛ a nyɔngɔmɛ 'da mi ni hã mi, NWA Gale 'da wa. Ma kɛ ma wia na, wa ɔ santo ngboo.

Levitɛnɔ 21:8

Ma wia na, nɛ dĩlĩ fala tɛ nganga, nɛ nɛ zɔ a na, a santo. Mba gɔ, fala kɛ nɛ tɛ do nyɔngɔmɔ, nɛ wi hã ma hã mi Gale 'da nɛ, wi a a. Mi a Gale kɛ mi santo, nɛ mi saka nɛ obe Israɛlɛ na, nɛ ɔ owinɔ 'da mi kɛ nɛ santo.

Levitɛnɔ 3:11

Nɛ nganga a dɔ sɛ mɛnɔ ni vɛ̃ dɛ li we ngɔ gbagala ni. Mɛ sɛ a nyɔngɔmɔ kɛ wa dɔ hã NWA.

MALAKI 1:12

Nɛ nde nɛ, nɛ zɔ ma yala, nɛ nɛ ya fala gbagala 'da mi NWA, nɛ nɛ bà ma do dĩ gɔ. Nɛ kala odɔnggamɔ kɛ ma dè gɔ ni, we a ngɔ ma hã mi.

MALAKI 1:7

Nɛ zɔ mi li nɛ yala, we kɛ nɛ kala odɔnggamɔ kɛ ma a sa li mi gɔ, nɛ nɛ a ma dɛ ngɔ gbagala we dɔnggɔ do mi. Nɛ nɛ aka 'bɔ na: ‘Lɛ zɔ mɔ yala, nɛ lɛ bá mɔ do dĩ gɔ ni do ge nde?’ Nɛ zɔ mi yala, we kɛ nɛ bá gbagala 'da mi do dĩ gɔ.

Tɔlɔ Mɔ 15:24

Fala kɛ winɔ wa yɔ, we kɛ wa ĩ̀ ti mbulanɔ do wala olo nɛ gɔ, nɛ ma wia na, owinɔ vɛ̃ wa mba li ngba wa, nɛ wa dɔ wili ngɔmbɔ we dɔnggɔ do mi, nɛ zɛ̃ we nɛ ma unu sɛ mi, nɛ ma de tɛ mi. Wa mba sɛ dɔnggamɛ ni do farini do dɔ̃. Nɛ wa hã sɛ 'bɔ wili dua we fo ku'da 'dã mɛ ni zu wa.

Tɔlɔ Mɔ 15:3

nɛ nɛ dɔ sɛ sa'de we dɔnggɔ do mi. Nɛ dɛ sɛ na mɛ gɛ: Nɛ gbɛ sɛ sa'de hã mi we be dɛa na, tabi we kɛ nɛ kɔa we dɛ olo mbulu, tabi nɛ gbɛ do kɔ sila nɛ iko, tabi 'bɔ we dɔnggɔ mi do 'da fala ɛngganɔ. Nɛ osa'denɔ kɛ nɛ saka sɛ wa we dɔnggɔ do mi ni a: ngɔmbɔ kpo, bata kpo, naa dua kpo, tabi wili nɛ kpo. Nɛ zɛ̃ we nɛ ma unu sɛ mi, nɛ ma de tɛ mi.

Tɔlɔ Mɔ 15:7

nɛ litrɛ dɔ̃ 'bɔ bɔa. Nɛ zɛ̃ we nɛ ma unu sɛ mi, nɛ ma de tɛ mi.

Tɔlɔ Mɔ 28:1

NWA tɔa hã Mɔizɛ na,

Tɔlɔ Mɔ 29:39

“Ki ni a osa'denɔ nɛ dɔ sɛ wa hã mi NWA do kɔ̃ tũ ɛngganɔ gɛ a ni. Nɛ dɔ sɛ sa'denɔ ni vɛ̃ dɛ ngɔ kɛnɔ nɛ dɔ we dɔnggɔ do mi, do dɔnggamɔ fũi, dɔnggamɔ dɔ̃ɛ, do dɔnggamɔ be dɛa na, kɛ nɛ hã ma we be na, nɛ kpua mbulu, tabi nɛ hã gele dɔnggamɔ iko ni.”

Tɔlɔ Mɔ 9:13

Nɛ nde wi kɛ a hɔ́ wi ndi li mi gɔ, tabi a nɛ̀ gɛnɛ gɔ, kɔ a bɛ̃ we dungu ɛngga do kɔ tũi mi wia ni, nɛ wa fo sɛ a kɔ obe Israɛlɛ do'do. Wi kɛ a tɛ̀ do dɔnggamɛ 'da a do kɔ̃ tũi mi wia ni gɔ, nɛ nde a dɛa 'dã mɔ li mi Gale.

Tɔlɔ Mɔ 9:7

nɛ wa tɔ̃ hã Mɔizɛ na: “Lɛ hɔa wi ndi li Gale, we kɛ lɛ 'bia tɛ wɔlɔ. Ní a lɛ wè tɛ hã̀ dɔnggamɛ 'da lɛ hã NWA do ngba soe a wia ma ni gɔ nde?”

2 KORINTƐ 2:15

Nɛ lɛ tɛ mɛ 'bɔ, lɛ ɔ nɛ dia yɔmbɔ, kɛ Kristo hã ma hã Gale ni. Nɛ fala tɛ yɔmbɛ ni unu sanga owinɔ wa ngɔ wala kpasi, do wanɔ wa ngɔ wala fio ni.

EFƐZƐ 5:2

Nɛ kɔ̃́ gɛnɛ ngba nɛ ɔ nɛ kɛ Kristo kɔ̃a zi do gɛnɛ lɛ, nɛ a hã zi tɛ́ a vɛ we duzu lɛ ni. A hã zi kili tɛ a hã Gale ɔ nɛ dɔnggamɔ kɛ ma unu de wena, nɛ ma hã yangga hã Gale ni.

FILIPƐ 4:18

Mi kpa mɛnɔ vɛ̃ kɛ nɛ tumba ma hã mi do Epafroditɛ ni, nɛ ma la li ngele do'do, kɔ mi zɔ̀lɔ̀ 'bɔ mɔ kpo gɔ. Mɛnɔ kɛ nɛ tumba hã mi ni, ma ɔ nɛ dia unu nɔ yɔmbɔ, kɛ nɛ hã ma hã Gale ni. Gale kɔ̃a gɛnɛ dɔnggamɛ 'da nɛ, nɛ ma dia tɛ̃ a.