Tɔlɔ Mɔ 27:3 - WE NU GALE 1995

³ “Baa lɛ fia zi li gba zɔ̀ i, nɛ nde a kò bulu be gɔ. A zi kɔ owinɔ wa mba zi do Kore we dɛ nga zu hã NWA ni bina. A fia zi a fio 'dã mɛnɔ 'da a wele nɛ.

Tɔlɔ Mɔ 27:3 Iomraidhean Croise

EZEKIƐLƐ 18:4

Mba gɔ, kpasi 'da wele do wele, be tabi baa be, ma dɛ kɔ̃ mi. Nɛ tati a wele kɛ a dɛa 'dã mɔ ni, nɛ a fe sɛ.

Tɔlɔ Mɔ 14:35

Mi nwa, mi tɔ́a, nɛ mi kana tɛ mi na, nɛ fe sɛ vɛ̃ dɛ li gba zɔ̃ɛ gɛ. Mi dɛ sɛ do nɛ na mɛ ni, we kɛ nɛ a o'dã wi. Nɛ mba ngba nɛ, nɛ nɛ bɛ̃ we nu mi.”

Tɔlɔ Mɔ 16:19

Nɛ Kore mba li obe Israɛlɛ vɛ̃, nɛ wa yolo dɛ dati Mɔizɛ do Aroni dɔ̃ɔ do nu tɔa Tande ni. Na mɛ ni, nɛ gã dɔlɔ li 'da NWA ma zĩlĩ ɔ nɛ gba nyɛa we, nɛ obe Israɛlɛ vɛ̃ wa zɔ ma.

Tɔlɔ Mɔ 26:33

Sɛlofadɛ, be 'da Hefɛrɛ, a kò bulu be gɔ, a kua tati a oboko be. Li wa a: Mala, Nowe, Hogla, Milka do Tirsa.

Tɔlɔ Mɔ 27:2

wa nɛa, nɛ wa hɔ dati Mɔizɛ, do nganga Elazarɛ, do okumunɔ, do obe Israɛlɛ vɛ̃ tɛ nu tɔa Tande we kpa ngba wi do NWA Gale, nɛ wa tɔ̃ na:

Tɔlɔ Mɔ 27:4

Kɔ ɔ nɛ kɛ a do bulu be bina ni, nɛ kɔa na, li a ma mbiti nde? Nɛ hã́ nù hã lɛ, ɔ nɛ kɛ nɛ hã ma hã onya baa lɛ ni, sɛ a li a ma 'bana nza de.”

YOANƐ 8:21

Nɛ Yezu tɔ̃ 'bɔ hã wa na: “Mi la sɛ, nɛ nɛ fa sɛ mi, nɛ nde nɛ kpá sɛ mi gɔ. Nɛ nɛ fe sɛ do 'dã mɛnɔ dɛ zu nɛ. Nɛ wé sɛ tɛ hɔ fala mi nɛ la dɛ tɛ nɛ ni gɔ.”

YOANƐ 8:24

Mi tɔ̃ hã nɛ na, fala kɛ nɛ kɔ̃̀ na, mi a wi kɛ mi boe fai gɔ, nɛ nɛ fe sɛ do 'dã mɔ dɛ zu nɛ.”

ROMA 5:12

'Dã mɔ lia zɛ́ ngɔ nù gɛ we duzu Adamu zu a kpo. Nɛ 'dã mɛ ni dɛa na, wele fe fio. Nɛ fio kpa tɛ winɔ vɛ́, we duzu kɛ winɔ vɛ wa dɛa 'dã mɔ.

ROMA 5:21

Nɛ ɔ nɛ kɛ 'dã mɔ zi do ngawi we gbɛ wele ni, na mɛ ni, dia zã 'da Gale tɛ mɛ 'bɔ do ngawi we kifi Owele do Owi bɔlɔ zu li a, takɔ wa kpa kpasi kɛ ma é sɛ gɔ ni, do wala 'da Nwa 'da lɛ Yezu Kristo.

ROMA 6:23

Mba gɔ, si olo 'dã mɔ mɛ a fio. Nɛ nde dia mɛ kɛ Gale hã ma do dia sila iko ni, mɛ a kpasi kɛ ma é sɛ gɔ, kɛ lɛ kpa ma do wala kɛ lɛ mba kpo do Nwa 'da lɛ Yezu Kristo ni.