Tɔlɔ Mɔ 26:5 - WE NU GALE 1995

^5-7 Kɔ nu kpala Rubɛnɛ, kuti bulu be 'da Yakɔbɔ, nɛ wa kpa onu kɔnggɔ benɔ 'da a gɛ: Hanɔkɛ, Palu, Hɛsroni do Karmi. Nɛ ngɔ gili nu kpala Rubɛnɛ vɛ̃ a 43.730.

Tɔlɔ Mɔ 26:5 Iomraidhean Croise

Ndo Nyanga Dɛ Mɔ 29:32

Lea ba zã, nɛ a ko bulu be, nɛ a tɔ̃ na: “Gale zɔa sape 'da mi, kɔ ngangga ni, wili mi a kɔ sɛ gɛnɛ mi.” Nɛ a e li be ni na Rubɛnɛ.

Ndo Nyanga Dɛ Mɔ 35:22

'Da fala kɛ Yakɔbɔ ɔ zi ngɔ nùi ni, nɛ zagbãlã be 'da a Rubɛnɛ a ɔ do Bila, makango 'da baa a. Nɛ Yakɔbɔ zila we nɛ, nɛ ma zɛlɛ a wena.

Ndo Nyanga Dɛ Mɔ 35:23

Obulu benɔ 'da Yakɔbɔ zi 'bu ngɔ wa bɔa. Obe zã Lea wa kɛ: Rubɛnɛ kuti be kɛ Yakɔbɔ kua a ni, 'do a ni a Simeoni, Levi, Yuda, Isakarɛ do Zabuloni.

1 Sakonɔ 5:1

Rubɛnɛ zi a kuti be 'da Yakɔbɔ. Nɛ nde 'do kɛ a ɔa do mbe kpo sanga owukonɔ 'da baa a ni, nɛ wa fo zi nwa kpasa wi 'da a, nɛ wa hã ma hã Yozɛfu, kɛ a zi 'bɔ a be 'da Yakɔbɔ ni. Nɛ wa zɔ́ 'bɔ a ɔ nɛ kuti be gɔ ni. Gɛnɛ kɔ Yozɛfu ba nwa kpasa wi, nɛ nde Yuda zi a wi ngawi sanga onya a vɛ̃. Nɛ sanga obe zã a kpo hã a dungu zi nwa ngɔ nù Israɛlɛ. Nɛ nde wi wa hã zi nwa kpasa wi kɔ nu fɛlɛ kula hã a, wi a Yozɛfu. Rubɛnɛ kua zi Hanɔkɛ, Palu, Hɛsroni do Karmi.

Kulu Tɔa 6:14

Nɛ zélé li okpasa wi nu fɛlɛ kulanɔ 'da obe Israɛlɛ: Rubɛnɛ kɛ a a kuti be 'da Yakɔbɔ kua: Hanɔkɛ, Palu, Hɛsroni, Karmi. Wa zi a oyaa owi nu fɛlɛ kula 'da Rubɛnɛ.

Tɔlɔ Mɔ 1:20

Wa tɔlɔ winɔ kɔ nu kpala obe Israɛlɛ kpo kpo do 'da nu fɛlɛ wa. Nɛ wa kɔmɔ li wa, nɛ wa tɔlɔ wi wilinɔ vɛ̃ kɛ wa do 'bu sabɛlɛ bɔa, we kũ dɛ ngɔ, nɛ wa wia dɛ to soda ni. Wa ndua do nu kpala Rubɛnɛ, kuti be 'da Yakɔbɔ. Nɛ wa kpa ngɔ gili wa ɔ nɛ mɛ gɛ: Nu kpala Ngɔ gili wa Rubɛnɛ 46.500 Simeoni 59.300 Gadɛ 45.650 Yuda 74.600 Isakarɛ 54.400 Zabuloni 57.400 Efraimɛ 40.500 Manase 32.200 Bɛnzamɛ 35.400 Danɛ 62.700 Asɛrɛ 41.500 Nɛftali 53.400