Tɔlɔ Mɔ 25:4 - WE NU GALE 1995

⁴ nɛ a tɔ̃ hã Mɔizɛ na: “Mɔ kálá ogã wi ngɔ obe Israɛlɛ, kɔ mɔ gbɛ wa dɛ dati mi NWA do gba wese, sɛ a owinɔ vɛ̃ wa zɔa de. Na mɛ ni, nɛ gã nɔ̃lɔ̃ zã kɛ mi do ma dɛ tɛ nɛ ni, ma gɛ̃ sɛ.”

Tɔlɔ Mɔ 25:4 Iomraidhean Croise

2 SAMUƐLƐ 21:6

Kɔ ma wia na, wa kala wi wili sambo kɔ nu fɛlɛ a, hã lɛ nɛ do wa tɛ Gibea, le 'da Saulo kɛ NWA Gale saka zi a do nwa ni, nɛ lɛ gãlã wa nu fɛlɛ, nɛ lɛ gbɛ wa dati NWA.” Nɛ nwa Davidi tɔ̃ hã wa na: “Mi hã sɛ wa hã nɛ.”

2 SAMUƐLƐ 21:9

nɛ a 'dɔlɔ wa hã Ogabaoni na, wa gãlã wa nu fɛlɛ, kɔ wa gbɛ wa tɛ ngɔ kala dɛ dati NWA. Wa sambo nɛ vɛ̃ wa fia fala kpo. Wa gbɛa wa do 'da fala wa ndua kala kpalɛ, li nɛ a ɔrzɛ dɛ nza ni.

Zumanɔ 106:29

Na mɛ ni, dɛa to tɛ wa nɔ̃lɔ̃ zã NWA, nɛ 'dã zɛlɛ tia ngɔ wa.

Kulu Tɔa 18:25

A saka Owele kɔ obe Israɛlɛ, nɛ a a wa do owi zɔ mɔ tɛ ongba wa. A a wa ngɔ ogili wele koto kpo, kama kpo, 'bu nɛ mɔlɔ, tabi Owele 'bu.

YONASI 3:9

Lɛ ĩ̀ gɔ, mbe gɔ, kɔ lɛ dɛ ni, nɛ Gale a kpolo sɛ nu a, nɛ a la sɛ fala nɔ̃lɔ̃ zã 'da a, nɛ lɛ fé sɛ gɔ.”

Tɔlɔ Mɔ 25:11

“Nganga Pinasi bɛ̃a na, owinɔ wa tɛ dɔnggɔ ogele galenɔ gɔ. Nɛ nde wa dɔnggɔ tati a mi iko. Kɔ we duzu ma, ma kɛ nɔ̃lɔ̃ zã 'da mi ma fua tɛ̃ ɛ ngɔ obe Israɛlɛ, nɛ mi gbɛ wa vɛ̃ gɔ.

Tɔlɔ Mɔ 25:18

Wa dɛ̀ nɛ de gɔ, we kɛ wa ɔla nɛ na, nɛ dɔnggɔ gale Bala tɛ Peɔrɛ. Wa hã 'bako hã nɛ do wala 'da Kozbi, be 'da mbe kɔ Onwanɔ 'da wa, kɛ winɔ wa gbɛa zi a do 'da fala 'dã zɛlɛ ba zi obe Israɛlɛ tɛ Peɔrɛ ni.”

Mbulanɔ 13:11

Nɛ lo a do tanɔ gbaa, nɛ a fe, we kɛ a fa na, nɛ siki 'do nɛ hã NWA Gale, kɛ a fua nɛ kɔ ngbá ti kɔ̃ Oezipeto ni.

Mbulanɔ 13:13

“Mbe ngba soe kpo, nɛ ma dɛ sɛ 'bɔ na, nɛ hɔ kɔ lenɔ kɛ Gale hã ma hã nɛ na, nɛ ɔ tɛ nɛ ni, nɛ nɛ zele na,

Mbulanɔ 13:15

Kɔ fala kɛ nɛ zele na mɛ ni, nɛ nɛ aka sɛ Owele we ĩ ti gulu nɛ do dia nɛ ngboo. Fala kɛ nɛ ĩ na, 'dã mɛ ni ma dɛa tɛ̃ ɛ do gbãlã we,

Mbulanɔ 13:17

Nɛ ngɛmɛ li mɛnɔ 'da winɔ kɔ le ni vɛ̃, nɛ nɛ a ma dɛ li fanda dɛ gbogbo le, nɛ nɛ fi we tɛ nɛ do tɛ le vɛ̃. Nɛ ma ɔ nɛ dɔnggamɔ hã Gale 'da nɛ ni. Nɛ ma wia na, wa la olo le ni na mɛ ni, nɛ ma kulu, nɛ wele tɛ dɛ̃ 'bɔ tɔa di ni gɔ.

Mbulanɔ 21:22

“Fala kɛ wa gãlã wi dɛ 'dã mɔ nu te, kɔ wa gbɛ a,

Mbulanɔ 21:23

nɛ ma wè na, wɔlɛ ni ɔ dɛ nu te ni gbaa tũ gɔ. Ma wia na, nɛ mi ma do ngba soe ni. We kɛ le kɛ owi kɔ nɛ wa gãlã wɔlɔ wele nu te gbaa we hɔ tũ ni, nɛ NWA fɔmbɔ ma fɔmba. Nɛ mí wɔlɔ wi ni. Na mɛ ni, nɛ nɛ fáká sɛ le kɛ NWA Gale 'da nɛ, a nɛ hã ma hã nɛ ni gɔ.

Mbulanɔ 4:3

Nɛ zɔa zi mɛ kɛ NWA Gale 'da nɛ dɛa do gale Bala tɛ Peɔrɛ ni. A gbɛa zi owinɔ 'da nɛ, wanɔ vɛ̃ kɛ wa dɔnggɔ zi gale Bala ni.

Yozue 22:17

Tɛ zu nɛ ila ngɔ 'dã mɛ lɛ dɛa zi tɛ Peɔrɛ i ni nde? NWA hã zi etumbu hã lɛ, nɛ a fi zɛlɛ tɛ lɛ we ma, nɛ lɛ 'bana te kpa ngamɔ we nɛ gbaa tia do sɔɛ gɛ. Nɛ 'dã mɛ ni, ma tɛ wè li nɛ gɔ nde?

Yozue 23:2

Nɛ a sa mɔ hã obe Israɛlɛ vɛ̃ na, wa mba ngba wa dɛ ti ɛ. A sa mɔ hã ogã wi ngɔ nu fɛlɛ kulanɔ, do okumunɔ, do owi 'bili wenɔ, do ogã wi ngɔ sodanɔ, nɛ a tɔ̃ hã wa na: “Nɛ zɔ́, mi dɛ gbɛlɛ wena.