Tɔlɔ Mɔ 25:3 - WE NU GALE 1995

³ Wa mba vɛ̃ we dɔnggɔ gale Bala, kɛ a a gale tɛ Peɔrɛ. Ma kɛ zã NWA Gale nɔ̃lɔ̃ dɛ tɛ wa,

Tɔlɔ Mɔ 25:3 Iomraidhean Croise

Zumanɔ 90:11

Wi ĩ ti ngawi nɔ̃lɔ̃ zã 'da mɔ a wio nde? Wi kɛ a dɛ kili mɔ wena, takɔ a yu dã 'da mɔ a wio nde?

Yeremi 17:4

Nɛ gese sɛ nùi mi 'dɔlɔ zi hã nɛ ni hã Owele nɛ. Nɛ mi dɛ sɛ na, nɛ hɔ ongbá ti Owi sɛnɛ nɛ, tɛ ngɔ nù kɛ nɛ zɔ̃ kuti nɛ gɔ. We duzu kɛ nɛ nɔ̃lɔ̃ zã mi la li ngele, nɛ sila mi gɛ̃ sɛ fala kpo gɔ.”

OZE 4:14

Nɛ nde mi ha sɛ etumbu hã wa we ma gɔ. Mi hã sɛ etumbu hã nɛ, onganganɔ, we kɛ nɛ kala owuko ndumba dɛ tɛ nɛ, nɛ nɛ la do wa. Nɛ nɛ nyɔngɔ mɔ do wa dɛ fala sambala do ogale bɛlɛnɔ. Nɛ dɛa ɔ nɛ kɛ wa tɔ̃ na: ‘Winɔ kɛ wa lénggé mɔ gɔ, wa 'danga sɛ ni.’

OZE 9:10

NWA tɔ̃a na: “Kuti kɛ mi kpa zi nɛ, obe Israɛlɛ ni, ma dia zi ɔ nɛ mi kpa be ganza wala te vinɔ li go ni. Nɛ 'da fala kɛ mi zɔa zi oyaa nɛ ni, ma ɔ zi nɛ mi zɔa kuti wala te kɛ ma fila ngɔ te nɛ ni. Nɛ nde 'da fala oyaa nɛ wa nɛa we hɔ tɛ Bɛtɛ-Peɔrɛ ni, nɛ wa hã tɛ wa we dɔnggɔ gale Bala. Nɛ wa ngboo ni, wa dɛa mɔ sape ɔ nɛ galenɔ kɛ wa kɔ̃a gɛnɛ wa ni.

Tɔlɔ Mɔ 25:5

Ma a Mɔizɛ tɔ̃a hã okumu Israɛlɛ na: “Wele do wele gbɛ owinɔ kɔ nu kpala a, kɛ wa hã tɛ wa we dɔnggɔ gale Bala tɛ Peɔrɛ ni.”

Tɔlɔ Mɔ 31:16

Nɛ ĩ de wena na, wi a wukonɔ gɛ, kɛ wa zila zi mbulanɔ 'da Balamɛ tɛ Peɔrɛ i ni, hã wa dɛa zi na, obe Israɛlɛ wa dɔnggɔ ogale bɛlɛnɔ 'da wa. Gulu kɛ 'dã zɛlɛ ma tia zi tɛ obe Israɛlɛ gɛ a ni.

Yozue 22:17

Tɛ zu nɛ ila ngɔ 'dã mɛ lɛ dɛa zi tɛ Peɔrɛ i ni nde? NWA hã zi etumbu hã lɛ, nɛ a fi zɛlɛ tɛ lɛ we ma, nɛ lɛ 'bana te kpa ngamɔ we nɛ gbaa tia do sɔɛ gɛ. Nɛ 'dã mɛ ni, ma tɛ wè li nɛ gɔ nde?

Owi kpe dati 2:11

Obe Israɛlɛ wa dɛa zi mɔ kɛ ma dè tɛ NWA gɔ ni, nɛ wa dɔnggɔ 'bɔ okpikima gale Bala.

Owi kpe dati 2:13

Wa bɛ̃a gɛnɛ NWA we dɔnggɔ ogale Bala do Astarte.

Owi kpe dati 2:14

Nɛ nwa zɔa ní, nɛ zã a nɔ̃lã dɛ tɛ wa obe Israɛlɛ. Nɛ a ia wa dɛ kɔ̃ owi 'danga mɔ na, wa 'danga mɛnɔ 'da wa. Nɛ owi sɛnɛ wa wa hɔa, nɛ wa linggi wa, nɛ wa bi wa. Nɛ nde obe Israɛlɛ wa wè zi tɛ yolo dati wa gɔ.

Owi kpe dati 2:20

Ma kɛ sila NWA nɔ̃lã dɛ tɛ wa, nɛ a tɔ̃ na: “Mi ba zi nu mi hã oyaa nɛ na, wa dɔnggɔ gba tɔkɛ kɛ mi gba zi do wa ni. Nɛ nde nɛ, obe zã wa, nɛ 'danga gba tɔkɛ ni do'do, we duzu kɛ nɛ zèlè we nu mi gɔ.