Tɔlɔ Mɔ 25:2 - WE NU GALE 1995

² Nɛ owukonɔ ni wa dɛa na, obe Israɛlɛ wa mba do wa fala nɛ kpo, nɛ wa dungu ɛngganɔ kɛ wa dɔ do sa'de we dɔnggɔ do ogalenɔ 'da wa ni. Nɛ wa nyɔngɔ dɔnggamɛnɔ fala nɛ kpo do wa, nɛ wa dɔnggɔ ogalenɔ 'da wa.

Tɔlɔ Mɔ 25:2 Iomraidhean Croise

1 Onwanɔ 19:18

Nɛ nde mi la sɛ Owi wili koto sambo kɔ obe Israɛlɛ do tunu li wa. Wi sɛ a owanɔ kɛ wa gù gba zugolo dati gale Bala gɔ, nɛ wa nzɔ̀'bɔ̀ nu kpikimanɔ 'da a gɔɛ ni.”

Zumanɔ 106:28

'Do nɛ, nɛ owinɔ 'da Gale wa hɔa kɔ le Peɔrɛ, nɛ wa dɔnggɔ gale Bala, nɛ wa nyɔngɔ mulu sa'denɔ kɛ wa dɔnggɔ do galenɔ, kɛ wa do kpasi bina ni.

Kulu Tɔa 20:5

nɛ mɔ gu nù ti nɛ gɔ, nɛ mɔ tɛ dɔ̀nggɔ̀ ma gɔ. We kɛ mi a NWA Gale 'da mɔ, nɛ mi kɔ̃̀ gele gale kɛ zã mi gɔ. Fala kɛ wele bɛ̃ we nu mi, nɛ mi hã sɛ etumbu hã a do obe zã a, gbaa we hɔ ngɔ obe yaa a, do okanggadɔkɔ a.

Kulu Tɔa 22:20

Nɛ tɛ hã̀ ngamɔ hã ogele winɔ kɛ wa ɔ sanga nɛ ni gɔ. Nɛ lénggé na, nɛ zi tɛ mɛ 'bɔ a ogele wi tɛ ngɔ nù Ezipeto.

Kulu Tɔa 23:24

Ma wè na, nɛ bili zu nɛ nù dati ogalenɔ 'da wa we dɔnggɔ wa gɔ. Nɛ nɛ tɛ yàmbàlà tɛlɛ tɛ sambala 'da wa gɔ. Nɛ nde mi kɔ̃a na, nɛ 'danga osɛa tenɔ 'da wa, do otanɔ kɛ wa ndɛngɛlɛ dɛ ngɔ ngbɛ ɛ, nɛ wa dɔnggɔ ma ni.

Kulu Tɔa 32:6

Fala nɛa we sa nɛ, do titole belee, nɛ obe Israɛlɛ wa dɔa osa'de ngɔ gbagala ni hã NWA Gale. Nɛ wa gbɛ ombee nɛ we be dɛa na. Wa dungu nù, nɛ wa nyɔngɔ mɔ, nɛ wa nɔ dɔ̃ ɔ, nɛ 'do nɛ, nɛ wa kulu ngɔ we dɛ yangga dati kpikima ni.

Yeremi 40:11

Do 'da fala ni, nɛ obe Yuda kɛ wa ɔ zi tɛ 'da Omoabɛ, Oamoni, Oedɔmɛ, do kɔ ogele lenɔ ni, wa zila na, nwa ngɔ nù Babilonia la mbe owinɔ dɛ ngɔ nù Yuda, nɛ a ia Gɛdalia do wi fɔmɔ wa.

OZE 9:10

NWA tɔ̃a na: “Kuti kɛ mi kpa zi nɛ, obe Israɛlɛ ni, ma dia zi ɔ nɛ mi kpa be ganza wala te vinɔ li go ni. Nɛ 'da fala kɛ mi zɔa zi oyaa nɛ ni, ma ɔ zi nɛ mi zɔa kuti wala te kɛ ma fila ngɔ te nɛ ni. Nɛ nde 'da fala oyaa nɛ wa nɛa we hɔ tɛ Bɛtɛ-Peɔrɛ ni, nɛ wa hã tɛ wa we dɔnggɔ gale Bala. Nɛ wa ngboo ni, wa dɛa mɔ sape ɔ nɛ galenɔ kɛ wa kɔ̃a gɛnɛ wa ni.

Mike 6:5

Aa nɛ, owinɔ 'da mi, nɛ lénggé do Balakɛ, nwa ngɔ nù Moabɛ kɛ a kɔ̃a zi we fɔmbɔ nɛ ni. Nɛ nɛ lénggé do gisa nu we kɛ Balamɛ, be 'da Beɔrɛ, a gisa zi hã a ni. Nɛ ta zu nɛ tɛ èlè ngɔ tɛlɛ tɛ kɛ mi kã zi oyaa nɛ, yolo tɛ Sitimɛ, gbaa we hɔ tɛ Gilgalɛ ni gɔ. Nɛ lénggé ki ni vɛ̃, nɛ nɛ ĩ sɛ ti mɛnɔ kɛ mi NWA, mi dɛa we kpasa do nɛ ni.”

1 KORINTƐ 10:20

Mi kɔ̃a we tɔ̃ na, osa'denɔ kɛ opaganɔ wa dɔ ni, wa dɔ́ ma we dɔnggɔ do Gale gɔ, nɛ nde wa dɔ ma we dɔnggɔ do o'dã hi wi. Nɛ mi kɔ na, nɛ mba li ngba nɛ do o'dã hi winɔ gɔ.

Mbulanɔ 32:38

Nɛ gbɛ zi osa'de we dɔnggɔ do wa, nɛ nɛ dala wa do kɛndɔ sa'denɔ ni, nɛ nɛ e dɔ̃ ti wa na wa nɔ. E kɔ wa tɛ, hã wa gala nɛ. E kɔ wa wɛlɛ tɛ wa, hã wa amba zu nɛ.’

Yozue 22:17

Tɛ zu nɛ ila ngɔ 'dã mɛ lɛ dɛa zi tɛ Peɔrɛ i ni nde? NWA hã zi etumbu hã lɛ, nɛ a fi zɛlɛ tɛ lɛ we ma, nɛ lɛ 'bana te kpa ngamɔ we nɛ gbaa tia do sɔɛ gɛ. Nɛ 'dã mɛ ni, ma tɛ wè li nɛ gɔ nde?

Yozue 23:16

NWA Gale 'da lɛ gba tɔkɔ do lɛ, nɛ a kɔ̃a na, nɛ dɛ mbula gba tɔkɛ ni. Kɔ fala nɛ dɛ̃ ma gɔ, kɔ nɛ dɔnggɔ ogele galenɔ, nɛ zã a ma nɔ̃lɔ̃ sɛ dɛ tɛ nɛ, nɛ a hã sɛ etumbu hã nɛ. Nɛ a dɛ sɛ na, nɛ kumu ngɔ dia nùi kɛ a ba hã nɛ gɛ do'do.”

Yozue 23:7

Ma wè 'bɔ na, nɛ mba ngba nɛ do ogele winɔ kɛ wa 'bana sanga nɛ ni gɔ. Nɛ nɛ tɛ sàmbàlà ogalenɔ 'da wa, nɛ nɛ káná tɛ nɛ do li wa, tabi nɛ gu nù ti wa we dɔnggɔ wa gɔ.

USU MƐNƆ 2:14

Nɛ nde mi kɔ'dɔ nɛ we 'dã mɔ kpo: Ombe sanga nɛ ni wa kɔ̃a gɛnɛ bia we kɛ Balamɛ bia zɛ́ ma ni. Balamɛ tɔ̃a zi hã Balakɛ na, a be 'dã wala hã obe Israɛlɛ, nɛ a ɔlɔ wa na, wa nyɔngɔ osa'denɔ kɛ wa gbɛ wa we dɔnggɔ do okpikimanɔ ni, nɛ wa dɛ mɔ sape.