Tɔlɔ Mɔ 24:9 - WE NU GALE 1995

⁹ Wa ɔ nɛ gbɔgbɔ kɛ a ɔ nù, nɛ nde fo wi tɔ̃ na, a kulu ngɔ bina ni. “Wi kɛ a wélé nu a tɛ obe Israɛlɛ, nɛ Gale a wele sɛ nu a tɛ̃ a. Wi kɛ a fɔ́mbɔ́ obe Israɛlɛ, nɛ Gale a fɔmbɔ sɛ a.”

Tɔlɔ Mɔ 24:9 Iomraidhean Croise

Ndo Nyanga Dɛ Mɔ 12:3

Wi kɛ a wele nu a tɛ mɔ, nɛ mi wele sɛ nu mi tɛ̃ a. Wele fɔmbɔ mɔ, nɛ mi fɔmbɔ sɛ a. Mi wele sɛ nu mi tɛ nu kɔnggɔ winɔ ngɔ nù gɛ vɛ̃ we duzu mɔ.”

Ndo Nyanga Dɛ Mɔ 27:29

E kɔ ogele nu kɔnggɔnɔ wa dɛ to hã mɔ, nɛ onu kɔnggɔ Owele, wa gu nù ti mɔ. Mɔ sɛ a gã wi ngɔ onya mɔ, nɛ wa gu sɛ nù ti mɔ. Gale a fɔmbɔ sɛ wi kɛ a fɔmbɔ mɔ ni, nɛ a dɛ sɛ de mɔ hã wele kɛ a dɛ de mɔ hã mɔ ni.”

Ndo Nyanga Dɛ Mɔ 49:9

Mɔ, Yuda, be 'daa, mɔ ɔ nɛ be wili gbɔgbɔ, kɛ a yula tɛ gbɛ sa'de, nɛ a kasa nyanga a, nɛ a ɔ nù ni. Wi kɛ a wia we fo a na, a kulu ngɔ, wi a wio nde?

1 Onwanɔ 10:20

Wa sɛa 'bɔ ogbɔgbɔ 'bu ngɔ wa bɔa, nɛ wa a wa do 'da 'dinggilinɔ ni bɔa bɔa, gazɛlɛ ngɔ ngawili kɔ̃, nɛ gazɛlɛ ngɔ gale. Fo mbe kpongbo nwa na mɛ ni zi ngɔ gele nù bina.

2 Sakonɔ 9:18

Wa ia kpongbo nwa ni do ngɔ, nɛ wa kũ ngɔ 'dinggili nyanga wi gazɛlɛ sɛ nɛ wa hɔ se'de de. Wa dula zi mɔ mbali, nɛ wa e dɛ ti kpongbo nwa ni we a nyanga wi ngɔ nɛ. Nɛ kpongbo nwa ni zi do 'baka nɛ bɔa. Nɛ wa sɛa ogbɔgbɔ bɔa, nɛ wa a wa kɛ zã nɛ, mbe kpo ngɔ gale, nɛ mbe kpo ngɔ ngawili kɔ.

ƐSTƐRƐ 6:13

A nɛa we hɔ nu tɔa 'da a 'di, nɛ a tɔ̃a we mɛ ma dɛa a ni hã kɛnɛ a Zerɛkɛ, do ongba a wi mbo nu a. Nɛ wa gese hã a na: “Mardose, kɛ mɔ ndua kpa sape dati a ia gɛ, a a be Yuda gɔ nde? Ma ɔ ni gbãlã we, nɛ nde mɔ wé sɛ we nɛ ngɔ a gɔ, nɛ mɔ kpa sɛ sape dati a pii.”

YƆBƆ 41:10

A zafa, nɛ zɔ̃ a nyɛ we gai. Gbali a fele nɛ́ wese titole ni.

Zumanɔ 122:6

Nɛ sámbálá na, le Yeruzalɛmɛ kpa dungu fio. “E kɔ winɔ wa kɔ̃a gɛnɛ le Yeruzalɛmɛ ni, wa kpa dia dungu.

Kulu Tɔa 23:22

Kɔ fala kɛ nɛ zele nu a, kɔ nɛ dɛ mbulanɔ 'da mi vɛ̃, nɛ mi NWA Gale, mi sɛnɛ sɛ owi sɛnɛ nɛ, nɛ mi bi sɛ do wa.

Ezai 31:4

NWA tɔ́a hã mi na: “Fala kɛ gbɔgbɔ ba sa'de mɔ ɛ, nɛ a dãlã ngɔ a, nɛ nde a dɛ́ kili mɔ kpo gɔ. Nɛ wele wè tɛ ndaka a ngɔ sa'de kɛ a gbɛa ni gɔ. Kɔ mɔ ĩ́ na, mi NWA ngɔ mɔ nyanga nza vɛ̃, mi dãlã sɛ tɛ mɛ 'bɔ ngɔ le Yeruzalɛmɛ na mɛ ni, nɛ mɔ kpo ámbá sɛ mi gɔ.”

Mike 5:8

Kafi bina, obe Israɛlɛ wa kala sɛ owi sɛnɛ wa, nɛ wa gbɛ wa vɛ̃.

Tɔlɔ Mɔ 22:12

Nɛ Gale tɔ̃ hã Balamɛ na: “Mɔ nɛ́ sɛ do wa gɔ, nɛ mɔ fɔmbɔ sɛ 'bɔ owinɔ ni gɔ, we kɛ mi wila nu mi tɛ wa wila.”

Tɔlɔ Mɔ 22:6

nɛ ngɔ gili wa nɛa ngɔ lɛ do'do. Kɔ mɔ kɔ, nɛ mɔ tɛ, kɔ mɔ fɔmbɔ wa hã mi. Mbe gɔ, nɛ lɛ we sɛ we bi wa, nɛ lɛ nɛ ngɔ wa, nɛ lɛ ndaka wa ngɔ nùi gɛ do'do. Mba gɔ, mi ĩ na, wila nùi do fɔmbanɔ ma hɔ kɔ nu mɔ ni, nɛ ma dɛ tɛ̃ ɛ.”

Tɔlɔ Mɔ 23:24

Obe Israɛlɛ wa ɔ nɛ gbɔgbɔ, kɛ a ba sa'de, nɛ a nyɔngɔ a vɛ̃, nɛ nde tɔkɔ, tabi mulu kpo té nù nu a gɔ, sɛ nɛ a ĩ ti ɔ nù de ni.”

Tɔlɔ Mɔ 24:10

Balakɛ nɛa we zele ní, nɛ zã a nɔ̃lɔ̃ dɛ tɛ Balamɛ, nɛ a umu kɔ a, nɛ a be li a, nɛ a tɔ̃ hã a na: “Mi tɛa do mɔ dɛ dɛ na, mɔ fɔmbɔ owi sɛnɛ mi. Nɛ nde di ni fala talɛ vɛ̃, mɔ wele nu mɔ tɛ wa wila.

MATIE 25:40

Nɛ mi gese sɛ hã wa na: ‘Mi tɔ̃ hã nɛ do gbãlã we na, 'da falanɔ vɛ̃ kɛ nɛ gala zi obe winɔ, kɛ wa a nya mi ni, nɛ gala zi mi!’

MATIE 25:45

Nɛ mi gese sɛ hã wa na: ‘Mi tɔ̃ hã nɛ do gbãlã we na, 'da falanɔ vɛ̃ kɛ nɛ bɛ̃a zi we gala obe winɔ kɛ wa a nya mi ni, nɛ bɛ̃a zi we gala mi.’

Owi Nɛ Tonɔ 9:5

Nɛ Saulo aka na: “Nwa, mɔ a wio nde?” Nɛ wi ni gese hã a na: “Wi a mi Yezu, kɛ mɔ zɛlɛ tɛ̃ a ni.

Mbulanɔ 30:7

Nɛ a tombo sɛ fɔmbanɔ ni vɛ̃ dɛ ngɔ owi sɛnɛ nɛ, kɛ wa kɔ̃̀ zi gɛnɛ nɛ gɔ, nɛ wa zɛlɛ zi tɛ nɛ ni.