Tɔlɔ Mɔ 24:8 - WE NU GALE 1995

⁸ Nɛ Gale fua obe Israɛlɛ ngɔ nù Ezipeto dɛ nza do ngawi 'da a vɛ̃. A bi zu wa ɔ nɛ wili yele ni. Wa gbɛ sɛ owi sɛnɛ wa, nɛ wa gbini gbãlã tɛ wa. Obe Israɛlɛ wa da sɛ kpili hã owi sɛnɛ wa, nɛ wa ndɔlɔ sɛ wa dɛlɛ wena.

Tɔlɔ Mɔ 24:8 Iomraidhean Croise

Zumanɔ 2:9

Mɔ dungu sɛ nwa ngɔ winɔ vɛ̃ do dɔndɔlɔ mɔ bolo dɛ kɔ̃ mɔ. Nɛ mɔ o sɛ do sanga wa ɔ nɛ kɛ wa o do kpana ni.’ ”

Zumanɔ 21:12

Wa ba zã zu we, nɛ wa 'dafa 'dã mɔ we dɛ ma do nwa 'da lɛ, nɛ nde wa kpá sɛ li nɛ gɔ.

Zumanɔ 45:5

Mɔ gbɔ́tɔ́ nzabele 'da mɔ, nɛ mɔ ndɔlɔ Owi sɛnɛ mɔ, nɛ mɔ nɛ ngɔ wa. Mɔ kṹ ngɔ mbalata 'da mɔ, nɛ mɔ nɛ we bi bolo ngɔ wi bɔlɔ zunɔ do wi tɔ̃ gbãlã wenɔ. Mɔ dɛ́ ogba mɔ, we kɛ mɔ nganda wena.

Zumanɔ 45:6

E kɔ otɔa nu kpilinɔ 'da mɔ, ma ndɔlɔ li sila owi sɛnɛ mɔ, nɛ wa ala nù ti nyanga mɔ.

Kulu Tɔa 23:22

Kɔ fala kɛ nɛ zele nu a, kɔ nɛ dɛ mbulanɔ 'da mi vɛ̃, nɛ mi NWA Gale, mi sɛnɛ sɛ owi sɛnɛ nɛ, nɛ mi bi sɛ do wa.

Ezai 38:13

Nɛ do tũi vɛ̃, mi zi tɛ bi tɛ mi ɔ nɛ sa'de kɛ gbɔgbɔ tɛ o gbãlã a ni. Nɛ mi lingga zi na, NWA gɔna mbuli 'da mi ia.

Yeremi 50:17

NWA tɔ̃a na: “Obe Israɛlɛ wa ɔ zi nɛ obata kɛ wa yɔa wala, kɔ ogbɔgbɔ wa tɛ ndaka wa ni. Zi dati, nɛ nwa ngɔ nù Asiri tɛa, nɛ a bi wa, nɛ a gbɛ wa. Dɛ 'do nɛ, nɛ Nabukɔdɔnɔzɔrɛ, nwa ngɔ nù Babilonia tɛa 'bɔ, nɛ a kumu tala wa vɛ̃.

Yeremi 50:9

Mi nɛ sa mɔ hã ogba dɔa wele, nɛ mi mu wa dɛ tɛ Owi ngɔ nù Babilonia, hã wa bi wa. Owinɔ ni wa yolo sɛ si gbãlã ngɔ, nɛ wa tɛ, nɛ wa bi le Babilɔnɛ, nɛ wa ba ma. Wa a onga wi bolo ngboo. Wa da nzabele kɔ́tɔ́ gɔ.

DANIƐLƐ 6:24

Nwa nɛa we zele ni, nɛ sila a dunu do yangga, nɛ a ba nu a na, wa fo Daniɛlɛ kɔ kɔ̃ɛ 'da ogbɔgbɔnɔ dɛ nza. Daniɛlɛ nɛa we hɔ kɔ kɔ̃ɛ dɛ nza, nɛ wa zɔ na, fo dani tɛ̃ a bina, we kɛ a gbini zã a do Gale 'da a.

Tɔlɔ Mɔ 14:9

Kɔ nɛ tɛ dɛ̃ nga zu hã NWA gɔ, nɛ nɛ tɛ dɛ̃ 'bɔ kili winɔ ngɔ nùi ni gɔ. Lɛ bi wa, nɛ lɛ nɛ sɛ ngɔ wa da dɔ̃ iko. Mba gɔ, ogalenɔ 'da wa, wa gɛa tɛ wa 'do wa do'do. Nɛ nde NWA fala nɛ kpo do lɛ boe. Nɛ tɛ dɛ kili wa gɔ!”

Tɔlɔ Mɔ 21:5

nɛ wa ma ngɔ tɔ̃ 'dã we hã Gale do Mɔizɛ na: “Gulu kɛ nɛ fua lɛ ngɔ nù Ezipeto, nɛ nɛ tɛ do lɛ dɛ li gba zɔ̃ɛ gɛ, kɛ ma do nyɔngɔmɔ, tabi lì nɔ nɔa bina ni we ge nde? Nyɔngɔmɔ 'bakoe, lɛ nyɔngɔ do mana gɛ, ma ngba lɛ do'do.”

Tɔlɔ Mɔ 23:22

A fua wa ngɔ nù Ezipeto dɛ nza do ngawi 'da a vɛ̃. A bi zu wa ɔ nɛ wili yele ni.

Tɔlɔ Mɔ 23:24

Obe Israɛlɛ wa ɔ nɛ gbɔgbɔ, kɛ a ba sa'de, nɛ a nyɔngɔ a vɛ̃, nɛ nde tɔkɔ, tabi mulu kpo té nù nu a gɔ, sɛ nɛ a ĩ ti ɔ nù de ni.”

MATIE 2:15

Nɛ a ɔa i mɔ ni gbaa ndɔti nɛ a kɛ Herodɛ fia. Ma la na mɛ ni, takɔ we Nwa Gale tɔ̃a zɛ́ do wala 'da wi gba olo nu a na: “Mi sa mɔ hã be 'da mi ngɔ nù Ezipeto i na, a kulu ngɔ, hã a si” ni, ma dɛ tɛ̃ ɛ.

Mbulanɔ 32:23

“ ‘Mi dɛ sɛ na ngamɛnɔ wa kpa ni, ma gã dɛ dati. Mi ndɔlɔ sɛ wa do kpilinɔ 'da mi, nɛ kpilinɔ ni, ma ba sɛ wa.

Mbulanɔ 32:42

Li kpilinɔ 'da mi ma fo sɛ do tɔkɔ tɛ wa, nɛ mi gbɔtɔ sɛ du kɔya 'da mi we gbɛ do owinɔ vɛ̃ kɛ wa sɛnɛ mi ni. Mi lá sɛ wele kpo kɔ wa do tunu li a gɔ, Gɛnɛ kɔ wi dani tabi wi bɔlɔkɔ, nɛ mi gbɛ sɛ wa vɛ̃.’

Mbulanɔ 7:1

“NWA Gale 'da nɛ, a kã sɛ nɛ dɛ ngɔ nùi ni, nɛ nɛ ba sɛ ma do mɔ nɛ. Nɛ kɔlɔ do nùi ni, nɛ a ndaka sɛ ogele nu kɔnggɔnɔ dati nɛ. Onu kɔnggɔnɔ a nɛ ndaka wa ni, mɛ sɛ a onu kɔnggɔ sambo, kɛ wa dɛlɛ wena, nɛ wa nganda nɛa ngɔ nɛ ni. Wi a: Ohiti, Ogirgasi, Oamori, Okanana, Opɛrizi, Ohivi do Oyebuzi.

Yozue 2:10

Lɛ zila na, NWA dɛa zi na, gba lì Sala Tɔ̃ ma ɔ̃sɔ̃ 'da fala nɛ zi tɛ hɔ nza ngɔ nù Ezipeto ni. Nɛ lɛ zila 'bɔ na, nɛ gbɛa Sihoni do Ɔgɛ, onwa ngɔ nù Amori, kɛ kulu lì Yɔrdanɛ si 'biti gba wese, nɛ nɛ 'danga omɛnɔ 'da wa vɛ̃.