Tɔlɔ Mɔ 24:18 - WE NU GALE 1995

¹⁸ A bi 'bɔ owi sɛnɛ a, Oedɔmɛ, nɛ a ba nùi 'da wa Seirɛ. Obe Israɛlɛ wa 'bana bi owi sɛnɛ wa, nɛ wa nɛ ngɔ wa.

Tɔlɔ Mɔ 24:18 Iomraidhean Croise

Ndo Nyanga Dɛ Mɔ 27:29

E kɔ ogele nu kɔnggɔnɔ wa dɛ to hã mɔ, nɛ onu kɔnggɔ Owele, wa gu nù ti mɔ. Mɔ sɛ a gã wi ngɔ onya mɔ, nɛ wa gu sɛ nù ti mɔ. Gale a fɔmbɔ sɛ wi kɛ a fɔmbɔ mɔ ni, nɛ a dɛ sɛ de mɔ hã wele kɛ a dɛ de mɔ hã mɔ ni.”

Ndo Nyanga Dɛ Mɔ 27:40

Mɔ kpasa sɛ we kɔya bole 'da mɔ, nɛ mɔ dɛ sɛ to hã nya mɔ. Kɔ dunguu, nɛ mɔ bi sɛ a, nɛ mɔ kpasa sɛ ti kɔ a.”

Ndo Nyanga Dɛ Mɔ 32:3

A nɛa we zɔ wa, nɛ a zɛ nu a na: “Kɛ gɛ a fala 'da Gale!” Nɛ a sa li fala ni na: “Mahanaimɛ.”

2 SAMUƐLƐ 8:14

Nɛ a a mbe ogã wi ngɔ sodanɔ 'da a ngɔ wa, nɛ wa le ti mbula 'da a. Na mɛ ni, NWA Gale dɛa zi na, Davidi nɛ ngɔ owi sɛnɛ a li bolonɔ vɛ̃.

1 Onwanɔ 11:14

Nɛ NWA dɛa na Hadadɛ, mbe wi nu fɛlɛ nwa ngɔ nù Edɔmɛ, a sɛnɛ Salɔmɔ.

1 Onwanɔ 11:15

Zi dati belee, 'da fala kɛ Davidi bi zi nù Edɔmɛ, nɛ a ba ma ni, nɛ Yoabɛ, gã wi ngɔ osodanɔ 'da a, a nɛa i mɔ we mi osoda Israɛlɛ kɛ wa fia li bole ni. Nɛ Yoabɛ do osodanɔ 'da a, wa ɔa dɛ Edɔmɛ ni zɛkɛ gazɛlɛ, nɛ do 'da fala ni wa gbɛa Owi wilinɔ di ni ní vɛ̃.

Zumanɔ 60:1

Zuma 'da Davidi. A ga ma we be do we.

Ezai 34:5

NWA 'bili na, a kumu Oedɔmɛ. Du kɔya 'da a yula li nza 'di, nɛ ma zĩlĩ dɛ ngɔ wa.

Ezai 63:1

Wi kɛ a yula ngɔ nù Edɔmɛ, tɛ kɔ gã le Bɔsra, hã a tɛ tɛ ma ni a wio nde? Wi ni a hi'da du tulu, ma a fila. A ba zu a ngɔ, kɔ a la do ngawi vɛ̃. A a wio nde? Nɛ NWA Gale na: “Wi a mi NWA. Mi tɛa do ngawi 'da mi we 'bili ngbangga do bɔlɔ nɛ. Mi tɛa we bi bolo ngɔ owinɔ 'da mi na, mi kpasa wa.”

AMƆSI 9:11

NWA tɔ̃a na: “Mbe ngba soe kpo, nɛ mi 'dafa sɛ nu kpala Davidi kɛ ma kumu, nɛ ma ɔ nɛ olo tɔa ni, nɛ ma de sɛ 'bɔ dɛ olo nɛ. Mi kpe sɛ oholonɔ, nɛ mi bɔlɔ sɛ dɛlɛ tɔanɔ. Mi 'dafa sɛ ma na, ma de 'bɔ ɔ nɛ kɛ zi dati ni.

AMƆSI 9:12

Nɛ Oisraɛlɛ wa ba sɛ tala nù Edɔmɛ, do nùnɔ vɛ̃ kɛ ma zi a kɛ 'da mi ni. Mi NWA, mi tɔ̃a ni, nɛ mi dɛ sɛ na mɛ ni.”

ABDIASI 1:2

Nɛ NWA tɔ̃ na: “Nɛ, Oedɔmɛ, mi dɛ sɛ na, nɛ hɔ osulu wi sanga ongba nɛ. Na mɛ ni, owinɔ vɛ̃ wa zɔ sɛ nɛ li wa yala iko.

Tɔlɔ Mɔ 20:18

Nɛ nwa ngɔ nù Edɔmɛ gese hã wa na: “Nɛ lá sɛ do ngɔ nùi 'da mi gɔ. Nɛ yamba le nɛ, nɛ mi bi sɛ nɛ.”

Tɔlɔ Mɔ 24:19

Gã wi yolo kɔ obe zã Israɛlɛ, nɛ a nɛ ngɔ owi sɛnɛ a. A kumu tala winɔ kɔ lenɔ 'da wa vɛ̃.”