Tɔlɔ Mɔ 24:17 - WE NU GALE 1995

¹⁷ “Mi ka mɔ, nɛ mi zɔ mɛ kɛ ma hɔ sɛ do 'do nza ni. Mi zɔa nwa sanga obe Israɛlɛ, a ɔ nɛ sɔla ni, a ba dɔndɔlɛ 'da a dɛ kɔ̃ a, nɛ a zɛ do gulu zala Omoabɛ, nɛ a ngbolo do zu obe zã Sɛtɛ.

Tɔlɔ Mɔ 24:17 Iomraidhean Croise

USU MƐNƆ 22:16

“Mi Yezu, mi tumba anzɛ 'da mi, we tɔ̃ wenɔ gɛ hã eklezianɔ. Mi a wi nu fɛlɛ nwa Davidi. Mi a gbandolo titole kɛ ma to wena ni.”

Ndo Nyanga Dɛ Mɔ 49:10

Nu kpala mɔ ma dɛ sɛ to nwa fai. Dɔndɔlɔ nwa yú sɛ tɛ̃ ɛ kɔ̃ be zã mɔ gɔ, gbaa na owinɔ wa tɛ do mɔ we dɔnggɔ do a, nɛ wa dɛ mbulanɔ 'da a.

USU MƐNƆ 11:15

'Do nɛ, nɛ sambo anzɛ dama mɔtũlĩ 'da a. Nɛ wala gɛlɛ Owele wila nganda wena tɛ li nza i na: “Dɛa to nwa ngɔ nù gɛ ma hɔa dɛ tambala kɔ̃ Gale Nwa 'da lɛ, do Kristo kɛ a tumba a ni. Gale a dungu sɛ nwa kɔ sabɛlɛ do sabɛlɛ.”

USU MƐNƆ 1:7

Nɛ ĩ́ na, a a sanga kutunɔ tɛ tɛ nɛ, nɛ winɔ vɛ wa zɔ sɛ a. Gɛnɛ kɔ wanɔ kɛ wa dumu zi gbãlã ngu'du a ni, wa zɔ sɛ 'bɔ a. Nɛ owinɔ ngɔ nù gɛ vɛ, wa he sɛ kɔ̃a we a. Ma ɔ sɛ na mɛ ni! Amɛ.

2 PETRO 1:19

We duzu ma, lɛ ĩ na, toe kɛ owi gba do nu Gale wa tɔ̃a zi ni, mɛ a gbãlã we ngboo. Kɔ ma wia na, nɛ zele bia wenɔ ni, nɛ nɛ ba ma dɛ kɔ sila nɛ, we kɛ ma ɔ nɛ mwinda kɛ ma nyɛ kɔ gba tũ, gbaa we 'bɔ 'da sa fala, nɛ gbandolo titole yele kɔ sila nɛ ni.

ZAKARIA 10:4

Nɛ Onwanɔ, do Owi kpe dati winɔ, do ogã wi ngɔ osodanɔ sɛ a Oyuda wele nɛ.

Zumanɔ 45:6

E kɔ otɔa nu kpilinɔ 'da mɔ, ma ndɔlɔ li sila owi sɛnɛ mɔ, nɛ wa ala nù ti nyanga mɔ.

LUKA 1:78

We duzu kɛ Gale 'da lɛ do dia zã, do 'bako li a wena. Ma hã a tombo sɛ wese 'da a, nɛ ma gba, nɛ ma to dɛ ngɔ lɛ nù nga.

OHEBRE 1:8

Nɛ nde a tɔ̃a hã Be 'da a na: “Aa Gale, kpongbo nwa 'da mɔ ma 'bana sɛ kɔ sabɛlɛ do sabɛlɛ. Mɔ dɛ to nwa 'da mɔ do bɔlɔ nɛ ngboo.

YUDA 1:11

'Bako do wa! Mba gɔ, wa ba wala 'da Kaina. Wɔ mbili tombo wa we dɛ mɔ bɛlɛ, ɔ nɛ kɛ Balamɛ dɛa zi ni. Nɛ Gale gbɛa wa we duzu nga zu 'da wa, ɔ nɛ kɛ a gbɛa zi Kore ni.

1 Sakonɔ 18:2

A bi 'bɔ Omoabɛ, nɛ a nɛ ngɔ wa, nɛ a e wa ti mbula 'da a, nɛ wa futa tako hã a.

2 SAMUƐLƐ 8:2

A bi 'bɔ Omoabɛ, nɛ a nɛ ngɔ wa. Nɛ a ba nu a hã wa na, wa ɔ nù dɛ 'do ngba wa do 'da fɛlɛ wala talɛ. Wa ɔa nù, nɛ a gbɛ 'da fɛlɛ wa bɔa, nɛ a la wa do tunu li wa tati nɛ a 'da fɛlɛ wala kpo iko. Do 'da fala ni, nɛ Omoabɛ wa lia zi ti mbula 'da Davidi, nɛ wa futa tako hã a.

ZAKARIA 12:10

Mi dɛ sɛ na, obe zã Davidi do ogele winɔ kɔ le Yeruzalɛmɛ ni, wa hɔ wi dia zã, nɛ wa sambala mi. Nɛ wa lengge sɛ wi toe 'da mi kɛ wa dumu zi gbãlã ngu'du a, nɛ wa gbɛ a ni, nɛ wa he sɛ kɔ̃a a wena, ɔ nɛ kɛ wele he do kɔ̃a fio kpo bulu be tabi kuti be 'da a ni.

Yeremi 48:45

“Owanɔ kɛ wa yu ngamɛ, kɔ wa mbɔkɔ do'do ni, nɛ wa fa sɛ fala ɔmɔ tɛ wi kɔ le Hɛsɛboni. Kɔ wa hɔ i mɔ, nɛ gba nyɛa we ma yolo sɛ kɔ tɔa 'da nwa Sihoni, nɛ ma te tɛ le, nɛ ma bɛlɛ wa, Omoabɛ kɛ wa dɛa zi nu we nɛ ge nde ni. Ma bɛlɛ sɛ wa yolo tɛ li ngbalanɔ gbaa we hɔ gbogbo le nga.

Ezai 9:7

NWA gɔnɔ we 'da Owi ngɔ nù Israɛlɛ, a fi obe zã Yakɔbɔ li ngbangga.

Ezai 15:1

Nɛ zélé toe gɛ, Gale tumba ma hã Omoabɛ. “Ngɔ tɛ nù 'da Omoabɛ gɛ̃a kpi kpi kpi, fo wi wele we bina. Mba gɔ, le Arɛ do Kirɛ ma 'danga vɛ̃. Wa 'danga ma 'do tũ kpo iko.

Zumanɔ 110:2

Aa nwa 'da mi, e kɔ NWA Gale dɛ na, dɛa to nwa 'da mɔ yolo do kɔ Tɛmpɛloe 'da a tɛ Sioni, nɛ ma la dɛ dati fai. E kɔ mɔ e mbula ngɔ owi sɛnɛ mɔ.

2 Onwanɔ 3:5

Kɔ nwa Akabɛ fia, nɛ Meka bɛ̃ nu Yoramɛ, nwa olo Akabɛ ni do'do.

1 SAMUƐLƐ 14:38

Saulo nɛa we zɔ ni, nɛ a sa mɔ hã okumunɔ vɛ̃ na, wa tɛ, hã wa fa wi kɛ a dɛa 'dã mɔ sɔɛ gɛ ni. Nɛ a na:

Tɔlɔ Mɔ 21:29

Aa nɛ, owi Moabɛ, 'bako do nɛ! Aa nɛ, owi dɔnggɔ gale bɛlɛ Kɛmɔsi, nɛ yɔa ia! Gale 'da nɛ dɛa na, owi wili wa hɔ wi yu bolo, nɛ owukonɔ wa te dɛ kɔ nwa ngɔ nù Amori.

OHEBRE 7:14

Winɔ vɛ̃ wa ĩ na, a a wi nu kpala Yuda. Nɛ 'da fala kɛ Mɔizɛ tɔ̃ zɛ́ we dɛa to nganga ni, a sà zi li nu kpala Yuda tɛ nɛ gɔ.

Tɔlɔ Mɔ 24:16

Gale kɛ a nɛa ngɔ mɛnɔ vɛ̃, a wele we, nɛ mi zele, nɛ mi kpa hã zã kɔ̃ a. A be mɔ dɛ li mi, nɛ mi zɔ. Mi sambala a, nɛ a be mɔ hã mi.

2 SAMUƐLƐ 8:14

Nɛ a a mbe ogã wi ngɔ sodanɔ 'da a ngɔ wa, nɛ wa le ti mbula 'da a. Na mɛ ni, NWA Gale dɛa zi na, Davidi nɛ ngɔ owi sɛnɛ a li bolonɔ vɛ̃.

Yeremi 48:1

Nɛ zélé toe kɛ NWA ngɔ mɔ nyanga nza vɛ̃, Gale 'da obe Israɛlɛ tumba hã Omoabɛ gɛ. A na: “'Bako do owi kɔ le Nebo. Owi sɛnɛ wa wa 'danga le 'da wa do'do! 'Bako do Owi kɔ le Kiriataimɛ. Mɛ zi a le kɛ gba ngbo zĩ ma takpa, nɛ nde wa yala gba ngboe ni do'do, nɛ owi kɔ nɛ wa dunu do sape, nɛ ngɔ tɛ wa gɛ̃a kpi kpi kpi.