Tɔlɔ Mɔ 24:16 - WE NU GALE 1995

¹⁶ Gale kɛ a nɛa ngɔ mɛnɔ vɛ̃, a wele we, nɛ mi zele, nɛ mi kpa hã zã kɔ̃ a. A be mɔ dɛ li mi, nɛ mi zɔ. Mi sambala a, nɛ a be mɔ hã mi.

Tɔlɔ Mɔ 24:16 Iomraidhean Croise

Ndo Nyanga Dɛ Mɔ 14:18

Nɛ Mɛlkisedɛkɛ, nwa ngɔ nù Salɛmɛ, gɔnɔ 'bɔ dati Abrama. Mɛlkisedɛkɛ zi tɛ mɛ 'bɔ a nganga 'da Gale, kɛ a nɛa ngɔ mɔ vɛ̃ ni. Mɛlkisedɛkɛ tɛa do mapa do dɔ̃ hã Abrama,

Ndo Nyanga Dɛ Mɔ 17:1

Abrama ɔa zi sabɛlɛ 'bu nɛ kusi ngɔ nɛ kusi, nɛ NWA be tɛ̃ ɛ hã a, nɛ a tɔ̃ hã a na: “Mi a Gale kɛ mi do nganda vɛ̃. Mɔ dɛ mbula 'da mi, nɛ mɔ ɔ wi bɔlɔ zu fai.

Tɔlɔ Mɔ 24:15

Nɛ Balamɛ gba olo nu Gale na: “Wi a mi Balamɛ, be 'da Beɔrɛ, kɛ mi zɔ gulu mɔ zɔa ni. Nɛ zélé lɛnggɛ mi nɛ tɔ̃ nɛ gɛ

Tɔlɔ Mɔ 24:17

“Mi ka mɔ, nɛ mi zɔ mɛ kɛ ma hɔ sɛ do 'do nza ni. Mi zɔa nwa sanga obe Israɛlɛ, a ɔ nɛ sɔla ni, a ba dɔndɔlɛ 'da a dɛ kɔ̃ a, nɛ a zɛ do gulu zala Omoabɛ, nɛ a ngbolo do zu obe zã Sɛtɛ.

Tɔlɔ Mɔ 24:3

nɛ a gba olo nu Gale na: “Wi a mi Balamɛ, be 'da Beɔrɛ, kɛ mi zɔ gulu mɔ zɔa ni. Nɛ zélé lɛnggɛ mi nɛ tɔ̃ nɛ gɛ!

Tɔlɔ Mɔ 24:4

Gale kɛ a nɛa ngɔ mɛnɔ vɛ̃, a wele we, nɛ mi zele, a be mɔ dɛ li mi, nɛ mi zɔ. Mi sambala a, nɛ a be mɔ hã mi.

1 KORINTƐ 13:2

Ɔ do kɛ mi sɔ do ngawi gba olo nu Gale, hã mi ĩ sɔ ti mɛnɔ vɛ do usu wenɔ 'da Gale vɛ, tabi mi sɔ do kɔ̃a we dɛ 'da Gale wena, kɔ ma gala sɔ mi we ili kalanɔ dɛ gele fala, kɔ mi sɔ do kɔ̃a zã bina, nɛ nde mi sɔ a mɔ yala iko.

1 KORINTƐ 8:1

Lɛ tɔ̃́ mbe lɛnggɛ ngɔ sa'de kɛ wa gbɛa a we dɔnggɔ do okpikimanɔ ni sɛ. Gbãlã we, lɛ vɛ́ lɛ ĩ ti mɔ ĩ, ɔ nɛ kɛ nɛ tɔ̃ ni. Nɛ nde ĩ ti mɛ kɛ nɛ tɔ̃ do we nɛ ni, ma hã gã zu hã wele, nɛ kɔ̃ gɛnɛ ngba wi, ma gã 'da kɔ̃a we 'da wele.