Tɔlɔ Mɔ 24:13 - WE NU GALE 1995

¹³ ‘Gɛnɛ kɔ Balakɛ hã sɔ mbili do mɔ mbali kɛ ma dunu kɔ tɔa nwa 'da a ni hã mi, nɛ nde mi wé sɔ we bɛ̃ mbula 'da nwa gɔ. Mi to tati nɛ a olɛnggɛnɔ kɛ nwa wele ma hã mi ni.’

Tɔlɔ Mɔ 24:13 Iomraidhean Croise

1 Onwanɔ 13:8

Nɛ nde wi gba olo nu Gale gisa hã a na: “Gɛnɛ kɔ mɔ gɔnɔ sɔ sanga kpamɛnɔ 'da mɔ bɔa, kɔ mɔ hã mbee nɛ hã mi, nɛ nde mi nɛ́ sɔ 'bɔ 'da mɔ i gɔ. Nɛ 'bulu nyɔngɔmɔ mɔ mɔ kpo gbo sɛ nu mi gɔ, nɛ lì nu tɔa 'da mɔ hɔ́ sɔ ngɔ lɛfɛ mi gɔ.

1 Onwanɔ 22:14

Nɛ Mike gese hã a na: “Do zu li NWA Gale wele kpasi, mi tɔ̃ hã mɔ na, mi gba sɛ tati a olo nu NWA Gale kɛ a tɔ̃a hã mi ni iko.”

Tɔlɔ Mɔ 16:28

Nɛ Mɔizɛ tɔ̃ hã obe Israɛlɛ na: “Nɛ zɔ mɛnɔ vɛ̃ kɛ ma nɛ dɛ tɛ̃ ɛ ni, lɛ nɛ ĩ sɛ na, wi tumba mi na, mi dɛ nɛnɔ gɛ vɛ̃, wi a NWA, nɛ nde mi dɛ́ lo kɔ sila mi iko gɔ.

Tɔlɔ Mɔ 22:18

Nɛ Balamɛ gese hã owi tonɔ 'da Balakɛ na: “Gɛnɛ kɔ Balakɛ hã sɔ mbili do mɔ mbali kɛ ma dunu kɔ tɔa nwa 'da a ni hã mi, nɛ nde mi wé sɔ we bɛ̃ mbula 'da NWA Gale 'da mi gɔ.

Tɔlɔ Mɔ 22:20

Do tũi ni, nɛ Gale tɛa 'da Balamɛ, nɛ a tɔ̃ hã a na: “Fala kɛ owinɔ gɛ wa tɛa we aka mɔ na, mɔ la do lo nde, nɛ mɔ la do wa. Nɛ nde mɔ dɛ sɛ tati a we mi nɛ tɔ̃ hã mɔ ni.”

Tɔlɔ Mɔ 22:8

Balamɛ zila toe do'do, nɛ a tɔ̃ hã wa na: “Nɛ ɔ nù dɛ dɛ, kɔ tũi gɛ, nɛ mi aka sɛ nwa we gisa nu toe 'da nɛ. Nɛ bindɛ, nɛ mi tɔ̃ sɛ ma hã nɛ.” Ma kɛ okumu Moabɛ wa ɔa dɛ 'da Balamɛ ni.