Tɔlɔ Mɔ 24:10 - WE NU GALE 1995

¹⁰ Balakɛ nɛa we zele ní, nɛ zã a nɔ̃lɔ̃ dɛ tɛ Balamɛ, nɛ a umu kɔ a, nɛ a be li a, nɛ a tɔ̃ hã a na: “Mi tɛa do mɔ dɛ dɛ na, mɔ fɔmbɔ owi sɛnɛ mi. Nɛ nde di ni fala talɛ vɛ̃, mɔ wele nu mɔ tɛ wa wila.

Tɔlɔ Mɔ 24:10 Iomraidhean Croise

NEHEMIE 13:2

We kɛ zi dati, 'da fala kɛ oyaa lɛ, obe Israɛlɛ wa la zi do kɔ lenɔ 'da wa, we nɛ dɛ Kanana i ni, nɛ owinɔ ni, wa hã̀ zi nyɔngɔmɔ, do dɔ̃ hã wa gɔ. Nɛ Omoabɛ wa hã zi mbili hã Balamɛ na, a fɔmbɔ obe Israɛlɛ. Nɛ nde Gale 'da lɛ kifi zi fɔmba ni do wila nu.

YƆBƆ 27:23

Ogele winɔ wa zɔ sɛ wa tɛ kpa ngamɛ ni, nɛ wa mɔmɔ wa, nɛ wa ndaka wa tɛ fala wa ɔ zi nɛ ni do'do.

EZEKIƐLƐ 21:14

“Mɔ, be 'da wele, mɔ dálá dɛ tɛ owinɔ do zu li mi. Mɔ tɔ̃ we mi NWA, mi tɔ̃ hã wa gɛ na: Nɛ zɔ́ du kɔya gɛ, wa bɛngɛ nu nɛ, nɛ wa hɔnɔ tɛ nɛ.

EZEKIƐLƐ 21:17

Be 'da wele, mɔ hé mɔ 'bako, we kɛ wa 'dafa du kɔya we bi do owinɔ 'da mi, do gã winɔ ngɔ nù Israɛlɛ vɛ̃. Ogã winɔ wa ala sɛ li bolo, fala nɛ kpo do owinɔ 'da wa. Mɔ zɛ́ ngu'du mɔ do 'bako.

EZEKIƐLƐ 22:13

“Nɛ nde aa nɛ, owi Yeruzalɛmɛ, mi lama sɛ kɔ̃ mi, nɛ mi be li nɛ, tua we kpamɛnɔ kɛ nɛ kpa do zũ, do 'dã mɔ gbɛ winɔ nɛ dɛa ni.

Tɔlɔ Mɔ 22:11

Owele wa yula ngɔ nù Ezipeto, nɛ wa kpa do falanɔ vɛ̃. Kɔ a kɔa na, mi fɔmbɔ wa hã ɛ, takɔ ɛ bi wa, nɛ ɛ nɛ ngɔ wa, nɛ ɛ ndaka wa ngɔ nùi 'da ɛ do'do.”

Tɔlɔ Mɔ 22:17

Mi hã sɛ gã kpamɔ hã mɔ, nɛ mi dɛ sɛ 'bɔ mɛ kɛ mɔ kɔ̃a ni. Mɔ kɔ̃, nɛ mɔ tɛ, kɔ mɔ fɔmbɔ owinɔ gɛ hã mi.”

Tɔlɔ Mɔ 22:6

nɛ ngɔ gili wa nɛa ngɔ lɛ do'do. Kɔ mɔ kɔ, nɛ mɔ tɛ, kɔ mɔ fɔmbɔ wa hã mi. Mbe gɔ, nɛ lɛ we sɛ we bi wa, nɛ lɛ nɛ ngɔ wa, nɛ lɛ ndaka wa ngɔ nùi gɛ do'do. Mba gɔ, mi ĩ na, wila nùi do fɔmbanɔ ma hɔ kɔ nu mɔ ni, nɛ ma dɛ tɛ̃ ɛ.”

Tɔlɔ Mɔ 23:11

Balakɛ nɛa we zele ni, nɛ a tɔ̃ hã Balamɛ na: “Kɛ mɔ dɛa do mi ni a ge nde? Mi sa mɔ hã mɔ na, mɔ fɔmbɔ owi sɛnɛ mi, nɛ mɔ wele nu mɔ tɛ wa kpaa nde!”

Tɔlɔ Mɔ 24:11

Kɔ mɔ lá, mɔ sí dɛ kɔ le 'da mɔ. Mi kpua zi mbulu hã gã kpamɔ hã mɔ, nɛ nde nwa kpia wala nɛ ti mɔ do'do.”

Tɔlɔ Mɔ 24:9

Wa ɔ nɛ gbɔgbɔ kɛ a ɔ nù, nɛ nde fo wi tɔ̃ na, a kulu ngɔ bina ni. “Wi kɛ a wélé nu a tɛ obe Israɛlɛ, nɛ Gale a wele sɛ nu a tɛ̃ a. Wi kɛ a fɔ́mbɔ́ obe Israɛlɛ, nɛ Gale a fɔmbɔ sɛ a.”

Owi Nɛ Tonɔ 11:10

Nɛ ma dɛa tɛ̃ ɛ na mɛ ni fala talɛ. Kɔ 'da nɛ kala be sĩ, nɛ mɛ ni kũ 'bɔ dɛ li nza i.

Mbulanɔ 23:6

Nɛ nde NWA Gale 'da nɛ, a kɔ̃̀ zi we zele Balamɛ gɔ. Nɛ a kpula fɔmba ni do wila nu, we kɛ a kɔ̃a gɛnɛ nɛ.