Tɔlɔ Mɔ 24:1 - WE NU GALE 1995

¹ Balamɛ ĩ na, NWA kɔ̃a we wele nu a tɛ obe Israɛlɛ. Ma kɛ a nɛ 'bɔ mbe nɛ we kpa linggamɛ 'da NWA ɔ nɛ kɛnɔ dati ni gɔ. Nɛ a siki li a si dɛ li gba zɔ́ i.

Tɔlɔ Mɔ 24:1 Iomraidhean Croise

Tɔlɔ Mɔ 22:13

Fala nɛa we sa ma, nɛ Balamɛ nɛa, nɛ a tɔ̃ hã okumunɔ kɛ Balakɛ tumba wa ni na: “Nɛ kpóló tɛ nɛ dɛ ngɔ nùi 'da nɛ. NWA bɛ̃a na, mi tɛ nɛ̀ do nɛ gɔ.”

Tɔlɔ Mɔ 22:7

Ma kɛ okumu Madianɛ do Moabɛ, kɛ Balakɛ tumba wa ni, wa nɛa 'da Balamɛ i do omɔ we futa do a. Wa hɔa i mɔ, nɛ wa tɔ̃ toe 'da Balakɛ hã a.

Tɔlɔ Mɔ 23:15

Nɛ Balamɛ tɔ̃ hã Balakɛ na: “Mɔ 'báná dɛ kɛ zã dɔnggamɛnɔ gɛ, kɔ mi nɛ we kpa NWA fala i mɔ ni.”

Tɔlɔ Mɔ 23:20

NWA tɔ̃a hã mi na, mi wele nu mi tɛ owinɔ gɛ. A wila nu a tɛ wa ia, mi wè tɛ kpolo mɔ kpo gɔ.

Tɔlɔ Mɔ 23:23

Obe Israɛlɛ wa dɛ́ sɔ na, wa ĩ ti mɛ Gale kɔa ni gɔ, we kɛ Gale be mɛnɔ vɛ̃ a kɔa ni hã wa bia.

Tɔlɔ Mɔ 23:28

A la do Balamɛ dɛ zu kala Peɔrɛ, tɛ fala kɛ ma ka mɔ dɛ li gba zɔ́ i ni.

Tɔlɔ Mɔ 23:3

Nɛ Balamɛ to hã Balakɛ na: “Mɔ 'báná dɛ kɛ zã dɔnggamɛnɔ gɛ, kɔ mi nɛ la dɛ gele fala. Mbe gɔ, nɛ NWA a be sɛ tɛ̀ a hã mi, nɛ mi tɔ̃ sɛ we a tɔ̃a hã mi ni hã mɔ.” Nɛ Balamɛ la, nɛ a kũ dɛ zu kala i.

Tɔlɔ Mɔ 23:30

Balakɛ dɛa olo nu a, nɛ a dɔ wili ngɔmbɔ kpo do wili bata kpo ngɔ gbagala kpo kpo.

Tɔlɔ Mɔ 31:16

Nɛ ĩ de wena na, wi a wukonɔ gɛ, kɛ wa zila zi mbulanɔ 'da Balamɛ tɛ Peɔrɛ i ni, hã wa dɛa zi na, obe Israɛlɛ wa dɔnggɔ ogale bɛlɛnɔ 'da wa. Gulu kɛ 'dã zɛlɛ ma tia zi tɛ obe Israɛlɛ gɛ a ni.

USU MƐNƆ 2:14

Nɛ nde mi kɔ'dɔ nɛ we 'dã mɔ kpo: Ombe sanga nɛ ni wa kɔ̃a gɛnɛ bia we kɛ Balamɛ bia zɛ́ ma ni. Balamɛ tɔ̃a zi hã Balakɛ na, a be 'dã wala hã obe Israɛlɛ, nɛ a ɔlɔ wa na, wa nyɔngɔ osa'denɔ kɛ wa gbɛ wa we dɔnggɔ do okpikimanɔ ni, nɛ wa dɛ mɔ sape.

1 SAMUƐLƐ 24:20

Ma fai na, wele fa wi sɛnɛ a, hã a kpa a, nɛ nde a lá a do lɔa tɛ̃ a iko gɔ. E kɔ NWA si olo dia mɛ mɔ dɛa do mi sɔɛ gɛ ni hã mɔ!

1 SAMUƐLƐ 26:2

Saulo kulu ngɔ, nɛ a la tɛ li gba zɔ Zifɛ i, we fa Davidi. A kulu ngɔ do osoda koto talɛ kɔ nga osoda bolo ngɔ nù Israɛlɛ.

1 SAMUƐLƐ 26:25

Nɛ Saulo tɔ̃ na: “E kɔ NWA wele nu a tɛ mɔ, Davidi be 'daa. Mɔ dɛ sɛ ogã mɔ, nɛ mɔ hɔ sɛ ndɔti nɛ vɛ̃ do dia nɛ.” Davidi la kɛ 'da a, nɛ Saulo si tɛ mɛ 'bɔ dɛ 'da ɛ i.