Tɔlɔ Mɔ 23:9 - WE NU GALE 1995

⁹ Mi tɛ yolo do zu kala, nɛ mi zɔ wa. Mi tɛ yolo ngɔ ngala ta, nɛ mi ka mɔ tɛ wa! Mɛ a nu kpala kɛ wa ɔ do tɛ̃ ɛ, nɛ dɛa mɔ tɛ wa la ngbɛ ɛ do kɛ 'da gele winɔ wena.

Tɔlɔ Mɔ 23:9 Iomraidhean Croise

Ɛsdrasi 9:2

Wa kala owuko gele nunɔ, nɛ wa kala 'bɔ ombe wukonɔ ni hã obulu benɔ 'da wa. Nɛ mɛ wa dɛa ni, ma hã wala hã owinɔ 'da Gale na, wa mba li ngba wa do ogele winɔ ngɔ nùi ni. Ĩ na, okpasa wi nu fɛlɛ kulanɔ, do okumunɔ hã wa kpe dati, we dɛ 'bɔ kpo 'dã mɛ ni.”

ƐSTƐRƐ 3:8

Hamanɛ nɛa, nɛ a tɔ̃ hã nwa Sɛrsɛsi na: “Nwa, ombe wele, wa kɛ̃a tɛ wa dɛ kɔ o'bili tɛ nùnɔ vɛ̃ ngɔ nùi 'da mɔ gɛ, nɛ nde nu kpala wa kpi. Wa ɔ kpi, wa dɛ omɔ olo oyaa wa, kɛ ma wè kɔ̃ do kɛnɔ 'da gele winɔ gɔ, nɛ wa zélé 'bɔ ombulanɔ 'da mɔ gɔ. Ma wè na, mɔ la wa iko gɔ.

Kulu Tɔa 33:16

Fala kɛ mɔ kã̀ lɛ gɔ, nɛ wa dɛ sɛ fala ĩ na, mɔ bia dia zã 'da mɔ hã mi do owinɔ 'da mɔ ni nɛ nde? Fala kɛ mɔ sanga lɛ boe, nɛ nde lɛ wé sɛ kɔ̃ do ogele winɔ ngɔ nù gɛ gɔ.”

Yeremi 46:28

Nɛ, Oisraɛlɛ, owinɔ 'da mi, nɛ tɛ dɛ̃ kili gɔ, we kɛ mi NWA, mi do nɛ boe. Mi kumu sɛ nu kɔnggɔ winɔ vɛ̃ kɛ mi pɛsɛ zi nɛ dɛ ngɔ nùi 'da wa ni, nɛ nde mi kúmú sɛ nɛ gɔ. Mi hã mɛ gɛ etumbu hã nɛ, nɛ nde mi hã sɛ ma do li zuma nɛ, we kɛ nɛ wè we zɔlɔ ma gɔ. Mi nwa, mi tɔ̃a ni.”

Yeremi 49:31

A tɔ̃a hã winɔ 'da a na: ‘Lɛ kúlú ngɔ, hã lɛ nɛ́ we bi owinɔ kɛ wa lengge do mɔ gɔɛ ni. Wa nyɛlɛ do ngba wa wena, nɛ wa lengge na, lo kpa gɛ̃a dungu ia, fo gulu kpe nu tɔanɔ 'da lo bina.’ ”

AMƆSI 9:9

“'Do kɛ Oisraɛlɛ wa pɛsɛ sɛ dɛ sanga ogele winɔ ni, nɛ mi yaka sɛ wa, ɔ nɛ kɛ wa yaka do tula ni, nɛ mi fo sɛ o'dã winɔ do'do.

Mike 7:14

Aa NWA Gale, mɔ ka lɛ owinɔ 'da mɔ kɛ mɔ saka lɛ ni. Mɔ zɔ́ mɔ tɛ lɛ, ɔ nɛ kɛ wi fɔmɔ odua bata zɔ do mɔ tɛ batanɔ 'da a ni. Nùi lɛ ɔ ngɔ nɛ gɛ, ma dé kpalɛ gɔ, nɛ nde odia nù mi do kpalɛ zĩ lɛ takpa. Kɔ mɔ ka lɛ dɛ tɛ nù Basanɛ do Galadɛ, kɔ lɛ kpa dia nù i mɔ, nɛ lɛ mi do kpalɛ ɔ nɛ kɛ zɛ́ dati ni.

2 KORINTƐ 6:17

We duzu ma, Nwa Gale tɔ̃a na: “Nɛ yú wa, nɛ nɛ fó tɛ nɛ sanga wa. Nɛ tɛ kɔ̀lɔ̀ do mɔ ndinɔ 'da wa gɔ. Nɛ dɛ́ na mɛ ni, nɛ mi kɔ̃ sɛ gɛnɛ nɛ.

Mbulanɔ 32:8

Gale kɛ a nɛa ngɔ mɔ vɛ̃ ni, a kɛ̃a nùi dɛ kɔ̃ onu kɔnggɔnɔ, nɛ a be fala kɛ owinɔ wa wia we ɔ nɛ ni hã wa, nɛ a e gale ngɔ nu kɔnggɔ kpo kpo.

Mbulanɔ 33:28

“Ma kɛ obe Israɛlɛ wa kpa gɛ̃ dungu kɔ le, kɛ ma dunu do nyɔngɔmɔ wena. Mɛ a fala kɛ mbɔɛ ma yolo li nza i, nɛ ma 'bɔ nù nɛ nɛi.

TITO 2:14

A hã zi kili tɛ̃ a we duzu lɛ, takɔ a gɔnɔ zu lɛ kɔ 'dã mɛnɔ vɛ̃. Nɛ a fɔlɔ 'bɔ ndi kɔ sila lɛ do'do na, lɛ ɔ winɔ 'da a ngboo, nɛ lɛ hã tɛ lɛ we dɛ de mɔ.

1 PETRO 2:9

Nɛ nde we duzu nɛ, nɛ a nu fɛlɛ kula kɛ Gale saka nɛ ni. Nɛ a onganganɔ 'da Nwa. Nɛ a nu kɔnggɔ winɔ kɛ wa santo, nɛ nɛ a owinɔ 'da Gale ngboo. Gale saka zɛ́ nɛ, takɔ nɛ tɔ̃ gulu gba dia mɛnɔ 'da a hã owinɔ. A sa zɛ́ mɔ hã nɛ, nɛ a fua nɛ kɔ gba tũ dɛ nza, nɛ a a nɛ kɔ sa fala kɛ wa ɔngbɔ ma wena ni.