Tɔlɔ Mɔ 23:21 - WE NU GALE 1995

²¹ Mi zɔ̃ 'dã mɔ mɔ́ obe zã Yakɔbɔ kpo gɔ. Fo ngamɔ ngɔ nù Israɛlɛ bina, we kɛ NWA do wa boe.

Tɔlɔ Mɔ 23:21 Iomraidhean Croise

2 Sakonɔ 13:12

Kɔ ngangga ni, NWA ngboo a a kpia dati lɛ, nɛ onganganɔ 'da a wa kɔ lɛ gɛ boe. Wa 'bɔ we dama mɔtũlũ, takɔ winɔ wa ga zuma sɔ̃ bolo hã nɛ. Aa nɛ, Oisraɛlɛ, nɛ tɛ bì bolo do NWA Gale 'da oyaa nɛ gɔ. We kɛ nɛ nɛ́ sɛ ngɔ a gɔ.”

Zumanɔ 103:12

A fua 'dã mɛnɔ 'da lɛ, nɛ a da ma nyɛlɛ ndũu, ɔ nɛ 'biti gba wese nyɛlɛ do 'biti gɛ̃a wese ni.

Zumanɔ 118:15

NWA kpasa owinɔ 'da a, owi bɔlɔ zunɔ, we duzu ma, wa he mɔ yangga kɔ tɔanɔ 'da wa gboo. Nɛ wa na: “Ngawi 'da NWA nɛa ngɔ Owi sɛnɛ lɛ.

Zumanɔ 135:21

Nɛ nɛ, owi Yeruzalɛmɛ, nɛ zɛ́ nu nɛ we dɔnggɔ do NWA, wele kɛ a ɔ ngɔ kala Sioni ni. Aleluya, lɛ dɔ́nggɔ́ NWA!

Zumanɔ 23:4

Gɛnɛ kɔ mi la do kɔ gba tũ, nɛ nde mi dɛ́ kili gɔ. We duzu kɛ mɔ NWA, mɔ fala nɛ kpo do mi boe. NWA a wi zɔ mɔ tɛ mi Dɔndɔlɔ 'da mɔ ma kã mi, nɛ ma bi bolo zu mi. Gulu ngawi 'da mi a ni.

Zumanɔ 32:2

Yangga do wi kɛ a do 'dã hã bina, nɛ NWA zɔ́ a ɔ nɛ wi dɛ 'dã mɔ gɔ ni.

Zumanɔ 32:5

Mi zɔa ni, nɛ mi ùsù 'bɔ 'dã mɛ 'da mi gɔ, nɛ mi gbala ma vɛ̃ hã mɔ nwa, nɛ mɔ fua ku'da nɛ zu mi.

Zumanɔ 46:11

A hia mɔ na: “Nɛ lá fala bi bolo, nɛ nɛ ĩ́ na mi a Gale! Mi a nwa ngɔ winɔ nyanga nza gɛ vɛ̃!”

Zumanɔ 46:7

A wila we, nɛ nùi ma yaka, nɛ ogele winɔ wa tana, nɛ dɛa to nwa 'da wa ma ia.

Zumanɔ 97:1

NWA Gale a nwa, e kɔ owinɔ ngɔ nù gɛ wa zɛ kaliã, nɛ wanɔ vɛ̃ kɛ nùi 'da wa nyɛlɛ wena ni, wa dɛ yangga.

Zumanɔ 99:2

Gale a gã wi tɛ kɔ le Sioni, a a nwa ngɔ onu kɔnggɔnɔ vɛ̃.

Kulu Tɔa 13:21

Do gba wese, nɛ NWA kpia zi dati owinɔ 'da a dɛ kɔ lɔnggɔ zɛ̃ we. Nɛ do tũi, nɛ a kpe dati wa dɛ kɔ lɔnggɔ nyɛa we, takɔ ma yele kɛ zã wa. Na mɛ ni, obe Israɛlɛ wa wia zi tɛ la nɛ do gba wese, tabi do tũ.

Kulu Tɔa 3:12

Nɛ Gale tɔ̃ hã a na: “Mi sɛ do mɔ boe. Kpo soe mɔ fo sɛ obe Israɛlɛ ngɔ nù Ezipeto do'do ni, nɛ nɛ mba sɛ li ngba nɛ vɛ̃ dɛ ngɔ kala gɛ, nɛ nɛ gbɛ sɛ sa'de we dɔnggɔ do mi. Nɛ ki ni ma be sɛ na, mi a mi tumba mɔ.”

Kulu Tɔa 34:9

nɛ a he mɔ na: “NWA, mi ala nu mi hã mɔ na, mɔ tɛ́ hã mɔ kã lɛ, tua kɛ mɔ bia dia zã 'da mɔ hã mi ia. Mi ĩ de wena na, obe Israɛlɛ wa a owi dɛ nga zu, nɛ nde mi aka mɔ na, mɔ fo 'dã mɛnɔ zu lɛ do'do, kɔ mɔ ba lɛ ɔ nɛ owinɔ 'da mɔ ni.”

Ezai 1:18

NWA tɔ̃a na: “Nɛ tɛ́, hã lɛ 'dafa lɛnggɛ do nɛ. Nɛ fila ɔ nɛ tɔkɔ ni, tua do 'dã mɛnɔ 'da nɛ, nɛ nde mi wia we fɔlɔ nɛ, nɛ nɛ fɛngɛ nɛ́ fũ tukia. Gɛnɛ kɔ nɛ fele ɔ nɛ kula, nɛ nɛ fɛngɛ sɛ turr.

Ezai 12:6

Aa nɛ, owinɔ ngɔ kala Sioni, nɛ hé mɔ do yangga, nɛ zɛ́ kɔ̃ nɛ hã Gale 'da lɛ Oisraɛlɛ! A gã wena, nɛ a a santo, nɛ a ɔ do owinɔ 'da a fala nɛ kpo.”

Ezai 33:21

NWA Gale a be sɛ dɔ̃lɔ̃ li 'da a hã lɛ dɛ kɔ le ni. Ogã lì ma fo sɛ do di ni, nɛ nde masuanɔ 'da Owi sɛnɛ lɛ ma lá sɛ ngɔ nɛ gɔ.

Ezai 33:22

Ofɛlɛnɔ kɛ Owi sɛnɛ lɛ wa kpo do bɛndɛlɛnɔ 'da wa ni, ma gɔnɔ sɛ, nɛ fo sɛ 'bɔ wala na, wa gbɔtɔ bɛndɛlɛnɔ 'da wa dɛ ngɔ bina. Do 'da fala ni, nɛ lɛ kɛ̃ sɛ sanga gba gili mɔ olo wa dɛ kɔ̃ lɛ vɛ̃. Gɛnɛ kɔ Owi 'dã nyanganɔ, nɛ wa kpa sɛ mɔ olo Owi sɛnɛ lɛ. NWA Gale a wi kpasa lɛ. A dungu sɛ nwa ngɔ lɛ, nɛ a gɔnɔ ngbangganɔ 'da lɛ.

Ezai 38:17

Nɛ ngangga ni, 'bakoe 'da mi ma kifi yangga. Mba gɔ, mɔ kɔ̃ gɛnɛ mi wena, nɛ mɔ kpasa mi kɔ fio, nɛ mɔ fua ku'da 'dã mɛnɔ zu mi do'do.

Ezai 41:10

Nɛ tɛ dɛ̀ kili gɔ, mba gɔ, mi do nɛ boe. Da dɛ kɔ kili bá nɛ gɔ, we kɛ mi a Gale 'da nɛ. Mi hã sɛ ngawi hã nɛ, nɛ mi gala sɛ nɛ. Ngawili kɔ̃ mi ma si sɛ ngɔ, nɛ ma amba sɛ zu nɛ kɔ ngamɔ.

Ezai 8:10

Gɛnɛ kɔ nɛ 'dafa mɔ, nɛ ma 'danga sɛ iko. Gɛnɛ kɔ nɛ wele we gbaa, nɛ nde mɔ kpo dɛ́ sɛ tɛ̃ ɛ gɔ, we duzu kɛ Gale do lɛ boe.

Yeremi 50:20

Do 'da fala ni, nɛ Oisraɛlɛ do Oyuda, wa dɛ́ sɛ 'bɔ 'dã mɔ tabi yɔa ti dɛa mɔ gɔ. We duzu kɛ mi fo sɛ ku'da 'dã mɛnɔ zu wanɔ wa 'bana sɛ nza ni. Mi NWA, mi tɔ̃a ni.”

EZEKIƐLƐ 48:35

Nɛ 'da du dɛlɛnɔ vɛ̃ kɛ ma zĩ sɛ 'do le ni a mɛtrɛ koto kusi. Nɛ yolo do ngba soe ni, nɛ wa sa sɛ li le ni na: “NWA dɛ boe.”

YƆƐLƐ 2:27

Na mɛ ni, nɛ nɛ, obe Israɛlɛ, nɛ ĩ sɛ na, mi do nɛ boe. Nɛ nɛ ĩ sɛ na, NWA Gale 'da nɛ wi a mi, nɛ fo gele gale olo mi bina. Nɛ Owele wa hã sɛ 'bɔ sape hã nɛ, owinɔ 'da mi fala kpo gɔ.”

Levitɛnɔ 9:24

Nyɛa we ma hɔa, nɛ ma bɛlɛ odɔnggamɛnɔ ngɔ gbagala, do kɛndɔnɔ, do gele dɔnggamɛnɔ ngɔ nɛ ni. Nɛ obe Israɛlɛ vɛ̃ wa zɔa ma, nɛ wa zɛ kaliã, nɛ wa bili gbaa, nɛ zu wa to nù.

Tɔlɔ Mɔ 14:18

ɛ a NWA, ɛ do du sila, nɛ dia zã 'da ɛ ma la mɔ vɛ̃. Ɛ kunu sila ɛ ngɔ 'dã mɛnɔ do nga zui 'da winɔ. Kɔ fala kɛ wele dɛ 'dã mɔ, nɛ nde ɛ lá a iko gɔ, nɛ ɛ hã sɛ etumbu hã a do owi nu fɛlɛ a gbaa we hɔ ngɔ obe yaa a do okanggadɔkɔ a.

Tɔlɔ Mɔ 14:19

Aa NWA, we dia zã 'da mɔ, mɔ fó 'bɔ ku'da 'dã mɛ zu owinɔ 'da mɔ, ɔ nɛ kɛ mɔ fo ma zu wa fai, yolo do 'da fala wa hɔa nza ngɔ nù Ezipeto ni.”

Tɔlɔ Mɔ 16:3

Wa ngɛmɛ ngba wa vɛ̃, nɛ wa nɛ dɛ dati Mɔizɛ do Aroni, nɛ wa tɔ̃ hã wa na: “Nɛ la li ngele toe 'da nɛ do'do. Wele obe Israɛlɛ vɛ̃ a mɔ́ NWA, nɛ NWA 'bɔ do lɛ boe. Kɔ gulu kɛ nɛ lengge na, nɛ nɛa ngɔ tala owinɔ 'da NWA ni we ge nde?”

Tɔlɔ Mɔ 9:22

Nɛ nde fala ma 'bana dɛ ngɔ tɔa Tande 'do tũ bɔa, zɛkɛ kpo, tabi sabɛlɛ kpo nde, nɛ obe Israɛlɛ wa kúlú ngɔ gɔ. Nɛ wa 'bɔ na, zɛ̃ we ni ma kulu ngɔ do'do sɛ nɛ de.

MATIE 1:23

“Be zɔnga a ba sɛ zã, nɛ a ko sɛ bulu be, nɛ wa sa sɛ li a na Emanuɛlɛ” ni, ma dɛ tɛ̃ ɛ. (Gulu li Emanuɛlɛ na: “Gale do lɛ boe.”)

ROMA 6:14

Mba gɔ, 'dã mɔ wè tɛ dungu 'bɔ nwa ngɔ nɛ gɔ. We kɛ nɛ 'bɔ ti mbula bina, nɛ nde mɛ a dia zã 'da Gale hã ma dungu nwa ngɔ nɛ.

ROMA 8:1

Kɔ ngangga ni, Gale a 'bílí sɛ 'bɔ 'dã we dɛ zu winɔ kɛ wa mba kpo do Yezu Kristo ia ni gɔ.

2 KORINTƐ 2:14

Gɛnɛ kɔ na mɛ ni, nɛ nde lɛ hã́ iɔ̃nae hã Gale, we kɛ a hã ngawi hã lɛ 'da fala fai, nɛ lɛ nɛ ngɔ mɛnɔ vɛ do wala 'da Kristo ni. A ia lɛ do Owi be sakoe 'da Kristo, nɛ sakoe ni ma yɛ'bɛ falanɔ vɛ ɔ nɛ fala tɛ yɔmbɔ ni.

2 KORINTƐ 5:19

We duzu kɛ do wala 'da Kristo, nɛ Gale lènggè do 'dã mɛnɔ 'da winɔ gɔ, nɛ a 'dafa sanga tɛ̃ a do wa vɛ. Nɛ a saka lɛ we tɔ̃ to nɛ hã winɔ.

2 KORINTƐ 6:16

We mɔ́ kpikima tɛ tɔa 'da Gale boe nde? Tɔa 'da Gale wele kpasi, wi a lɛ, ɔ nɛ kɛ a ngboo a tɔ̃a na: “Mi ɔ sɛ dɛ sanga winɔ 'da mi, nɛ mi yɛnggɛ sɛ fala nɛ kpo do wa. Mi sɛ a Gale 'da wa, nɛ wa sɛ a winɔ 'da mi” ni.

Mbulanɔ 31:23

'Do ki ni, nɛ NWA wila we do Yozue, be 'da Nunɛ. Nɛ a tɔ̃ hã a na: “Mɔ kpã́lã́ sila mɔ, nɛ mɔ ɔ̀ do ngawi. Mɔ a mɔ nɛ kã sɛ obe Israɛlɛ dɛ ngɔ nùi kɛ mi kpua zi mbulu nɛ hã wa ni. Nɛ mi sɛ fala nɛ kpo do mɔ boe.”

Mbulanɔ 32:5

Nɛ nde nɛ a owi dɛ 'dã mɔ, nɛ do dia linggamɔ zu nɛ bina. Nɛ a owi dɛ mɔ sape, nɛ dɛa 'dã mɔ dɛ 'da NWA.

Mbulanɔ 33:5

Ogã wi ngɔ Israɛlɛ, do onu kpalanɔ vɛ̃ wa mba ngba wa, nɛ NWA Gale hɔa nwa ngɔ wa.”

Mbulanɔ 9:24

Do gbãlã we, yolo do ngba soe mi ĩ zi do ti nɛ ni, nɛ là fala dɛ nga zu dɛ tɛ NWA gɔ gbaa tia do sɔɛ gɛ.

Owi kpe dati 6:13

Nɛ Zedeoni gese na: “Aa baa mi, mɔ mbɔ́kɔ́ mi! NWA Gale ɔ sɔ fala nɛ kpo do lɛ, nɛ gulu kɛ 'bakoe gɛ kpa lɛ ni we ge nde? Obaa lɛ wa tɔ́a zi we gba sɔ̃mɛ kɛ NWA dɛa ma, 'da fala kɛ a fua zi wa ngɔ nù Ezipeto dɛ nza ni hã lɛ. Kɔ gulu kɛ mɛnɔ ni dɛ́ 'bɔ tɛ̃ ɛ dɔ́ gɛ gɔ we ge nde? Ngangga gɛ, NWA da kɔ a tɛ lɛ, nɛ a la lɛ hã Omadianɛ.”

1 SAMUƐLƐ 25:28

Nɛ mɔ kɔ̃, nɛ mɔ ele 'dã mɛ 'da mi. Mba gɔ, mi ĩ ngboo na, NWA a hã sɛ dɛa to nwa hã nu fɛlɛ mɔ fai, we kɛ mɔ bi bolo hã a. Nɛ kɔ dungu 'da mɔ vɛ̃, wa kpá sɛ 'dã mɔ kpo kɔ mɔ gɔ.