Tɔlɔ Mɔ 23:12 - WE NU GALE 1995

¹² Nɛ Balamɛ gese na: “Mi tɔ̃ tati a we kɛ NWA wila hã mi ni.”

Tɔlɔ Mɔ 23:12 Iomraidhean Croise

Kulu Tɔa 4:15

Mɔ wélé we do a, nɛ mɔ tɔ̃ wenɔ kɛ mɔ kɔ̃a na a tɔ̃ ni hã a. Nɛ mi, mi sɛ do nɛ bɔa nɛ kɔ wenɔ nɛ tɔ̃ sɛ ma ni. Nɛ mi be sɛ mɛnɔ na, nɛ dɛ ma ni hã nɛ.

GBA WENƆ 26:25

A tɔ̃ ɛ̃fɛ̃ lɛnggɛ hã mɔ, nɛ mɔ tɛ kɔ̃̀ gɔ, we kɛ linggamɔ zã a dè gɔ.

Tɔlɔ Mɔ 22:20

Do tũi ni, nɛ Gale tɛa 'da Balamɛ, nɛ a tɔ̃ hã a na: “Fala kɛ owinɔ gɛ wa tɛa we aka mɔ na, mɔ la do lo nde, nɛ mɔ la do wa. Nɛ nde mɔ dɛ sɛ tati a we mi nɛ tɔ̃ hã mɔ ni.”

Tɔlɔ Mɔ 22:38

Nɛ Balamɛ gese hã a na: “Mi kɛ! Nɛ nde mi nɛ tɔ̃ hã mɔ na ge nde? Mi nɛ tɔ̃ tati a owenɔ kɛ Gale a e sɛ ma dɛ nu mi ni iko.”

Tɔlɔ Mɔ 23:13

Nɛ Balakɛ tɔ̃ hã Balamɛ na: “Mɔ tɛ́, kɔ lɛ la do mɔ dɛ gele fala, hã mɔ zɔ owinɔ ni vɛ̃, we kɛ mɔ zɔ́ wa vɛ̃ gɔ. Kɔ lɛ hɔ i mɔ, nɛ mɔ fɔmbɔ sɛ wa hã mi.”

Tɔlɔ Mɔ 23:20

NWA tɔ̃a hã mi na, mi wele nu mi tɛ owinɔ gɛ. A wila nu a tɛ wa ia, mi wè tɛ kpolo mɔ kpo gɔ.

Tɔlɔ Mɔ 23:26

Nɛ Balamɛ gese hã a na: “Mi mbese sɔ mɔ ia na, mi nɛ dɛ vɛ̃ a mbula 'da NWA.”

Tɔlɔ Mɔ 23:3

Nɛ Balamɛ to hã Balakɛ na: “Mɔ 'báná dɛ kɛ zã dɔnggamɛnɔ gɛ, kɔ mi nɛ la dɛ gele fala. Mbe gɔ, nɛ NWA a be sɛ tɛ̀ a hã mi, nɛ mi tɔ̃ sɛ we a tɔ̃a hã mi ni hã mɔ.” Nɛ Balamɛ la, nɛ a kũ dɛ zu kala i.

Tɔlɔ Mɔ 24:13

‘Gɛnɛ kɔ Balakɛ hã sɔ mbili do mɔ mbali kɛ ma dunu kɔ tɔa nwa 'da a ni hã mi, nɛ nde mi wé sɔ we bɛ̃ mbula 'da nwa gɔ. Mi to tati nɛ a olɛnggɛnɔ kɛ nwa wele ma hã mi ni.’

ROMA 16:18

We duzu kɛ winɔ ni, wa dɛ́ a toe 'da Nwa 'da lɛ Kristo gɔ, nɛ nde wa fa tati a wala kpasi 'da wa wele nɛ iko. Wa ɔlɔ owinɔ do ɛ̃fɛ̃ lɛnggɛ, nɛ wa tɔ̃ ogba du lɛnggɛ we vĩ do zu winɔ kɛ wa ĩ̀ ti mɔ ngboo gɔ ni.

TITO 1:16

Wa tɔ̃ do nu wa na, lo ĩ ti Gale, nɛ nde dɛa to tɛ wa vɛ̃ be na, wa Ĩ ti Gale gɔ. Wa a o'dã wele ngboo, Owi nga zu, nɛ wa ĩ́ ti dɛ mbe dia mɔ kpo gɔ.