Tɔlɔ Mɔ 22:8 - WE NU GALE 1995

⁸ Balamɛ zila toe do'do, nɛ a tɔ̃ hã wa na: “Nɛ ɔ nù dɛ dɛ, kɔ tũi gɛ, nɛ mi aka sɛ nwa we gisa nu toe 'da nɛ. Nɛ bindɛ, nɛ mi tɔ̃ sɛ ma hã nɛ.” Ma kɛ okumu Moabɛ wa ɔa dɛ 'da Balamɛ ni.

Tɔlɔ Mɔ 22:8 Iomraidhean Croise

1 Onwanɔ 13:8

Nɛ nde wi gba olo nu Gale gisa hã a na: “Gɛnɛ kɔ mɔ gɔnɔ sɔ sanga kpamɛnɔ 'da mɔ bɔa, kɔ mɔ hã mbee nɛ hã mi, nɛ nde mi nɛ́ sɔ 'bɔ 'da mɔ i gɔ. Nɛ 'bulu nyɔngɔmɔ mɔ mɔ kpo gbo sɛ nu mi gɔ, nɛ lì nu tɔa 'da mɔ hɔ́ sɔ ngɔ lɛfɛ mi gɔ.

1 Onwanɔ 22:14

Nɛ Mike gese hã a na: “Do zu li NWA Gale wele kpasi, mi tɔ̃ hã mɔ na, mi gba sɛ tati a olo nu NWA Gale kɛ a tɔ̃a hã mi ni iko.”

Yeremi 12:2

Wa ɔ nɛ ote kɛ mɔ mi ma, nɛ liã nɛ ba nù, nɛ ma ngala, nɛ ma ko owala te ni. Wa tɔ̃ dia zu li mɔ fai, nɛ nde do kɔ sila wa wa lénggé do mɔ gɔ.

EZEKIƐLƐ 33:31

Nɛ owinɔ 'da mi wa mba ngba wa dɛ 'da mɔ we zele mɔ. Wa zele, nɛ nde wa dɛ́ kɛ wa zila ni gɔ. Wa kɔ do nu wa iko, nɛ nde wa dɛ tati a mɔ kɛ ma gala wa wele nɛ ni.

Tɔlɔ Mɔ 12:6

Nɛ a tɔ̃ hã wa na: “Nɛ zélé we mi nɛ tɔ̃ hã nɛ gɛ do dia nɛ. Fala kɛ mi saka wele sanga nɛ na, a gba olo nu mi nde, nɛ mi be tɛ mi li wi ni do kɔ yalɛ, nɛ mi wele we do a.

Tɔlɔ Mɔ 22:18

Nɛ Balamɛ gese hã owi tonɔ 'da Balakɛ na: “Gɛnɛ kɔ Balakɛ hã sɔ mbili do mɔ mbali kɛ ma dunu kɔ tɔa nwa 'da a ni hã mi, nɛ nde mi wé sɔ we bɛ̃ mbula 'da NWA Gale 'da mi gɔ.

Tɔlɔ Mɔ 22:38

Nɛ Balamɛ gese hã a na: “Mi kɛ! Nɛ nde mi nɛ tɔ̃ hã mɔ na ge nde? Mi nɛ tɔ̃ tati a owenɔ kɛ Gale a e sɛ ma dɛ nu mi ni iko.”

Tɔlɔ Mɔ 22:7

Ma kɛ okumu Madianɛ do Moabɛ, kɛ Balakɛ tumba wa ni, wa nɛa 'da Balamɛ i do omɔ we futa do a. Wa hɔa i mɔ, nɛ wa tɔ̃ toe 'da Balakɛ hã a.

Tɔlɔ Mɔ 22:9

Nɛ Gale tɛa, nɛ a aka Balamɛ na: “Owinɔ wa ɔa 'da mɔ gɛ a wio nde?”

Tɔlɔ Mɔ 23:12

Nɛ Balamɛ gese na: “Mi tɔ̃ tati a we kɛ NWA wila hã mi ni.”

Tɔlɔ Mɔ 23:3

Nɛ Balamɛ to hã Balakɛ na: “Mɔ 'báná dɛ kɛ zã dɔnggamɛnɔ gɛ, kɔ mi nɛ la dɛ gele fala. Mbe gɔ, nɛ NWA a be sɛ tɛ̀ a hã mi, nɛ mi tɔ̃ sɛ we a tɔ̃a hã mi ni hã mɔ.” Nɛ Balamɛ la, nɛ a kũ dɛ zu kala i.

Tɔlɔ Mɔ 24:13

‘Gɛnɛ kɔ Balakɛ hã sɔ mbili do mɔ mbali kɛ ma dunu kɔ tɔa nwa 'da a ni hã mi, nɛ nde mi wé sɔ we bɛ̃ mbula 'da nwa gɔ. Mi to tati nɛ a olɛnggɛnɔ kɛ nwa wele ma hã mi ni.’