Tɔlɔ Mɔ 22:6 - WE NU GALE 1995

⁶ nɛ ngɔ gili wa nɛa ngɔ lɛ do'do. Kɔ mɔ kɔ, nɛ mɔ tɛ, kɔ mɔ fɔmbɔ wa hã mi. Mbe gɔ, nɛ lɛ we sɛ we bi wa, nɛ lɛ nɛ ngɔ wa, nɛ lɛ ndaka wa ngɔ nùi gɛ do'do. Mba gɔ, mi ĩ na, wila nùi do fɔmbanɔ ma hɔ kɔ nu mɔ ni, nɛ ma dɛ tɛ̃ ɛ.”

Tɔlɔ Mɔ 22:6 Iomraidhean Croise

Ndo Nyanga Dɛ Mɔ 12:3

Wi kɛ a wele nu a tɛ mɔ, nɛ mi wele sɛ nu mi tɛ̃ a. Wele fɔmbɔ mɔ, nɛ mi fɔmbɔ sɛ a. Mi wele sɛ nu mi tɛ nu kɔnggɔ winɔ ngɔ nù gɛ vɛ̃ we duzu mɔ.”

Ndo Nyanga Dɛ Mɔ 27:29

E kɔ ogele nu kɔnggɔnɔ wa dɛ to hã mɔ, nɛ onu kɔnggɔ Owele, wa gu nù ti mɔ. Mɔ sɛ a gã wi ngɔ onya mɔ, nɛ wa gu sɛ nù ti mɔ. Gale a fɔmbɔ sɛ wi kɛ a fɔmbɔ mɔ ni, nɛ a dɛ sɛ de mɔ hã wele kɛ a dɛ de mɔ hã mɔ ni.”

1 Onwanɔ 22:13

Do 'da fala ni, nɛ wi nɛ toe kɛ nwa tombo sɔ a we sa mɔ hã Mike ni, a hɔ 'da Mike i, nɛ a tɔ̃ hã a na: “Mɔ ĩ na, nu owi gba olo nu Gale vɛ̃ kpo, nɛ wa mbisa nwa na, a nɛ sɛ ngɔ owi sɛnɛ a. Kɔ ma wia na, mɔ nɛ, nɛ mɔ tɔ̃ tɛ mɛ 'bɔ kpasaa na mɛ ni.”

1 Onwanɔ 22:6

Nɛ Akabɛ sa mɔ hã owi gba olo nu Gale kɔlɔ do kama nalɛ, nɛ a aka wa na: “Nɛ lengge na, mi wia we nɛ we bi le Ramɔtɛ tɛ ngɔ nù Galadɛ we ba ma, tabi mi tɛ nɛ gɔ nde?” Nɛ owi gba olo nu Gale wa gese na: “Mɔ nɛ́, nwa a 'dɔlɔ sɛ ma hã mɔ.”

1 Onwanɔ 22:8

Nɛ nwa Akabɛ gese na: “Wele boe, wi a Mike, be 'da Imla. Nɛ nde mi kɔ̃̀ gɛnɛ a gɔ, we duzu kɛ a tɔ̃́ mbe dia we hã mi fala kpo gɔ. A tɔ̃ fai a 'dã we iko.” Nɛ Yozafatɛ gese na: “Ee, mɔ tɛ tɔ̃̀ ni gɔ!”

NEHEMIE 13:2

We kɛ zi dati, 'da fala kɛ oyaa lɛ, obe Israɛlɛ wa la zi do kɔ lenɔ 'da wa, we nɛ dɛ Kanana i ni, nɛ owinɔ ni, wa hã̀ zi nyɔngɔmɔ, do dɔ̃ hã wa gɔ. Nɛ Omoabɛ wa hã zi mbili hã Balamɛ na, a fɔmbɔ obe Israɛlɛ. Nɛ nde Gale 'da lɛ kifi zi fɔmba ni do wila nu.

Zumanɔ 109:28

Wa wia we fɔmbɔ mi, nɛ nde mɔ wele sɛ nu mɔ tɛ mi. E kɔ owi sɛnɛ mi wa bi mi ni, wa te li bolo, nɛ mi, wi dɛa toe 'da mɔ, mi dɛ yangga.

GBA WENƆ 26:2

Fɔmbɔ wele yala iko, ma wè tɛ dɛ mɔ do a gɔ. Ma la ɔ nɛ ngolo, tabi dɔndɛa kɛ a bũlũ gbaa, nɛ nde a zĩ́ ngɔ te we ɔmɔ tɛ a gɔ ni.

EZEKIƐLƐ 13:6

Owinɔ ni wa tɔ̃ na, lo zɔa omɔ li yalɛ, nɛ nde wa zɔ̀ mɔ gɔ. Wa tɔ̃ we mɛnɔ kɛ ma hɔ sɛ ni, nɛ nde ĩ na, wa 'bili bɛlɛ iko. Wa tɔ̃ na, mi tumba lo do to, nɛ nde mi tòmbò wa gɔ. Nɛ wa gbini 'bɔ zã wa na, mi dɛ sɛ mɛnɔ kɛ lo tɔ̃ ni.

Mike 6:5

Aa nɛ, owinɔ 'da mi, nɛ lénggé do Balakɛ, nwa ngɔ nù Moabɛ kɛ a kɔ̃a zi we fɔmbɔ nɛ ni. Nɛ nɛ lénggé do gisa nu we kɛ Balamɛ, be 'da Beɔrɛ, a gisa zi hã a ni. Nɛ ta zu nɛ tɛ èlè ngɔ tɛlɛ tɛ kɛ mi kã zi oyaa nɛ, yolo tɛ Sitimɛ, gbaa we hɔ tɛ Gilgalɛ ni gɔ. Nɛ lénggé ki ni vɛ̃, nɛ nɛ ĩ sɛ ti mɛnɔ kɛ mi NWA, mi dɛa we kpasa do nɛ ni.”

Tɔlɔ Mɔ 22:12

Nɛ Gale tɔ̃ hã Balamɛ na: “Mɔ nɛ́ sɛ do wa gɔ, nɛ mɔ fɔmbɔ sɛ 'bɔ owinɔ ni gɔ, we kɛ mi wila nu mi tɛ wa wila.”

Tɔlɔ Mɔ 22:17

Mi hã sɛ gã kpamɔ hã mɔ, nɛ mi dɛ sɛ 'bɔ mɛ kɛ mɔ kɔ̃a ni. Mɔ kɔ̃, nɛ mɔ tɛ, kɔ mɔ fɔmbɔ owinɔ gɛ hã mi.”

Tɔlɔ Mɔ 23:13

Nɛ Balakɛ tɔ̃ hã Balamɛ na: “Mɔ tɛ́, kɔ lɛ la do mɔ dɛ gele fala, hã mɔ zɔ owinɔ ni vɛ̃, we kɛ mɔ zɔ́ wa vɛ̃ gɔ. Kɔ lɛ hɔ i mɔ, nɛ mɔ fɔmbɔ sɛ wa hã mi.”

Tɔlɔ Mɔ 23:27

Nɛ Balakɛ tɔ̃ hã Balamɛ na: “Mɔ tɛ́, kɔ lɛ la do mɔ dɛ gele fala. Lɛ hɔ i mɔ, nɛ mbe gɔ, nɛ Gale a kɔ sɛ na, mɔ fɔmbɔ owinɔ ni hã mi.”

Tɔlɔ Mɔ 24:9

Wa ɔ nɛ gbɔgbɔ kɛ a ɔ nù, nɛ nde fo wi tɔ̃ na, a kulu ngɔ bina ni. “Wi kɛ a wélé nu a tɛ obe Israɛlɛ, nɛ Gale a wele sɛ nu a tɛ̃ a. Wi kɛ a fɔ́mbɔ́ obe Israɛlɛ, nɛ Gale a fɔmbɔ sɛ a.”

Owi Nɛ Tonɔ 16:16

Ngba soe kpo, lɛ zi tɛ nɛ tɛ fala dɔnggɔ do Gale, nɛ lɛ kpa ngba lɛ do mbe boko be ngbá kpo. Nɛ nde a do 'dã hi wi, kɛ ma tɔ̃ gulu mɛnɔ kɛ ma hɔ sɛ 'do gɛ ni. Nɛ a kpa zi mbili hã owele a we nɛ wena.

Mbulanɔ 23:4

“Oamoni do Omoabɛ, wa lé sɛ kɔ mba li ngba wi 'da owinɔ 'da NWA fala kpo gɔ. Gɛnɛ kɔ wa ko, hã wa sanza fala 'bu, nɛ nde obe yaa wa wa wé sɛ we le kɔ mba li ngba wi gɔ.

Yozue 24:9

Nɛ nwa ngɔ nù Moabɛ, kɛ li a a Balakɛ, be 'da Sipɔrɛ, a tɛa we bi nɛ. A sa mɔ hã Balamɛ, be 'da Beɔrɛ we fɔmbɔ nɛ.

1 SAMUƐLƐ 17:43

Nɛ Goliatɛ he mɔ zu a na: “Mɔ nɛ dɛ te kɔ̃ mɔ gɛ do ge nde? Mɔ lengge na, mi a tolo nde?” Nɛ a fɔmbɔ Davidi do zu li ogalenɔ 'da Ofilisti.