Tɔlɔ Mɔ 22:23 - WE NU GALE 1995

²³ 'Da fala punda zɔa anzɛ tɛ yolo do du kɔya kɔ̃ a ni, nɛ a la li wala, nɛ a le kɔ fɔ. Nɛ Balamɛ zɛ a we fo a dɛ li wala.

Tɔlɔ Mɔ 22:23 Iomraidhean Croise

2 Onwanɔ 6:17

'Do nɛ, nɛ a sambala na: “Aa NWA, mɔ hũi li a kɔ a zɔ mɛ ma la ni.” Nɛ NWA hũi li wi toe 'da Elize, nɛ a zɔ na, ngɔ kala kɛ zã Elize ni vɛ̃, ma dunu do ombalata, do ongilingili kɛ ma nyɛ we ngbangge ngbangge ngbangge ni.

1 Sakonɔ 21:16

Davidi nɛa we ba li ɛ ngɔ, nɛ a zɔ anzɛ li nza ngɔ i tɛ yaka gba du kɔya 'da a dɛ si 'biti Yeruzalɛmɛ nga. Nɛ Davidi do kumunɔ kɛ wa hi'da tulu gɛlanɔ ni, wa gu li wa nù.

Yeremi 8:7

Gɛnɛ kɔ odɔndɛa, wa ĩ ti kɔ̃ tũ kulu tɔa 'da wa, nɛ oyanggenɔ, do oganakelenɔ do okonggonɔ wa ĩ 'bɔ ti kɔ̃ tũ kɛ wa nɛ kpolo do tɛ wa ni. Nɛ nde nɛ, owinɔ 'da mi, nɛ ĩ̀ ti mɔ kpo kɔ mbulanɔ mi ia zi hã nɛ ni gɔ.

DANIƐLƐ 10:7

Mi Daniɛlɛ, mi zɔa wi ni zu mi kpo. Owinɔ zi kɛ zã mi ni, wa zɔ̀ a gɔ. Nɛ nde kili ba wa, nɛ wa yu, nɛ wa usu tɛ wa.

Tɔlɔ Mɔ 22:24

Nɛ anzɛ 'da nwa nɛa, nɛ a yolo dɛ tɛ fala li wala mɔɛ nɛ ni. Fala ni, mɛ a li ngbala fɔ vinɔ bɔa kɛ wa zĩ ngbo dɛ tɛ nɛ.

Owi Nɛ Tonɔ 22:9

Nɛ winɔ kɛ wa kã zi mi ni, wa zɔa yele ngbala ni, nɛ nde wa zèlè gɛlɛ wi tɔ̃ we hã mi ni gɔ.

Yozue 5:13

Mbe ngba soe kpo, Yozue zi dɔ̃ɔ do Yeriko, kɔ a nɛ ka mɔ, nɛ a zɔ wele kpo, nɛ nde a yula dɛ dati a do du kɔya kɔ̃ a. Nɛ Yozue nɛ, nɛ a kɔlɔ do a, nɛ a aka a na: “Mɔ a wi mɔ́ lɛ, tabi mɔ a wi sɛnɛ lɛ nde?”

2 PETRO 2:16

Nɛ Gale dãlã zi dɛ tɛ Balamɛ we 'dã mɛ a dɛ ni. Mba gɔ, mbe ngba soe kpo, nɛ punda 'da Balamɛ wila we hã a ɔ nɛ kɛ wele wele do we ni, nɛ a ga Balamɛ na, dɔ a dɛ́ 'bɔ mɔ yɔnda ni gɔ.

YUDA 1:11

'Bako do wa! Mba gɔ, wa ba wala 'da Kaina. Wɔ mbili tombo wa we dɛ mɔ bɛlɛ, ɔ nɛ kɛ Balamɛ dɛa zi ni. Nɛ Gale gbɛa wa we duzu nga zu 'da wa, ɔ nɛ kɛ a gbɛa zi Kore ni.