Tɔlɔ Mɔ 22:12 - WE NU GALE 1995

¹² Nɛ Gale tɔ̃ hã Balamɛ na: “Mɔ nɛ́ sɛ do wa gɔ, nɛ mɔ fɔmbɔ sɛ 'bɔ owinɔ ni gɔ, we kɛ mi wila nu mi tɛ wa wila.”

Tɔlɔ Mɔ 22:12 Iomraidhean Croise

Ndo Nyanga Dɛ Mɔ 12:2

Mi dɛ sɛ na, obe zã mɔ wa dɛlɛ, nɛ wa hɔ gã nu kɔnggɔ wele. Nɛ mi wele sɛ 'bɔ nu mi tɛ mɔ na, sako li mɔ dɔ̃lɔ̃, nɛ tala gele winɔ wa kpa sɛ wila nu we duzu mɔ.

2 Sakonɔ 31:10

Nɛ gã nwa nganga Azaria, kɛ a kɔ nu fɛlɛ Sadɔkɛ ni, gese hã a na: “Yolo do ngba soe kɛ winɔ wa ndua tɛ do dɔnggamɛnɔ 'da wa tɛ kɔ tɔa Tɛmpɛloe 'da NWA ni, lɛ nyɔngɔ mɔ, nɛ zã lɛ hɛ̃ hɛ̃a fai, nɛ tala nyɔngɔmɛnɔ 'bana dɛ i mɔ iko. We kɛ NWA Gale wila nu a tɛ owinɔ 'da a. Kɔ mɛnɔ lɛ ngɛma dɛ gɛ, mɛ a tala kɛnɔ ma 'bana gɛ a ni.”

Zumanɔ 144:15

Owinɔ kɛ wa kpa dia mɔ ɔ na mɛ ni, wa a wi yangga. Owinɔ kɛ NWA a Gale 'da wa ni, wa a wi yangga.

Zumanɔ 146:5

Wi kɛ Gale 'da Yakɔbɔ gala a ni, a a wi yangga. Wi kɛ a gbini zã a do NWA Gale 'da a ni, a a wi yangga.

Ezai 61:9

Ogele winɔ vɛ̃ wa ĩ sɛ ti obe zã nɛ. Winɔ vɛ̃ kɛ wa zɔ sɛ wa ni, wa ĩ sɛ na obe zã nɛ, wa a Owi kɛ mi NWA, mi wila nu mi tɛ wa.”

Mike 6:5

Aa nɛ, owinɔ 'da mi, nɛ lénggé do Balakɛ, nwa ngɔ nù Moabɛ kɛ a kɔ̃a zi we fɔmbɔ nɛ ni. Nɛ nɛ lénggé do gisa nu we kɛ Balamɛ, be 'da Beɔrɛ, a gisa zi hã a ni. Nɛ ta zu nɛ tɛ èlè ngɔ tɛlɛ tɛ kɛ mi kã zi oyaa nɛ, yolo tɛ Sitimɛ, gbaa we hɔ tɛ Gilgalɛ ni gɔ. Nɛ lénggé ki ni vɛ̃, nɛ nɛ ĩ sɛ ti mɛnɔ kɛ mi NWA, mi dɛa we kpasa do nɛ ni.”

Tɔlɔ Mɔ 22:11

Owele wa yula ngɔ nù Ezipeto, nɛ wa kpa do falanɔ vɛ̃. Kɔ a kɔa na, mi fɔmbɔ wa hã ɛ, takɔ ɛ bi wa, nɛ ɛ nɛ ngɔ wa, nɛ ɛ ndaka wa ngɔ nùi 'da ɛ do'do.”

Tɔlɔ Mɔ 22:13

Fala nɛa we sa ma, nɛ Balamɛ nɛa, nɛ a tɔ̃ hã okumunɔ kɛ Balakɛ tumba wa ni na: “Nɛ kpóló tɛ nɛ dɛ ngɔ nùi 'da nɛ. NWA bɛ̃a na, mi tɛ nɛ̀ do nɛ gɔ.”

Tɔlɔ Mɔ 22:6

nɛ ngɔ gili wa nɛa ngɔ lɛ do'do. Kɔ mɔ kɔ, nɛ mɔ tɛ, kɔ mɔ fɔmbɔ wa hã mi. Mbe gɔ, nɛ lɛ we sɛ we bi wa, nɛ lɛ nɛ ngɔ wa, nɛ lɛ ndaka wa ngɔ nùi gɛ do'do. Mba gɔ, mi ĩ na, wila nùi do fɔmbanɔ ma hɔ kɔ nu mɔ ni, nɛ ma dɛ tɛ̃ ɛ.”

Tɔlɔ Mɔ 23:23

Obe Israɛlɛ wa dɛ́ sɔ na, wa ĩ ti mɛ Gale kɔa ni gɔ, we kɛ Gale be mɛnɔ vɛ̃ a kɔa ni hã wa bia.

Tɔlɔ Mɔ 23:3

Nɛ Balamɛ to hã Balakɛ na: “Mɔ 'báná dɛ kɛ zã dɔnggamɛnɔ gɛ, kɔ mi nɛ la dɛ gele fala. Mbe gɔ, nɛ NWA a be sɛ tɛ̀ a hã mi, nɛ mi tɔ̃ sɛ we a tɔ̃a hã mi ni hã mɔ.” Nɛ Balamɛ la, nɛ a kũ dɛ zu kala i.

Tɔlɔ Mɔ 23:8

Kɔ mi nɛ dɛ fala fɔmbɔ winɔ kɛ NWA fɔmbɔ wa gɔɛ ni nɛ nde? Mi nɛ dɛ fala tɔ̃ to ngamɔ hã winɔ kɛ NWA hã̀ ngamɔ hã wa gɔ ni nɛ nde?

Tɔlɔ Mɔ 24:9

Wa ɔ nɛ gbɔgbɔ kɛ a ɔ nù, nɛ nde fo wi tɔ̃ na, a kulu ngɔ bina ni. “Wi kɛ a wélé nu a tɛ obe Israɛlɛ, nɛ Gale a wele sɛ nu a tɛ̃ a. Wi kɛ a fɔ́mbɔ́ obe Israɛlɛ, nɛ Gale a fɔmbɔ sɛ a.”

MATIE 27:19

'Da fala Pilatɛ dungu nù we 'bili we ni, nɛ kɛnɛ a tombo to hã a na: “Mɔ tɛ lè kɔ we 'da wi bɔlɔ zui gɛ gɔ, we duzu kɛ mi yala zu mi dɛ ngɔ a dè gɔ.”

ROMA 11:29

Mba gɔ, Gale hã mɔ hã wele ia, nɛ nde a bá 'bɔ ma kɔ̃ a gɔ. Nɛ a kpóló 'bɔ linggamɛ 'da a ngɔ wanɔ kɛ a sa zɛ́ mɔ hã wa ia ni gɔ.

EFƐZƐ 1:3

E kɔ lɛ dɔ́nggɔ́ Gale, Baa Nwa 'da lɛ Yezu Kristo! A wila nu a tɛ lɛ do wala 'da Kristo kɛ lɛ mba kpo do a ni, nɛ a hã odia mɔ kpi do kpi kɔ li nza i hã lɛ, we gala do hi lɛ.

Mbulanɔ 2:7

Nɛ Mɔizɛ tɔ̃ 'bɔ na: “Tɛ nɛ tɛ èlè ngɔ kɛ NWA Gale 'da nɛ wila zi nu a tɛ mɛnɔ vɛ̃ nɛ dɛa ni gɔ. A zɔa mɔ tɛ nɛ li wala gɛnɛ 'da nɛ tɛ li gba zɔ̃ɛ gɛ. A zi fala nɛ kpo do nɛ gbaa 'do 'bu sabɛlɛ nalɛ, nɛ nɛ zɔ̀lɔ̀ mɔ kpo gɔ.

Mbulanɔ 23:5

Mba gɔ, 'da fala nɛ hɔa zi nza ngɔ nù Ezipeto, nɛ nɛ zi a li wala gɛnɛ ni, nɛ owinɔ ni wa yɛlɛ zi ti nɛ do nyɔngɔmɔ do lì nɔ nɔa gɔ. Ĩ na, wa sa zi mɔ hã Balamɛ, wi zɔ gulu mɔ, kɛ a a be 'da Beɔrɛ tɛ kɔ le Pɛtɔrɛ, tɛ ngɔ kala Mezopotami ni na, a tɛ. Nɛ a tɛa, nɛ wa futa a na, a fɔmbɔ nɛ.

Mbulanɔ 28:6

“NWA a wele sɛ nu a tɛ mɛnɔ vɛ̃ kɛ nɛ dɛ ma ni.

Mbulanɔ 33:29

“Aa nɛ, obe Israɛlɛ, nɛ a owi yangga gbãlã we. Nu kɔnggɔ winɔ kɛ NWA kpasa wa, ɔ nɛ kɛ a kpasa do nɛ ni ngɔ nù gɛ bina. NWA zu a kpo, a amba zu nɛ ɔ nɛ ngele ni, a ɔ nɛ du kɔya kɛ ma hã ngawi hã nɛ, nɛ nɛ nɛ ngɔ owi sɛnɛ nɛ ni. Owi sɛnɛ nɛ wa tɛ sɛ, nɛ wa ala nu wa hã nɛ. Nɛ nɛ ma sɛ wa do wali 'da wa dɛ nù.”

Mbulanɔ 7:14

Nɛ la sɛ ngɔ tala gele nu kɔnggɔnɔ do kpamɔ. Nɛ nɛ, owi wilinɔ do owukonɔ, tabi onadalamɛnɔ 'da nɛ, nɛ dúngú sɛ ndɔlɔ gɔ.