Tɔlɔ Mɔ 21:9 - WE NU GALE 1995

⁹ Mɔizɛ dula gɔ̃ tũ mɔ bole ni, nɛ a e ma zu te. Kɔ fala kɛ gɔ̃ gɔmɔ zi wele, hã a ka mɔ tɛ gɔ̃ tũ mɔ bole ni, nɛ a kpasa.

Tɔlɔ Mɔ 21:9 Iomraidhean Croise

2 Onwanɔ 18:4

Ezekiasi 'danga zi fala wa 'dafa we dɔnggɔ do ogalenɔ, nɛ a gbini otanɔ kɛ wa ndɛngɛlɛ zi ma dɛ ngɔ ngbɛ ɛ ni, nɛ a 'bili sanga okpikima Asera, nɛ a gbini 'bɔ sanga hi gɔ̃ɛ kɛ Mɔizɛ dula zi ma do tũ mɔ bole ni. Mba gɔ, Oisraɛlɛ wa dɔ zi fũ yɔmbɔ we dɔnggɔ do gɔ̃ɛ ni dɔa fai gbaa, we hɔ ngba soe 'da Ezekiasi, nɛ wa sa zi li gɔ̃ɛ ni na Nɛhustanɛ.

Ezai 45:22

“Nɛ, owinɔ tɛ ndɔti nùi 'di ni, nɛ síkí li nɛ dɛ 'da mi, nɛ nɛ kpasa sɛ. Mba gɔ, Gale wi a mi zu mi kpo. Fo gele gale olo mi bina.

ZAKARIA 12:10

Mi dɛ sɛ na, obe zã Davidi do ogele winɔ kɔ le Yeruzalɛmɛ ni, wa hɔ wi dia zã, nɛ wa sambala mi. Nɛ wa lengge sɛ wi toe 'da mi kɛ wa dumu zi gbãlã ngu'du a, nɛ wa gbɛ a ni, nɛ wa he sɛ kɔ̃a a wena, ɔ nɛ kɛ wele he do kɔ̃a fio kpo bulu be tabi kuti be 'da a ni.

YOANƐ 1:29

Fala nɛa we sa 'do nɛ, nɛ Yoanɛ zɔ Yezu tɛ tɛ 'da a nga, nɛ a tɔ̃ hã owinɔ na: “Nɛ zɔ́, Be Bata 'da Gale kɛ a fo sɛ ku'da 'dã mɛnɔ zu winɔ ni, a kɛ!

YOANƐ 12:32

Kɔ 'da fala kɛ wa ba sɛ mi dɛ ngɔ ni, nɛ mi dɛ sɛ na, winɔ vɛ̃ wa tɛ dɛ 'da mi.”

YOANƐ 6:40

We duzu kɛ Baa mi kɔ̃a na, winɔ vɛ̃ kɛ wa zɔa mi Be 'da a, nɛ wa kɔ̃a zu li mi ni, wa kpa kpasi kɛ ma é sɛ gɔ ni. Nɛ do ndɔti nùi, nɛ mi tunu sɛ wa kɔ fio, takɔ wa ɔ do kpasi.”

ROMA 1:17

Mba gɔ, Dia Sakoe ni, ma be tɛlɛ tɛ kɛ Gale a fo sɛ Owele ti ngbangga, nɛ a dɛ na, wa hɔ Owi bɔlɔ zu li a ni. Nɛ nde ma wia na, wele kɔ̃ zu li Yezu Kristo, sɛ nɛ Gale a dɛ sɛ na, a hɔ wi bɔlɔ zu li a de. Fo mbé gele wala bina. Ma ɔ nɛ kɛ wa kɔmɔ kɔ 'Buki 'da Gale na: “Wi kɛ a kɔ̃ zu li Gale, nɛ Gale a dɛ sɛ na, a hɔ wi bɔlɔ zu li a, nɛ wi ni sɛ do kpasi” ni.

ROMA 8:3

Mbula kɛ Mɔizɛ kɔma ni, ma wè zi tɛ kpasa wele gɔ, we duzu kɛ winɔ wa zi do ngawi we dɛ ma vɛ̃ bina. Nɛ nde Gale dɛa mɔ kɛ mbula wè tɛ dɛ ma gɔ ni. A tumba Be 'da a ngboo dɛ ngɔ nù gɛ, nɛ a ba kifi tɛ wele, kɛ a a wi dɛ 'dã mɔ ni, nɛ a kala 'dã mɛnɔ 'da winɔ dɛ zu a, nɛ a fe we nɛ. Na mɛ ni, a gbɛa ngawi 'da 'dã mɔ kɔ kifi tɛ lɛ.

2 KORINTƐ 5:21

Kristo zi do 'dã mɔ bina, nɛ Gale ia ku'da 'dã mɛ 'da lɛ dɛ zu a, takɔ lɛ mba li ngba lɛ do a, kɔ lɛ hɔ wi bɔlɔ zu li Gale.

OHEBRE 12:2

Nɛ lɛ ká mɔ kpo dɛ tɛ Yezu, kɛ kɔ̃a we 'da lɛ yolo kɔ a ni, nɛ a kã sɛ 'bɔ lɛ gbaa we hɔ ndɔti nɛ. 'Da fala wa nɛa zi we gbɛ a ngɔ finda te ni, nɛ a kunu sila a, nɛ a lènggè do fio sape ni gɔ, we duzu kɛ a zɔa yangga kɛ ma 'bɔ 'da a ni. Nɛ ngangga gɛ, a dungu kɛ zã kpongbo nwa 'da Gale, si ngɔ ngawili kɔ̃.

1 YOANƐ 3:8

Nɛ wi kɛ a 'bana tɛ dɛ 'dã mɔ fai ni, a a wi 'da Satana. Mba gɔ, Satana ndua zɛ́ dɛ 'dã mɔ yolo do gulu. Nɛ nde Be 'da Gale tɛa we gbɛ dɛa to 'da Satana.