Tɔlɔ Mɔ 21:8 - WE NU GALE 1995

⁸ nɛ NWA gese hã a na: “Mɔ ba tũ mɔ bolo, nɛ mɔ dolo ma do gɔ̃, nɛ mɔ e ma zu te. Kɔ 'da fala kɛ gɔ̃ gɔmɔ wele, hã a soko gɔ̃ tũ mɔ bole ni, nɛ a kpasa sɛ.”

Tɔlɔ Mɔ 21:8 Iomraidhean Croise

2 Onwanɔ 18:4

Ezekiasi 'danga zi fala wa 'dafa we dɔnggɔ do ogalenɔ, nɛ a gbini otanɔ kɛ wa ndɛngɛlɛ zi ma dɛ ngɔ ngbɛ ɛ ni, nɛ a 'bili sanga okpikima Asera, nɛ a gbini 'bɔ sanga hi gɔ̃ɛ kɛ Mɔizɛ dula zi ma do tũ mɔ bole ni. Mba gɔ, Oisraɛlɛ wa dɔ zi fũ yɔmbɔ we dɔnggɔ do gɔ̃ɛ ni dɔa fai gbaa, we hɔ ngba soe 'da Ezekiasi, nɛ wa sa zi li gɔ̃ɛ ni na Nɛhustanɛ.

Zumanɔ 145:8

NWA do mbɔkɔ li wena, a a wi dia zã do du sila, nɛ kɔ̃a zã 'da a ma la mɔ vɛ̃.

Ezai 14:29

“Aa nɛ Ofilisti, nɛ zélé! Oasiri wa ɔ zi nɛ zufa zɛ do nɛ ni, nɛ nde sɔɛ gɛ, zufa ni ma gbulu ia. Kɔ nɛ tɛ dɛ̃ yangga do ti gɔ. Mba gɔ, mbé gɔ̃ kɛ a dãlã wena ni, a hɔ sɛ nza kɔ wɔlɔ gɔ̃ɛ fia gɛ. Nɛ kuli mbé gɔ̃ɛ ni, ma 'bɛ̃lɛ̃ sɛ gba sɔ̃ sa'de,

Ezai 30:6

NWA Gale tumba toe gɛ we duzu osa'denɔ tɛ li gba zɔ̃ Negɛvɛ. A na: “Owi nɛ tonɔ 'da obe Israɛlɛ wa kala okpamɔ kpi do kpi, nɛ wa a ma ngɔ opunda do osamo, nɛ wa nɛ do ma hã Oezipeto, kɛ wa gbáká wele gɔ ni. Owinɔ ni wa la do ngɔ nù Negɛvɛ, kɛ ngamɔ do 'dã mɔ kɔ nɛ wena ni. Ogbɔgbɔ, do odã gɔ̃̀, do ogba sɔ̃ sa'de kɛ wa bũ bũlũ ni wa di ni boe.

Ezai 45:22

“Nɛ, owinɔ tɛ ndɔti nùi 'di ni, nɛ síkí li nɛ dɛ 'da mi, nɛ nɛ kpasa sɛ. Mba gɔ, Gale wi a mi zu mi kpo. Fo gele gale olo mi bina.

YOANƐ 3:14

“'Da fala Mɔizɛ zi tɛ li gba zɔ̃ i ni, nɛ a ia gɔ̃ tũ mɔ bolo zu te we kpasa do winɔ. Na mɛ ni, winɔ wa e sɛ tɛ mɛ 'bɔ mi Be 'da Wele dɛ ngɔ,