Tɔlɔ Mɔ 21:7 - WE NU GALE 1995

⁷ Nɛ tala owinɔ wa yu dɛ 'da Mɔizɛ i, nɛ wa tɔ̃ hã a na: “Lɛ tɔ̃a 'dã we hã mɔ do NWA, lɛ dɛa 'dã mɔ. Kɔ mɔ kɔ̃, nɛ mɔ ala nu mɔ hã NWA na, a ndaka odã gɔ̃nɔ gɛ do'do.” Ma kɛ Mɔizɛ sambala NWA we owinɔ,

Tɔlɔ Mɔ 21:7 Iomraidhean Croise

Ndo Nyanga Dɛ Mɔ 20:17

Nɛ nde we duzu mɛ wa dɛa hã Sara, wuko 'da Abrahama ni, nɛ NWA dɛa na, wukonɔ kɔ tɔa 'da Abimelɛkɛ ni vɛ̃, wa tɛ kò 'bɔ kula gɔ. Nɛ Abrahama sambala Gale we duzu wa, nɛ Gale kpasa Abimelɛkɛ, do wuko 'da a do owuko wi dɛa tonɔ 'da a, nɛ a dɛa na, wa ko 'bɔ mbé kula.

Ndo Nyanga Dɛ Mɔ 20:7

Mɔ gésé wuke hã wili a. We kɛ wili a a wi gba olo nu mi Gale, nɛ a sambala sɛ mi we duzu mɔ na, mɔ tɛ fè gɔ. Nɛ nde fala kɛ mɔ gèsè a hã wili a gɔ, nɛ mɔ fe sɛ mba do nu fɛlɛ mɔ, nɛ nɛ kumu sɛ vɛ̃.”

1 Onwanɔ 13:6

Nɛ nwa Yeroboamɛ ala nu a hã wi gba olo nu Gale na: “Mɔ kɔ̃́, nɛ mɔ aka NWA Gale 'da mɔ na, a fo 'dã mɛ 'da mi, hã 'baka mi de dɛ olo nɛ.” Nɛ wi gba olo nu Gale sambala NWA Gale, nɛ kɔ̃ Yeroboamɛ de dɛ olo nɛ.

2 Onwanɔ 13:4

Yoakazɛ nɛa we zɔ ni, nɛ a ala nu a hã NWA Gale, nɛ NWA zila sambala 'da a, tua kɛ a zɔa tɛlɛ tɛ kɛ nwa ngɔ nù Siri zɛlɛ do tɛ Oisraɛlɛ ni.

YƆBƆ 42:10

Yɔbɔ sambala we duzu oyali ngba a do'do, nɛ NWA gese kpamɛnɔ 'da a zi dati ni hã a. Nɛ a a 'bɔ mbe kpamɔ ngɔ kɛ Yɔbɔ zi do ma dati ni fala bɔa.

YƆBƆ 42:8

Kɔ di dɔ̃ ni, nɛ kálá owili ngɔmbɔ sambo do owili bata sambo, hã nɛ nɛ́ nɛ 'da wi toe 'da mi Yɔbɔ. Nɛ nɛ dɔ́ osa'denɔ ni do dɔnggamɔ hã mi Gale, we duzu 'dã mɛ 'da nɛ, nɛ wi toe 'da mi Yɔbɔ a sambala sɛ we nɛ. Nɛ mi zele sɛ sambala 'da a do dia nɛ. Nɛ gɛnɛ kɔ nɛ tɔ̃̀ zi gbãlã we 'da mi ɔ nɛ kɛ Yɔbɔ tɔ̃a ma ni gɔ, nɛ nde mi ha sɛ etumbu hã nɛ olo yɔndɔ dɛa mɔ tɛ nɛ gɔ.”

Zumanɔ 106:23

Nɛ 'da fala kɛ Gale kɔ̃a we mbiti owinɔ 'da a ni, nɛ Mɔizɛ, wi toe kɛ a saka a ni kulu ngɔ, nɛ a ala nu a hã a na, a tɛ dɛ nɔ̃lɔ̃ zã, hã a kumu wa vɛ̃ gɔ.

Zumanɔ 78:34

Nɛ 'da fala kɛ Gale gbɛa ombe sanga wa ni, nɛ otala wa wa kpula tɛ wa dɛ 'da a, nɛ wa gɔ gbaka wi kɔ̃ a.

Kulu Tɔa 10:17

Nɛ mbɔ́kɔ́ mi, nɛ nɛ sámbálá 'bɔ NWA Gale 'da nɛ we duzu mi, tako a fo mi kɔ ngamɔ fie gɛ do'do.”

Kulu Tɔa 32:11

Mɔizɛ nɛa we zele ni, nɛ a ala nu a hã NWA Gale 'da a na, a mbɔkɔ sila a. Nɛ a tɔ̃ hã a na: “Aa NWA, mɔ fua owinɔ 'da mɔ ngɔ nù Ezipeto do ngawi 'da mɔ kɛ ma la ngɔ mɛnɔ vɛ̃. Kɔ gulu kɛ zã mɔ nɔ̃lɔ̃ dɛ tɛ wa we ge nde?

Kulu Tɔa 32:30

Fala sa olo nɛ ni, nɛ Mɔizɛ tɔ̃ hã obe Israɛlɛ na: “Nɛ dɛa gã 'dã mɔ. Nɛ nde mi nɛ kũ dɛ 'da NWA ngɔ kala i, kɔ mi aka a na, a kɔ̃, nɛ a fo ku'da 'dã mɛ ni zu nɛ.”

Kulu Tɔa 8:28

Nwa ngɔ nù Ezipeto nɛa we zɔ ni, nɛ a dɛ nga zu, nɛ a na, obe Israɛlɛ wa lá sɛ gɔ.

Kulu Tɔa 8:4

Nɛ nwa ngɔ nù Ezipeto zɔa ni, nɛ a sa mɔ hã Mɔizɛ do Aroni, nɛ a tɔ̃ hã wa na: “Nɛ áká NWA Gale, hã a gbɛ odalɛnɔ gɛ ngɔ nùi 'da mi do'do. Fala kɛ a gbɛ wa, nɛ mi e sɛ obe Israɛlɛ ni, takɔ wa nɛ we hã dɔnggamɔ hã a.”

Kulu Tɔa 8:8

Olo nɛ, nɛ Mɔizɛ do Aroni wa hɔa nza kɔ tɔa 'da nwa ngɔ nù Ezipeto, nɛ wa la. Nɛ Mɔizɛ sambala NWA Gale na, a gbɛ́ odalɛnɔ, nɛ a fo nwa ngɔ nù Ezipeto kɔ etumbui kɛ a hã ma hã a ni do'do.

Ezai 26:16

NWA, mɔ hã zi etumbu hã lɛ, nɛ lɛ owinɔ 'da mɔ, lɛ kpa ngamɔ. Nɛ nde lɛ siki li lɛ dɛ 'da mɔ, nɛ lɛ sa mɔ hã mɔ na, mɔ gbaka lɛ.

Yeremi 15:1

NWA tɔ́a hã mi na: “Gɛnɛ kɔ Mɔizɛ do Samuɛlɛ wa hɔ sɔ dɛ, hã wa ala nu wa hã mi we owinɔ gɛ, nɛ nde mi dɛ́ sɔ 'bako hã wa gɔ. Kɔ mɔ nɛ́, hã mɔ tɔ̃́ hã wa na, wa fó tɛ wa li mi do'do.

Yeremi 37:3

Gɛnɛ kɔ na mɛ ni, nɛ nde nwa Sedekiasi tumba Yukalɛ, be 'da Selemia, do nganga Sɛfania, be 'da Maseya we aka mi Yeremi na, mi sambala NWA Gale 'da lɛ we lo.

OZE 5:15

“Mi la sɛ owinɔ 'da mi, nɛ tɛ wa ma zɛlɛ sɛ olo 'dã mɛnɔ wa dɛa ni gbaa na, wa kpolo tɛ wa we fa mi sɛ nɛ de. Kɔ wa te kɔ ngamɔ, nɛ wa fa sɛ mi.”

Tɔlɔ Mɔ 11:2

Obe Israɛlɛ wa nɛa we zɔ ni, nɛ wa he mɔ, nɛ wa sa mɔ hã Mɔizɛ na, a gala lo. Mɔizɛ ala nu a do zu li wa hã NWA, nɛ we bi.

MATIE 27:4

Nɛ a tɔ̃ hã wa na: “Mi dɛa 'dã mɔ, we kɛ mi 'dɔla wi kɛ a dɛ̀ 'dã mɔ gɔ ni na, wa gbɛ a!” Nɛ wa gese hã a na: “Ma zɔ̃ lɛ gɔ. Ki ni a we 'da mɔ zu mɔ kpo!”

Owi Nɛ Tonɔ 8:24

Nɛ Simɔ tɔ̃a hã Petro do Yoanɛ na: “Nɛ kɔ̃́, nɛ nɛ sámbálá Nwa Gale we mi na, dɔ mɛ nɛ tɔ̃a nɛ ni, ma dɛ́ mi gɔ.”

ROMA 10:1

Onyae, mɛ kɛ mi kɔ̃a do sila mi vɛ, nɛ mi aka Gale we nɛ, mɛ a kɛ na, a kpasa onya mi Oyudanɔ.

Mbulanɔ 9:20

Zã NWA nɔ̃lɔ̃ zi dɛ tɛ Aroni wena, nɛ a kɔ̃a zi we gbɛ a. Nɛ nde do ngba soe ni, mi sambala zi we a wena.

ZAKE 5:16

Kɔ we duzu ki ni, mi tɔ̃ hã nɛ na, nɛ gbálá 'dã mɛnɔ 'da nɛ hã ongba nɛ, nɛ nɛ sámbálá 'bɔ Gale we ongba nɛ, takɔ nɛ kpasa tɛ zɛlɛ 'da nɛ. Sambala kɛ wi bɔlɔ zu sambala do sila a vɛ̃ ni, ma do ngawi wena.

1 SAMUƐLƐ 15:24

Saulo nɛa we zele ni, nɛ a he mɔ na: “Mi dɛa 'dã mɔ! Mi bɛ̃a we nu NWA, nɛ mi bɛ̃a 'bɔ we nu mɔ. Mi dɛa kili osodanɔ 'da mi, nɛ mi dɛa linggamɛ 'da wa.

1 SAMUƐLƐ 15:30

Saulo dala nu ɛ na: “Mi dɛa 'dã mɔ! Nɛ nde mi ala nu mi hã mɔ na, mɔ é dĩ zu mi dati okumunɔ do obe Israɛlɛ. Nɛ lɛ kpóló tɛ lɛ do mɔ, takɔ mi nɛ we dɔnggɔ NWA Gale 'da mɔ.”