Tɔlɔ Mɔ 21:6 - WE NU GALE 1995

⁶ Ma kɛ NWA nɛa we zele ni, nɛ a tombo odã gɔ́ hã wa. Nɛ gɔ̃nɔ ni wa gɔmɔ gba gili obe Israɛlɛ, nɛ wa fe.

Tɔlɔ Mɔ 21:6 Iomraidhean Croise

Ezai 14:29

“Aa nɛ Ofilisti, nɛ zélé! Oasiri wa ɔ zi nɛ zufa zɛ do nɛ ni, nɛ nde sɔɛ gɛ, zufa ni ma gbulu ia. Kɔ nɛ tɛ dɛ̃ yangga do ti gɔ. Mba gɔ, mbé gɔ̃ kɛ a dãlã wena ni, a hɔ sɛ nza kɔ wɔlɔ gɔ̃ɛ fia gɛ. Nɛ kuli mbé gɔ̃ɛ ni, ma 'bɛ̃lɛ̃ sɛ gba sɔ̃ sa'de,

Ezai 30:6

NWA Gale tumba toe gɛ we duzu osa'denɔ tɛ li gba zɔ̃ Negɛvɛ. A na: “Owi nɛ tonɔ 'da obe Israɛlɛ wa kala okpamɔ kpi do kpi, nɛ wa a ma ngɔ opunda do osamo, nɛ wa nɛ do ma hã Oezipeto, kɛ wa gbáká wele gɔ ni. Owinɔ ni wa la do ngɔ nù Negɛvɛ, kɛ ngamɔ do 'dã mɔ kɔ nɛ wena ni. Ogbɔgbɔ, do odã gɔ̃̀, do ogba sɔ̃ sa'de kɛ wa bũ bũlũ ni wa di ni boe.

Yeremi 8:17

NWA tɔ́a na: “Mi nɛ tombo Owi sɛnɛ nɛ hã nɛ. Wa 'danga ɔ nɛ odã gɔ́ ni. Wa gɔmɔ sɛ nɛ, nɛ wele kpo wé sɛ we ɔkɔlɔ wa do zuma gɔ.”

EZEKIƐLƐ 14:15

“Mbe gɔ, nɛ mi e sɛ o'dã sa'de na, wa gbɛ owinɔ, nɛ nùi ma kifi sɛ li go, we kɛ wele ɔ́ sɛ 'bɔ di ni gɔ. Nɛ wele kpo yámbá sɛ we la wala do di ni gɔ, we kɛ wa dɛ sɛ kili sa'denɔ ni.

1 KORINTƐ 10:9

Nɛ lɛ tɛ yàmbà sila Nwa, ɔ nɛ kɛ ombe sanga wa wa yamba zi sila a, nɛ Ogɔ̃nɔ wa gɔmɔ wa, nɛ wa fe ni gɔ.

Mbulanɔ 8:15

Nɛ a kã nɛ do li gba zɔ̃ɛ kɛ ma gã wena, nɛ Owele wa dɛ kili nɛ dɛa ni. Mɛ a li gba zɔ̃ kɛ odã gɔ̃, do ogbatɔalanga wa dɔ tɛ nɛ wena, nɛ fo lì kpo di ni bina. Nɛ nde NWA dɛa zi na, lì go'do kɔ ta kɛ ma nganda wena, nɛ nɛ nɔ ma.